حسبيا الله وحده نعم الوكيل.

[MOUUSSA]

[size="7"]السلام عليكم ورحمة الله تعالى وبركاته.............حسبيا الله وحده نعم الوكيل فى كل من يمنح الأولوية للفتيات فالتوضيف..........المجتمع الجزائرى أصبح ينبإ بكارثة.............

[Lady_Djelfa]

علاش تديرلنا في المشاكل يا أخي ؟؟؟
ما كاين حتى أولوية

عدد البنات لي يشاركو أكثر يعني نورمال يربحو أكثر

أخطيكم من التفلسيف الله يستركم

[hichambibi]

الله غالب ربي يفرج على كل مومن

[حنان العنابية]

المشاركة الأصلية كتبت بواسطة Lady_Djelfa

علاش تديرلنا في المشاكل يا أخي ؟؟؟
ما كاين حتى أولوية

عدد البنات لي يشاركو أكثر يعني نورمال يربحو أكثر

أخطيكم من التفلسيف الله يستركم

3andak hak ala galab labnat 3andham diplom aktar man drari w ahna wach ndirolham

[bellar]

المشاركة الأصلية كتبت بواسطة lady_djelfa

علاش تديرلنا في المشاكل يا أخي ؟؟؟
ما كاين حتى أولوية

عدد البنات لي يشاركو أكثر يعني نورمال يربحو أكثر

أخطيكم من التفلسيف الله يستركم

لاتفلسيف لا والو فات ونزعو وثيقة الخدمة الوطنية فمن المفروض يكونو الذكور اكثر عدد لانهم كانو مدرونجين سنين من المشاركة هذاك الكلام وقت فات

[Lady_Djelfa]

المشاركة الأصلية كتبت بواسطة bellar

لاتفلسيف لا والو فات ونزعو وثيقة الخدمة الوطنية فمن المفروض يكونو الذكور اكثر عدد لانهم كانو مدرونجين سنين من المشاركة هذاك الكلام وقت فات

حتى و ان كانو الذكور أكثر عددا من الآعوام الماضية لا يزال عدد الاناث المشاركةأكبر بكثير يا لأخي ... شوف برك الصور الصادرة في الصحافة نتاع يوم 23 جويلية في موضوع المسابقة و سترى الفرق الكبييييييييييير لي كاين بينهم,

حسبنا الله و هو نعم الوكيل في من يريد غشنا ولكن من فضلكم ما تظلموش نتوما ثاني ...

[meriemn19]

on dirait la cause de votre faillite homa les filles en 2014 mazalna bark f had tbahlil, j'étais suppléante kanou 3andi des classes fihoum 40 élèves 34filles et 6garçons ya3ni tout à fait normal nel9aw bnat najhine akter men rjeel.. 9dima bezaf hadi hkayet priorité pour les filles

[hadnan]

يجب إعادة النظر في قوانين التوظيف في الجزائر وإعطاء الأولية للرجال ما دام الرجل من يسعى لإنشاء أسرة

أنا شخصيا منذ 6 سنوات متخرج والنساء فقط من تنجح

الله سبحانه وتعالى في الميراث أعطى للذكر مثل حق الأنثيين وهذا لحكمة يعلمها إلا هو سبحانه

يعني الرجل يحتاج الرزق أكثر مما تحتاجه المرأة

الله يهدينا لما فيه الخير والسداد ـ

[merzouguiyoucef]

كل شيئ عادي في بلادي

[hichembfk]

روحو شوفو الي انتخبتوه للعهدة الرابعة

[SAMRA 33]

ربي هو الرزاق ومكتوبك لا احد ياخذه مازال لم يحن الوقت فقط
ربي يرزقك عمل تخلص فيه الملايين المملينة لتعوض ما فاتك
اكثر من الاستغفار

[IMANE DOUDI]

المشاركة الأصلية كتبت بواسطة hadnan

يجب إعادة النظر في قوانين التوظيف في الجزائر وإعطاء الأولية للرجال ما دام الرجل من يسعى لإنشاء أسرة

أنا شخصيا منذ 6 سنوات متخرج والنساء فقط من تنجح

الله سبحانه وتعالى في الميراث أعطى للذكر مثل حق الأنثيين وهذا لحكمة يعلمها إلا هو سبحانه

يعني الرجل يحتاج الرزق أكثر مما تحتاجه المرأة

الله يهدينا لما فيه الخير والسداد ـ

الى متى الاستعباد الراجل مهوش كلشي حتى المرأة عندها حق في الشغل وبعدين الراجل يقدر يشتغل اي الشيء لكن المرأة يواتيها غير التعليم انسب مهنة وأشرفها

[asouma92]

عندي زميل متخرج و عمل كأستاذ متعاقد في الجامعه و درست عندو طالبات في السنه الثالثه و تخرجو ،و جوز معاهم المسابقه العام الماضي و تخيلوا البنات اللي قراو عندو و تخرجو هاداك العام و بمعدلات عاديه نجحوا و هو بالأقدميه والخبره تاعوا منجحش ....
منح الأولويه للبنات امر واقع ..........................متبقاوش تفلسفوا نتوما علينا ........صح البنات راهم كثر من الاولاد لكن نسبه البنات تكون اكثر في النتائج اكثر من المشاركه و التبهدايل العام الماضي في اجد النتائج باحدى الولايات 25 بنت ولا ولد.