’’’ باسم الله اليوم بديــت ،، قاطو العيـــد ،،،، ’’’

سوسو-95 · 2014-07-24, 15:29

السلآم عليكـــمـــ،،

صح رمضـآنكمــ،،

بالاك راني شويا روطار مي غادي ندير مجهود باش نكمل مع راني نخدم مع ماما صافي نتعاونو و ان شاء الله نكملو القاطو في وقتو بسكو كيما تعرفو راهو يهببببل و انا اللي ما تخلي فيا والو ،، الماعيــــــــن تاوعو وااعع

المهمــــ،، اليوم بديت مع الموشكـــ،،

و غي درك كملت السابلي ،، وصفة جديدة

touha22 · 2014-07-24, 16:02

الله يبارك حنونة شباب يحلي ياماتك ان شاء الله وادا ممكن تعطيلي الوصفة نتاع المشوك بلاك نديرو ربي يخليك حنونة و صح عيدك مسبقا

عصفورة الاسلام · 2014-07-24, 16:15

يعطيك الصحة اختي وربي يوفقك

tong2 · 2014-07-24, 16:41

روعـــــــة ماشاء الله

بصـحـتــــكم حـــــــبيـــبـــة

اسراء؟ · 2014-07-24, 18:33

ايا سوسو صحيبتي اني نتيجتك رانا قاع ف95 وموالفة انشوفك في القسم تاع الباك -------زعما نغري فيك كخخخخخخخخخه باه تمديلي الوصفة تاع الصابلي لانو مايضلحليش والعجينة تجي تتفتت ايا ياشاطرة اعطيهالي يالتفصيل سينوا نسرقلك هاذون

amani 19 · 2014-07-24, 18:35

rabi ywaf9k khotiiiii

سوسو-95 · 2014-07-24, 18:56

اقتباس:

المشاركة الأصلية كتبت بواسطة touha22

الله يبارك حنونة شباب يحلي ياماتك ان شاء الله وادا ممكن تعطيلي الوصفة نتاع المشوك بلاك نديرو ربي يخليك حنونة و صح عيدك مسبقا

يبآرك فيـــك حبيبـــة ،،

ان شاااااء الله يارب و للجميــع

أوووكـــي هاني جبت الوصفة و جيت نجري هههــ،،

250 غ مارغرين طرية

2 صفار بيض

نصف كاس سكر عادي

نصف كاس جلجلان محمص _ تقدري تستغناي عليه _

نصف كاس كوكاو مرحــــــي

ملعقة قهوة فانيلا

ملعقة قهوة خمارة ( ماما قاتلي كون درتي واحدة كاملة باش يجي منفتح اكتر زعما يتلع كتر مللي خرجلي )

الفريـــــنة ،،

بعض تشكيل العجيــنة و الكريات تغطسيهم في الباض و ترمديهم في الكوكاو المرحي خشن أو اللوز المنسل و تضعيهم في الليكسات و اذا بغيتي الديكور ديريلهم ملفوق حلقوم و للا زبيب و للا كرز مجفف و كي يطيبو ديييركت فرغي عليهم العسل بالملعة باش يشرب مليح

و الله يسلمك أختيي ــ صح عيدك نتي تــــــآني

سوسو-95 · 2014-07-24, 18:59

اقتباس:

المشاركة الأصلية كتبت بواسطة عصفورة الاسلام

يعطيك الصحة اختي وربي يوفقك

شكراا حنونة ،، اللهم آميــن يآرب

أجمعيــــــن

اقتباس:

المشاركة الأصلية كتبت بواسطة tong2

روعـــــــة ماشاء الله

بصـحـتــــكم حـــــــبيـــبـــة

الله يسلمــــــك ختيتوو،، ربي يحفظك

اقتباس:

المشاركة الأصلية كتبت بواسطة amani 19

rabi ywaf9k khotiiiii

ameeeeeeeen ya rabii ;; lina kamal inchaaAllah

سوسو-95 · 2014-07-24, 19:11

اقتباس:

المشاركة الأصلية كتبت بواسطة اسراء؟

ايا سوسو صحيبتي اني نتيجتك رانا قاع ف95 وموالفة انشوفك في القسم تاع الباك -------زعما نغري فيك كخخخخخخخخخه باه تمديلي الوصفة تاع الصابلي لانو مايضلحليش والعجينة تجي تتفتت ايا ياشاطرة اعطيهالي يالتفصيل سينوا نسرقلك هاذون

ايـــه مرحبــــآ بناس الـــ95 ،، شحـــال نفرح مين نلقا وحدة نتيجتي ههههــ

ايــه ندل نحوووم تمآك مي دروك صاآآي رانا في الجســـر باش نسوطو للجامعة ههييــ ،، يا درى الباك ؟؟ و النتيــجة و التوجيــه ؟؟ ( تحسب أونكآآت هيهيـ)

أمممم،، بغيتي تلعبيهالي معريــفة و للا كيفآه ،، أوووووك نمدها لحبيبتــي بلا ما تسرقي بسكو راني تعبت باش صورتو هدااك يااو هههـ

250 غ مارغرين

200 غ فريـــنة

250 غ مايزيــنة

1 بيض

1 كيس خميرة كيميآئية

1 كيس سكر نـآعم

1 ملعقة صغيرة فانيليلا

خلطي كلشي عدا البيض مع الأخيـــر اضيفي تدريجيا حتى الحصول على عجينة طرية ،،

في التزيــين ،، بعد الطهي زيني الحلوى بالشكلاطة بالبوش ادوي وللا أي حاجة تساعدك و ذري عليها السكر الناعم و من ثم الصقيها بالمربــــى كما في الشكل

ان شاء الله تجربيــها و تنجحلك و تفرحي ماماك ،،

سلآمــــــ--