الغاء قوائم الناجحين في مسابقة الاساتدة

[mohdje]

ستضطر مديريات التربية للولايات، إلى إعادة ترتيب المترشحين في مسابقات التوظيف في سلك الأساتذة، عن طريق إلغاء قوائم الناجحين المعلن عنها، بسبب تعليمة وزارة التربية الوطنية التي نزلت عليهم كالصاعقة، التي اشترطت كشوف النقاط لكافة سنوات الدراسة وليس للسنة الأخيرة فقط، في عملية "الانتقاء" وهو الخطأ الذي وقعت فيه جل مديريات التربية.
وأكدت المصادر التي أوردت الخبر، أن مراسلة ديوان وزارة التربية الوطنية، قد أحدثت فوضى بمديريات التربية، على اعتبار أن القوائم التي قامت بنشرها تعد "ملغاة" ولا بد من إعادة الترتيب ونشر قوائم أخرى.
.......................................المصدر ...جريدة الشروق....

[Adnou Eclypse]

واش خويا ؟ هاذي poisson د افريل تاع اوت و لا كيفاه ؟؟؟

[بيلسان91]

المشاركة الأصلية كتبت بواسطة adnou eclypse

واش خويا ؟ هاذي كذبة افريل تاع اوت و لا كيفاه ؟؟؟

وزيد باااه كملها
المصدر جريدة الشروق
منا وهك دير حبك مليح مليح للكدبة تاعك:d

[mohdje]

المشاركة الأصلية كتبت بواسطة adnou eclypse

واش خويا ؟ هاذي كذبة افريل تاع اوت و لا كيفاه ؟؟؟

لم ارد ااطلاقان اكتب هدا الموضوع لما يسببه من ضرر نفسي على الناجحين و لكن انا نقلت المعلومة و فقط ...اتمنى ان لا تكون صحيحة
ادا اردت التأكد طالع الخبر على الشروق اون لاين
الله المستعان

[mokha]

الشروق كذابة من بكري و اصلا معروفة تحب دير الفوضى الله لا تربحكم يا لشروق الكذب عمري ما سمعت منها خبر رسمي

[mohdje]

المشاركة الأصلية كتبت بواسطة بيلسان91

وزيد باااه كملها
المصدر جريدة الشروق
منا وهك دير حبك مليح مليح للكدبة تاعك:d

اختي تأكدي اولا و تبيني ثم لكي ان تقولي اني اكدب ...هدانا الله و اياك
الخبر على موقع الشروق

[Adnou Eclypse]

المشاركة الأصلية كتبت بواسطة بيلسان91

وزيد باااه كملها
المصدر جريدة الشروق
منا وهك دير حبك مليح مليح للكدبة تاعك:d

ايه يا بيلسان ، الناس اي نجحت و دارت الباروك و فرحوا و راح ينحيوهم ، و حنا ؟؟؟؟ ، رانا نغسلوا في الصوف كشما يجيب ربي

بصح ممكن تاع ولايتنا ، tellement اذكياء ـ علابالهم بلي غبريط راح تلغي القوائم ـ مالا ما حبوش ychokiwna ، كثر خيرهم ربي يجازيهم

[ليال 22]

اظن المعلومة صحيحة لانه في بعض الولايات حسبوا المعدل العام و للاسف ه>ا هو الاصح ل>لك ستعاد عملية الترتيب

[بيلسان91]

المشاركة الأصلية كتبت بواسطة Adnou Eclypse

ايه يا بيلسان ، الناس اي نجحت و دارت الباروك و فرحوا و راح ينحيوهم ، و حنا ؟؟؟؟ ، رانا نغسلوا في الصوف كشما يجيب ربي

بصح ممكن تاع ولايتنا ، tellement اذكياء ـ علابالهم بلي غبريط راح تلغي القوائم ـ مالا ما حبوش ychokiwna ، كثر خيرهم ربي يجازيهم

شتي كفاش
الحق الحق عندك امل تدي بوست ولا لا انا معنديش امل
ولا ريزيلتا تاع الكونكور كي الباك والبيام المعدل 19 و 17

[بيلسان91]

اقسم بالله راني جيت للقسم هدا من المنتدى فالوقت هادا بارسكو ملقيتش وش نتفرج فتيلي
سينو والله متشوف وجهي هنا كاين المرض وفرات
كل يوم واحنا نسناو ماكاين والو غير القيل والقال
السمانة الي فاتت تحرقلي لغدى خاطر حاكمة لحيط لهن

[بيلسان91]

نسيت بش نسقسيك
تا قالمة وين مديين يكونوهم دبروها لاكان راحو لبلاصة فيها تحواس

[camélia21]

ربي يهدي ماخلق

[Adnou Eclypse]

المشاركة الأصلية كتبت بواسطة بيلسان91

شتي كفاش
الحق الحق عندك امل تدي بوست ولا لا انا معنديش امل
ولا ريزيلتا تاع الكونكور كي الباك والبيام المعدل 19 و 17

ااااايه انا نقلك الحق ـ نهار عقبت و قبل ما يخرجوا النتائج تاع الولايات ( سوق اهراس ، الاغواط ، الميلة ، ....الخ) ، كان عندي امل كبير و حاط روحي ناجح 100 بالمئة و قريب شريت طبلية و مسطرة و مدور و عجينة باش نقري بيهم ، بصح وراء ما شفت النتائج ، طاح المورال و بديت نفقد الامل لانو جماعة 1977 و 1983 داو لي بوسط كل ، انا حاير وين كانو مخبيين ، كانو في les conjulateurs و لا كيفاه ، مهم ، هو كلشي بالاقدار و لي نجح كلشي مبروك و لي ما نجحش كلشي مبروك ثاني

[Adnou Eclypse]

ايه تاع التكوين ، و الله سقسيت قبيل بصح ما لقيتش جواب ، لكان نجحنا نشا الله يديونا لكاش ولاية على شط البحر و يسكنونا في فندق 9 ايتوال ، لكان ما نجحناش نشا الله يديوهم لعين قزام تاع تمنراست و لا الدبداب تاع ايليزي

[بيلسان91]

المشاركة الأصلية كتبت بواسطة Adnou Eclypse

ااااايه انا نقلك الحق ـ نهار عقبت و قبل ما يخرجوا النتائج تاع الولايات ( سوق اهراس ، الاغواط ، الميلة ، ....الخ) ، كان عندي امل كبير و حاط روحي ناجح 100 بالمئة و قريب شريت طبلية و مسطرة و مدور و عجينة باش نقري بيهم ، بصح وراء ما شفت النتائج ، طاح المورال و بديت نفقد الامل لانو جماعة 1977 و 1983 داو لي بوسط كل ، انا حاير وين كانو مخبيين ، كانو في les conjulateurs و لا كيفاه ، مهم ، هو كلشي بالاقدار و لي نجح كلشي مبروك و لي ما نجحش كلشي مبروك ثاني

ماكانوش فلكونجيلاتار كانوا يخدموااا ويخبيييو فالسوارد دارو السكاني والطزموبيل والدهب
ودرك ظهرلهم عاودوا قراو وداو الديبلوم تاع التمسخير وولاو دي ماجور وهام ينحيو فيها لينا احنا قد ولادهم علا جال ماه علاجال 003 الف