ملازم اول شرطة و السورسي و كيف سيكون الامر

adel big · 2014-07-24, 06:34

دورك كي دير الفحص في ولايتك و ادا عيطولك لكي تجتاز الكونكور والا المسابقة , تروح وانت حامل معاك كل

الوثائق بما فيها السورسي والا مازال مش و قتهم و الوتائق الكل و تقدم في وقت لاحق" اكتوبر او نوفمبر " ?

kamikaz-dz · 2014-07-24, 10:38

نفس التساؤل والله

adel big · 2014-07-24, 21:18

واحد ميساعدك بإجابة يا زح , انا كي تكون عندي اجابة جامي بخلتها على بشر , تبا

okbano 41 · 2014-07-24, 21:59

نفس التساؤل ويستمر كابوس السورسي
ربي يجيب الخير

rayan djemaa · 2014-07-24, 22:10

السلام عليكم
يا اخي الملف تكملوا كي تنجح في جميع المراحل ولازم اثبات الوضعية تجاه الخدمة الوطنية معناها لازم تكون في وضعية قانونية ربي يوفق الجميع

adel big · 2014-07-24, 22:44

اخي انا كي عمرت ورقة المعلومات , كتبت في سؤال الخدمة الوطنية مؤجل ولم اكتب

رقم السورسي لاني معنديش فهل يقبل الملف ام مادا , انا ممكن نتحصل على سورسي ولكن في اكتوبر ليس الان فهل الوقت يساعفني ?

rayan djemaa · 2014-07-24, 23:01

بصح لازم تكتب رقم التأجيل وتاريخ الاصدار كون تسعفني تروح لمكتب التجنيد وتسوي الوضعية خير مدام الوقت مزال + روح نهار الأحد هذا راه مكانش غاشي بزاف تفريها نورمال ربي يسهل

adel big · 2014-07-25, 00:47

يا اخي انا رحت الى مكتب التجنيد , محابوش يديرولي السورسي لاني املك شهادة اعادة التسجيل 2013/2014 قالولي لازم تكون 2014/2015 !!!

rayan djemaa · 2014-07-25, 01:47

شوف اخي كاين حلين
1 يا اما راك تقرى معناها تسجل العام الجاي في سبتمبر ويعطوك شهادة التسجيل روح اخدم بها سورسي ونورمال النتائج حتى لجانفي
2 واذا كملت قرايتك ادفع الديبلوم يعطوك سورسي حتى لمارس
هذا المعروف عند كامل الطلبة

rayan djemaa · 2014-07-25, 01:50

واذا بحرتلك كامل فيهم وجد ملف كفيل عائلة وروح ادفع يعطوك سورسي عام
انا هذه لي نعرفها حاجة اخرى الله اعلم

adel big · 2014-07-25, 03:13

يا اخي ريان ربي يسترك , نعم نقدر نخرج سورسي في اكتوبر الجاي ان شاء الله , بصح هل يقبلوا الدوسي نتاعي و مشني حنسحق

السورسي ولا النيمرو نتاعو حتى جانفي و الا كيفاش , لاني دفعت الدوسي و دارولي فحص و هكا و كتبت في خانة الخدمة الوطنية اني

مؤجل من غير ان اكتب رقم السورسي لاني كما تعلم جامي خدمت السورسي , و كيما قتلك اني نجم نديرو السورسي في اكتوبر ,

وهل ادا عيطولي للمسابقة يطلبو مني ندي معايا السزرسي و الا لا ? شكرا تعبناك معانا خو

mojos2 · 2014-07-25, 09:16

خوي واقيلا يلا نجحت ف كونكور و عيطولك ليكول اديلهم هاديك الورقة تع التاجيل و كي يصنعولك كارطة زيد دفعها كي تكون ف التكوين ،انا لوكان جيت ف بلاستاك ندير هاكا و الله اعلم.

rayan djemaa · 2014-07-25, 12:19

السلام عليكم
اخي منيش باغي نطيحلك المورال مي ان شاء الله تسلك على خير برك
انت ترقب في اي وقت اتصال باش تعطيلهم تاريخ ورقم التأجيل
لانك راك في مشكل درك التأجيل تخدموا في اكتوبر وتديهلهم وش يقولك راك كذبت قبل مكانش عندك تأجيل
اي المشكل راح يكون في تاريخ التأجيل والله اعلم

adel big · 2014-07-26, 05:59

امالا دوك يعيطولي على رقم التسجيل !! :'( للاسف اني جامي درت سورسي و منلقى وش نمدلهم :'( مكتبش ربي . كون جاو اسناو شوي

على السورسي اني درتو في اكتوبر :'( . ربي يستر

ghodbane abderrachid · 2014-07-26, 22:55

السلام عليكم . يا جماعة انا نعرف ظابط في الشرطة قالي كي تنجحو قالي يشوفولكم السورسي علا لدات اللي حطيتو فيها اسكو كونتي ريقلي . يعني نهار تحط الدوسي تكون في وضعية قانونية ماشي العام الجديد والله اعلم