السلام عليكم
البركوكس وشكون ما يبغيهش ... تختلف مناطق الوطن في طريقة تحضيرو
انا وصفتي هادي هي .... الحاكم ربي سبحانو ... وزيدو احكمو نتوما ......
المقادير والطريقة مع بعض :
حطيت طرف دجاج برك ولا ماكنش ديري حتى بلاكاركاس نتاعو ( البنة في العظم ) مع شوية نتاع زيت و 1 بصلة رابي و 5 سنات ثوم و نقصت من كمية البصل والثوم مغيرفة مغيرفة ......
ضفت 1/2 م ص فلفل اسود + 1 م ص فلفل احمر عكري + ملح ....و قليت كلش مع بعض زدت 2 م ك مركز الطماطم وحركت و في هاد الوقت كنت حاطة 2 حبات طماطم في الماء يغلو ..... كي طراو طحنتهم مع الماء نتاعهم على الدجاج و الباقي ....... زدت مقدار من الماء الدافي وغلقت الكوكوت بعد 20 د حليت وكنت وجدت دي بولات باللحم المفروم حطيت فيهم هادوك 2 مغارف نتاع البصل والثوم و زدت شوية ملح وفلفل اسود و شكلت كويرات ...حطيتهم يطيبو وز دت كمشة نتاع حمص .... ديجا مبيتاتو في الماء فقط ومطيباتو 10د و دايراتو في المجمد .......و عاودت غلقت وكملت الطياب
من بعد ظفت في الحقيقة المحمصة نتاع المشرى ...... مازال ما لحقتني العولة من عند ماما الله يخليها ........
تبغي المحمصة نتاع المشرى طيب اكتر من البركوكس المفتول في الدار .......المهم كي قريب يطيب حطيت جوا حار للبنة فقط و رابيت 1 سنة ثوم و ضفت 1 م ص كروية خليتهم غلاو غلية وحدة وطفيت النار ...وكي قدمت فتت هاداك طرف الدجاج وسربيت البركوكس معاه ومع كويرات اللحم المفروم ..............هاكدا نديرولو حنا في منطقتنا ..........
بصحتكم .....
السلام عليكم
( تقرير عن مشاركة سيئة )، و الموجودة أسفل كل مشاركة .
2014-06-18, 21:10
بركــــــــــــــــوكس
العرض الشجري