بخصوص صابلي روايال

sou_caty · 2014-07-25, 15:56

ليوم درت غريبية نتاع الأخت صوامعية جاتني هايلا يعطيها الصحة ودرت تان صابلي روايال شفتو هنا فالمنتدى بصح ما خرجليش شباب ولافورم خسرت راني قريب نهبل واش ندير مازال ما طيبتش نصو درتو فالثلاجة رايو عليا تعيشو

psy-emploi · 2014-07-25, 16:12

السلام. نفس المشكل بالنسبة لي لصابلي رويال .جربتو اليوم.أنا الحشو ما يحبش يحكم روحو يجي مفتت و منه لا استطيع قطع مربعات.و حتى العجينة جات بزاف جارية حتى زدتلها الفرينة باش شدة روحها. منه ننتظر المساعدة. و الله غير تقلقت .

psy-emploi · 2014-07-25, 16:14

اقتباس:

المشاركة الأصلية كتبت بواسطة sou_caty

ليوم درت غريبية نتاع الأخت صوامعية جاتني هايلا يعطيها الصحة ودرت تان صابلي روايال شفتو هنا فالمنتدى بصح ما خرجليش شباب ولافورم خسرت راني قريب نهبل واش ندير مازال ما طيبتش نصو درتو فالثلاجة رايو عليا تعيشو

ممكن تعطيلي وصفة الغريبية للأخت صوامعية. ما دام نجحتلك؟ شكرا

sou_caty · 2014-07-25, 16:31

والله غير جاتني fooooooooort
وهاهي la recette
السلام عليكم جميعا

اليوم جبتلكم طريقتي في تحضير الغريبية ناجحة جدا تتفتت بين الشوارب تذوب فالفم عندها ذوق راااااااائع كل من ذاقها عندي طلب الوصفة بصح نتوما أعضاء منتدانا إليكم الوصفة بلا متقولولي بدون إطالة نخليكم مع المقادير طريقة التحضير والصور من مطبخ الصوامعية

المقادير :

- 250 غ مرغرين طرية.
- كاس زيت.
- 4 مغارف كبار سكر قلاصي.
- 5 مغارف كبار نشا .
- فاني.
- فرينة.

طريقة التحضير:

في صحن عريض نحط مرغرين طرية + سكر قلاصي + فاني نخلطهم مع بعض ثم الزيت وأخيرا نضيف الفرينة حتى تتلم وتولي عجينة طرية نخلوها تريح شوية ونشكلوها كيما نحبو أنا عملتها بهذا المول المربع كي طابت درتلها شوية قرفة على جيهة .
هذي الكمية نتاع العجينة دارتلي حوالي 35 حبة

sou_caty · 2014-07-25, 16:33

كنت حابا نبعثلك الرابط وما قدرتش قالولي يكون عندك فوق 30 مشاركة شوفي فالمنتدى غريبية الصوامعية والله غير شابا وانشاء الله يعاونونا ف صابلي

psy-emploi · 2014-07-25, 23:57

هل من مساعدة فيما يخص الصابلي رويال، من فضلكم و شكرا

ام ساجد · 2014-07-26, 00:17

اختي انا صاحبة قاطو صابلي روايال لازم تذرذري الفرينة تحت العجينة وما تحليهاش رقيقة خلاص باش كي تهزيها ما تفسدش وزيد لازم تهزيها بالموس

والحشو لازم تعجنيه بين يديك والا ما تلمش ممكن تضيفي شوكولا سائلة او شوي ماء زهر اختي والله الوصفة مضمونة وخدمات العيد من المرات ومن الحلويات المفضلة لدي بالتوفيق

ام ساجد · 2014-07-26, 00:18

اختي ملاحظة اخرى لا شفتي العجينة طرية خلاص وما عرفتيش تتعاملي معاها ضفيلها شوي فرينة

sou_caty · 2014-07-26, 11:53

شكلرا أم ساجد