ماذا تفضل؟ العيش مع العائلة أم العيش لوحدك.

[lembarek05zemra]

ماذا تفضل بعد الزواج ؟
العيش مع أبيك وأمك وإخوتك في جو عائلي.
او العيش وحدك بعيدا عن المشاكل العائلية مع اخوتك.
مشاركاتكم تسرنا.

[الباتنية 19]

خويا سقسينا حنا لبنات واش نشرطو باه تديونا ماشي نتوما واش تبغيو
هههههههه نضحك برك
ماكانش قد الجو العائلي بصح الوقت تبدل والناس عادت ماتخافش ربي بصح الحل انو يكون الزوج راااااااجل وعندو كلمة على مرتو من جهة وكلمة في دارهم من جهة اخرى يعني يوازن بين الامرين وتاكد المراة المتربية ولي تحتارم زوجها وتخاف على قيمتو هذيك الصح لي تقدر تحمل كلش على جالو كي يكون هو يستاهل
ربي يوفقنا ويوفقكم يا رب

[وليد1990]

العيش بسكن مفرد احسن

[Magiic]

Bon je suis une fille et je préfère vivre toute seule et y a pas mieux même si les problèmes " ou bien les faux problèmes" ykounou ykounou b3ida wela 9riba ,

[youcefpc]

انا افضل العيش مع العائلة لانه افضل للاطفال في تربيتهم ومستقبلهم .
وهذا شرطي الاول لكل من اخطبها .

[سجل أنا جزائري]

أفضل في بيت متسقل أفضل

[hadjerjouja]

انا باغية نسكن مع العايلة اكيد على الاقل عام ولا عامين نوالفهم ويولفوني ومن بعد اذا فتح علينا ربي نخرجو وربي يقدر الخير

[راية الاسلام1]

السلاام عليكم
أكيد البيت المستقل احسن وأفضل بكثيـــــــر
قد اقبل اذا كان السكن مع ام واب الزوج لكن الاخوة ابــدا!!!!
وهنااك اسباااب عديــــدة كلنا نعرفها
بااارك الله فيك

[أَحمــد]

من يريد تربية اولاده وزوجته فعليه بالسكن لوحده

[~ أم عبد الرحمـن ~]

السكن المستقل افضل كيما يقولو ناس بكري

القرب يجيب الكلام و البعد يجيب السلام

[hodayena]

طلبت السكن بمفردي لكن داخل البيت العائلة يعني يبني في البيت العائلة في الطابق العلوي او السفلي فوصلت للطلاق لرفض ابيه
فوجود عدة مشاكل هو بعيد عنهذه المشاكل وانا نرفد كي طلبت وصلت للطلاق رغم حسن معاملتي معهم قولولي وراه الراجل الي ميحبش يعيش هو وهرتو في حريتو ومن بعد يقولو مرتي ماتلبس وماطيب وتشبح هي مخنوقة وهو قاعد يطلب

[Ayad3]

أن يعيش الزوج و زوجته مستقلين أحسن و بكثير من البقاء في منزل العائلة مع الوالدين و الاخوة لعدة أسباب نذكر منها

1- أسرارهما تبقى بينهما في جميع المجالات و هذا مهم لاستمرار الحياة الزوجية .
2- يصبح الأب أو الزوج هو المسؤول الوحيد عن العائلة .
3- تعود الابناء منذ الصغر على أن أبوهم هو الكل في الكل و ليس الجد أو ربما العم وهذا يدخل في تكوين شخصية الطفل
4- طبعا و هذا معروف لا يمكن نكرانه و هو عدم تفاهم الزوجة مع افراد زوجها فلا ينبغي للأطفال أن يتأثروا بذلك .
طبعا رأيي هذا غير مطلق في كل الحالات فمثلا اذا كان للزوج أم و أب كبيرين في السن و ليس لديهم من يعيلهما فهنا كل ما قلته يضحى به و على الابن أن يعيش مع والديه تحت سقف واحد و أن يحسنا هو و زوجته لهما لأن ديننا الحنيف يوصينا بذلك .

يبقى هذا رأي خاص

[imyta]

وحدييييي طبعا

[amira19]

نشري لهنا بالملايير و يكذب عليك لي يقلك لهنا في دار العايله لهنا الزوجة و زوجها في بيت مستقل يتمتعوا بزواجهم و واحد ما يكسرلهم راسهم

[اسعى لرضى الله]

تبالي السكن المستقل احسن باش يقعد القدر بين المرا واهل زوجها وكي نقول سكن مستقل لا يعني انو يقطعو صلة مابينها وبين اهل زوجها لا بالعكس تزورهم ويزوروها ويقعد القدر والاحترام , وهكا تربح راجلها وتربح اهلو ومن جهة اخرى باش الراجل يهز المسؤولية ويزيد يلقاو راحتهم وكل واحد ورايو