نطقتوني يا بنات المنتدى

[ana-howa]

السلام عليكم
كيما تلاحظوا هذا اول موضوع ليا من مدة كنت نراقب من بعيد لكن اللي دوخني مع كل احترامي للجميع واحدة تشكي تقلك خطيبي ما عندوش النيف خلاني نخرج و و و
و اخرى تقلك مزير و حاب يخليها في زمن العبودية لانو مزير انتم ما عجبكم والو ؟؟؟

قالكم ايه و حاضر و رايك ماعليش قلتو طماع و باغين واحد شخصيته قوية و يفرض رايه ؟؟؟ ... قالها من الاول نبغي كذا و كذا قلتو مزير و يتشرط عليها .. يعني انتم و ماراكمش عارفين واش باغين ؟؟؟؟

و الاهم اللي خلاني نكتب موضوع هنا لاخت تستفسر انو في الرؤية الشرعية قالها على جملة من الشروط يعني و الله ما عرفت كيفاه فيهموها لبنات اللي تقلك كيفاه يخطب و يتشرط عليك و اللي تقلك زمن العبودية يعني انتم تحبو الكذاب اللي يقلك ديري واش بغيتي و بعد العرس يبان وجهو الحقيقي
صححوا معلوماتكم يا اخواتي اللي يقلك واش باغي في المرا من الاول ماهوش يتشرط راهو حاب يحط النقاط على الحروف من الاول و الله زمن العجائب

و واش من عبودية الله يخليكم لي يقلكم نقصوا الخرجة هذاك استعباد ؟؟ سبحان الله ؟؟؟؟؟

يعني المفروض واش تحبوا لي يقلكم حاضر و نعم و من بعد يدير رايوا ؟؟؟؟

اللي انتم سميتوها شروط هاذيك حقوا يقلك باغي كذا و كذا و لازم عليه و عليك هاذيك مفاهمة و المفاهمة تكون في الاول ماشي بعد ما تطيح الفاس في الراس

ربي يهديكم يا بنات بلادي

سلام

[بسمة اكرام]

يسلم هداك الفم
ربي يحفضك

[رندة نهاد]

المشاركة الأصلية كتبت بواسطة ana-howa

السلام عليكم
كيما تلاحظوا هذا اول موضوع ليا من مدة كنت نراقب من بعيد لكن اللي دوخني مع كل احترامي للجميع واحدة تشكي تقلك خطيبي ما عندوش النيف خلاني نخرج و و و
و اخرى تقلك مزير و حاب يخليها في زمن العبودية لانو مزير انتم ما عجبكم والو ؟؟؟

قالكم ايه و حاضر و رايك ماعليش قلتو طماع و باغين واحد شخصيته قوية و يفرض رايه ؟؟؟ ... قالها من الاول نبغي كذا و كذا قلتو مزير و يتشرط عليها .. يعني انتم و ماراكمش عارفين واش باغين ؟؟؟؟

و الاهم اللي خلاني نكتب موضوع هنا لاخت تستفسر انو في الرؤية الشرعية قالها على جملة من الشروط يعني و الله ما عرفت كيفاه فيهموها لبنات اللي تقلك كيفاه يخطب و يتشرط عليك و اللي تقلك زمن العبودية يعني انتم تحبو الكذاب اللي يقلك ديري واش بغيتي و بعد العرس يبان وجهو الحقيقي
صححوا معلوماتكم يا اخواتي اللي يقلك واش باغي في المرا من الاول ماهوش يتشرط راهو حاب يحط النقاط على الحروف من الاول و الله زمن العجائب

و واش من عبودية الله يخليكم لي يقلكم نقصوا الخرجة هذاك استعباد ؟؟ سبحان الله ؟؟؟؟؟

يعني المفروض واش تحبوا لي يقلكم حاضر و نعم و من بعد يدير رايوا ؟؟؟؟

اللي انتم سميتوها شروط هاذيك حقوا يقلك باغي كذا و كذا و لازم عليه و عليك هاذيك مفاهمة و المفاهمة تكون في الاول ماشي بعد ما تطيح الفاس في الراس

ربي يهديكم يا بنات بلادي

سلام

[*الحواس*]

كلامك في محله و كنت أريد إضافة رد في ذلك الموضوع لكن و جدته مغلقاً .
و الأن قد سنحت الفرصة لكي أوضح أمراً بشان ذلك الرجل الذي تقدم لخطبة تلك الفتاة و قد تهجم عليه البعض , 15 سنة خدمة و ما دار والوا

السيد كان عسكري و أرجح 90 % أنه كان من صنف رجال الصف ..... و راتب رجل الصف لايسمني و لا يغني من جوع مقارنة بعمله الثقيل و الكثير .... و لا أريد الخوض في التفاصيل أكثر
السيد تقدم للحلال , و الأغلب لا يعلم بظروفه كيف كانت حالته خلال 15 سنة عمل ....

[نورسين.داية]

إسمحلي لكن كل واحد إشوف واش يخرج عليه ............................ربي وفقك

[moonlight19]

كي النساء كي الرجال ماهمش فاهمين واش راهم يحوسو

نظن الحرية ماعرفولهاش حاشا البعض الا من رحم ربي

ربي يهدينا و يهديهم و يتوب علينا اااامييين

[" أبو عبود"]

النساء تحوس عليه متدين = يعني ماشي تاع نساء
تحوس عليه رومنسي = يعني يخرج معاها للبحر يوقل لها شعر ومغازلة
تحوس عليه خدام = يجي الهدايا ليها ليماها طبعا نسيبته لعزيزة
ساكن وحدو = يبعد على يماه لانها هي سبب كل المصائب ( حسب رؤيتها هي)
وفي الاخير يقل لها التعدد تكفر عليه وعلى السابع من جدوده

[optimism]

السلام عليكم
عادي الانسان متناقض ,,,,,,,,,,,,,,,,لازم كل شاب او فتاة يفهم روحوا
بارك الله فيك

[mosta277]

يعطيك الصحة

[راية الاسلام1]

السلاام عليكم
أوافقك في جل ماقلته
لكن هناك نقاط انا ضدك فيها لانه ليس كل النسااء سواسية وكذلك حاال الرجاال
انا ارفض وامقت وبشدة رجل يقولي ماديريش هاديك وهو يديرها اظنك فهمتني
بااارك الله فيك
ويبقى لكل رايه الخاااص

[abdouillizi]

الشروط تدل على عقلية لمرأة ادا رأيتها تشترط ما يفيدها و يفيد زوجها في الدنيا و الاخرة فتمسك بها و وافق على ما طلبت كمن تطلب حضور الحلقات او السكن لوحدها اما من كانت شروطها للدنيا ففر بجلدك منها فرارك من الاسد

[وليد1990]

الراجل الحقاني ما يشرطش ما شفيتش انا على بياتنا كانوا يشرطوا ......الشروط للمرأة وليست للرجل

وزيادة وعلاه ما يخليهاش تخرج لمواليها ... ق هو الي يتوحش امو زعم هيا ماتتوحشش امها علاه مهيش عبد ... أنا نعرف برك الخزاين الي ماتخرجشش من الديار

انتم فهمتم أية وقرن في بيوتكن .. فهما ذكوريا عنجهيا محض ...... فتكملة الآية هي ولا تبرجن تبرج الجاهلية الأولى .. أي ان الحكمة من الاستقرار في البيت هو منع التبرج وفتن الناس وان لا يكون الخروج لمجرد الخروج أي ان الاية لا تمنع خروج المرأة مطلقا

( وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى وَأَقِمْنَ الصَّلَاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا ) الاحزاب 33

لذلك من حق المرأة ان تخرج بالاذن متى ارادت لزيارة اهلها دون اي تعسف ..ولو كان هذا كل اسبوع طالما أن الامر لا يعطل مصالح البيت ثم أن المرأة ربة البيت العاقلة تعرف ان كثرة الخروج يضر مصالح بيتها ويعطل أمورها

[عبد الله 22]

النية نتاع زوج أصبحت فاسدة إلا ما رحم ربي ، في الوقع لا حد ينكر ما تعانيه الكثير من النساء من ظلم وطلاق تعسفي وخاصة أن الكثيرات كانت مقتدر أو كان بإمكان ان تكون لها مستقبل او حتى شهادات قد تقيها ذل رجل قصدها بكلمة الله ورسوله واهانه وظلمها بنفس الكلمة، في هذا المنتدى كثير مانرى بعض المواضيع ضد عمل المرأة ( وانا ضد عمل زوجتي إن شاء الله ) لكن لم أرى موضوع ولنقول حملة لتوعية الرجل بسب خروج المرأة لعمل يوج الالف النساء تتمنى أن الجلوس في البيت تتمنى رجل بمعنى الكلمة لكن إي الثقة في الرجال، من جهة أخرى لا الكثيرات من تضع كل من تقدم إليها في ميزان واحد في حين كان من المفترض الحرص فقط على البحث و بشكل معمق وإن تتطلب الامر طلب فترة تبقى الزواج مشروع كغيره من مشاريع الحياة يحتاج أصل الجهود و العمل من أجل إنجاحه بتبع خطوات النجاح و التي تبدا من قبول الخاطب أو إختيار المرأة من طرف الرجل

[sali-sali]

السلام عليكم

الراجل يبحث على زوجة كاملة
والمراة تبحث عن رجل كامل
وتكثر الشروط والطرفين ما بين مؤيد ومعارض

ناسين ان كل طرف يكمل الاخر
للاسف هوالخوف الزائدة و عدم وجود ثقافة ومسؤولية في امور الزواج

بارك الله فيك

[محمد جديدي التبسي]

هنا كلو خيال وراهم يحلمو وغدوة يشوفو الواقع ويفطنو