شوفو كيفاه حقروني يا خاوتي

[جزائري مغترب]

السلام عليكم

انا كملت ليسانس تاريخ منذ 4 سنوات ونصف وكانت هذه المسابقة فرصة بعد بطالة طويلة ومريرة وحطيت ملفي بولاية ورقلة بعد الاستخارة والاتكال على الله

المهم خرجت نتيجة استاذ متوسط وكانت الكارثة !! حطولى بالمقابلة 1.5 وقلنا نوكل عليه ربي اللى حطلى كيما هاك..
وتحصلت على معدل 14.50 قلنا الحمد لله ولكن للأسف لم اكن ضمن قائمة الناجحين ال 7
واكتشفت المصيبة الاكبر وهي ان الحاصل على الترتيب الثالث من مواليد ديسمبر 1988 حصل على اقدمية شهادة 6 نقااااط !!!!!!!!!!!!
والقانون لا يعطيهم الحق بأن يضعو اكثر من 5 نقاط على معامل الاقدمية !!!! معناها 12 عام خبرة !!!! يارباااااااه من اين جاء بها
وزيدو المهم السيد صاحب الترتيب اسمه *بالمنقع رشيد* لا اعلم اذا كان له ضلع بهذا الامر المهم انا نوكل ربي بهذا الظلم
لأنه واحد زايد بـ 88 وديسمبر مستحيل تزيد اقدميته عن 3 سنوات معناها 1.5 نقاط وخلينا نقول 2 نقاط فيهبط مباشرة من الترتيب وانا اخذ حقي بالترتيب لانني فى الترتيب ال 8
ونقول حسبي الله ونعم الوكيل حسبي الله ونعم الوكيل على كل ظالم الله لاتربحهم الله يجعله سحت بقلوبهم وكل حياتهم تولي مرض ومصائب كيما راهم دارو في ونحولي حقي ظلم وافتراء وكل مانتفكر بانه حصل على 6 نقاط من اصل 5 نحس روحي شوي ونهبل من هذه البلاد ..

قدمت طعن ولكن اعلم انه والله اعلم معولين يدرو قالبهم كاش مايترافيكو بالعمر ويقولو كنا غالطين وا كاش حاجة اخري ولكن اتنمي ان يقرا احد منهم هذا الكلام او يتذكره .. ان لم يكن لي قاضي فى هذه الدنيا فإن شاء الله القاضي رب العباد ييوم الدين ومنيش مسامح لادنيا ولا اخرة ..

ومعول نروح للمحاكم والامن ومانخلى حتى حاجة وربي ويعطيني الصحة ويعينني على حقي .. وراني حاسس فعلاص بكل واحد انحقر بهذه المسابقة الظالمة

ماقولكم يا اخوان هل هناك حلول ؟

[Dj BoBo]

السلام عليكم

أخي الكريم قدّم طعن لمديرية التربية

و أكتب شكوى لمفتشية الوظيف العمومي

و في نفس الوقت قدّم بلاغ للمحكمة لوكيل الجمهورية

ما حدث كارثة بأتم معنى الكلمة

و لا تسكت على حقك ابدا


ضف إلى ذلك دقق في شهادات الإقامة للمترشحين الناجحين

و إن كان أي تزوير بلّغ المحكمة و قدّم بلاغ رسمي عند الشرطة

[kamal2010]

السلام عليكم اخي
اياك ان تسكت على حقك و يحق لك رفع دعوى عليهم في المحكمة بوضع سلم التنقيط
ووضع قائمة و عليها تأشير الاسم الفائز

و قدم طعن لللمديرية الوضيف العمومي

[جزائري مغترب]

ان شاء الله لن اسكت علي حقي

[*نسرين]

لقدم طعن ربي يجبلك حقك بادن الله

[amine eco]

كيما قلك الاخ وليد قدم طعن وشكوى

[جزائري مغترب]

بارك الله فيكم رفعتم القليل من معنوياتي

[rachidsystem34]

لخويا اياك ان تسكت علي حقك روح للوضيف العمومي ودي هذي الورقة معاك ودي الطعن بلاك تستهزا راهم كلاب مايحشموش

[kaout]

ملاحظة صغيرة
انت كاتب ولاية الجلفة وحطيت جوسي نتاعك في ولاية ورقلة الا يطلبون بطاقة اقامة؟؟
ربي يكون معاك

[hakim-medea]

الله يحيب الخير اخي الكريم ما تسكتش على حقك
دير المشاكل ...خلطها عليهم
روح للمحكمة روح للشرطة ..
زيد وكل عليهم ربي و ادعي عليهم في صلاتك
الله يلعنهم .. بسبب كلاب كيما هاذو رانا نعانو

[جزائري مغترب]

المشاركة الأصلية كتبت بواسطة kaout

ملاحظة صغيرة
انت كاتب ولاية الجلفة وحطيت جوسي نتاعك في ولاية ورقلة الا يطلبون بطاقة اقامة؟؟
ربي يكون معاك

لا لا اختى الاقامة مطلوبة فقط بولايات معينة ولكن معظم الولايات كانت مش ملطوب فيها بطاقة اقامة لانها مسابقة وطنية ... فمثلا نصف الناجحين بولاية الجلفة كانو من خارج الولاية ........

المهم دعواتكم خاوتي على هذا الظلم والافتراء وربي يقدرني على هذا الظلم

[farid_2004]

لا تسكت اخي على مثل هده الفضيحة وربي دائما ينصر المظلوم حتى ولو بعد حين ربي ينجحك خويا

[amine eco]

الاقامة سبب اقصاءك اظن

[انور ربيحي]

ما ضاع حق من ورائه طالب وسكت عن الحق شيطان اخرص اخي الى الامام و اياك ان تسكت علي حقك

[مالك مقرة]

لي رجاء لا تسكن عن حقك لولا احترامي للاعضاء لقلت ما يندى له الجبين لهؤلاء الحمقى اللهم عذبهم في الدنيا قبل الاخرة اللهم عذبهم باولادهم وامولهم_ ان كان ذالك مقصود _وفي الاخير اقول لك لا تسكت لا تفشل لا تهن وربي يرد الحق