خسااااارة..ماروحتشش للمقابلة الشفهية

souhil sisou · 2014-07-23, 16:21

مكتوب ربي..... شحال وانا نجري مع الدوسي وكي لحق اليوم الموعود باش نجوز طفالي التيليفون و مانوضنيش صباح وزيد بالزيادة ما وصيتش الدار باش يديرو حسابهم...لموهيم كي نضت صباح وحدي و شفت في الطاقة لقيت الشمس قلت هادي ماشي السبعة تاع صباح...جبدت البورتابل من تحت المخدة لقيتو طافي ههههههه يتسما الرافاي ماصوناش و كي شت الساعة لقيتها ال12.00 قريب يادن الظهر وحنا وين نسكنو بعيدا علينا وين نجوزوا... عاودت كملت رقادي و قلت خلي دوك منين تروح تروووووووح

والحمد لله على كل حال مازالو لايام و يشوفلي ربي حاجة خلاف وربي يوفقكم كامل نشالله

صاحاااااااااااا فطووووووووووووووووركم

*سيرين نور عيني * · 2014-07-23, 16:30

ooooooo ma3lich rabi y3awdak nchalah

مراد سابقا6 · 2014-07-23, 16:32

وتزيد تكتب

إذا بقيت بطال طول حياتك ولا قعدت للفقر تتحمل مسؤوليتك

nora hala · 2014-07-23, 16:32

المكتوب سبحان الله... انت قول الحمد لله على كل حال ربي يعوضهالك ان شاء اله في حاجة اخرى

هيام الروح · 2014-07-23, 16:32

3asa an takrahou chay2an wa howakhayron lakoum

~~قلب دقيق~~ · 2014-07-23, 17:12

هذا يدل على استهتارك بمسابقة قد تفتح لك مستقبل زاهر و تزيد تقول *انك كملت رقادك* لماذا لم توصي احد افراد عائلتك كي يوقظوك في الوقت ؟ هل تعلم ان منصب استاذ في التعليم منصب غالي وهو حلم الكثيير من الجامعيين خصوصا و انه من بين الحلول التي تخرج الجامعيين من البطالة الى تقلد منصب العمل ... على كل نتمنى لك التوفيق كما نتمنى ان لا تعيد هذا السيناريو لان اجتياز مسابقة من اجل منصب العمل يجب التبكير له من وقت صلاة الفجر يا اخي.

الطالب المتواضع · 2014-07-23, 17:28

خسرتها في روحك لماذا تردها الى - مكتوب ربي - ديننا علمنا ان ننهض صباحا للسعي و العمل و انت تنام نوما عميقا و تقول مكتوب ربي لا يا اخي الكريم المكتوب حاشاه انت الذي لم تتخذ الاسباب كي تنهض و تذهب لاجتياز المسابقة اعطيك هدية مني ان النبي صلى الله عليه و سلم دعا فقال اللهم بارك لامتي في بوكورها النبي عليه الصلاة و السلام دعا لامته بالبركة عندما تنهض باكرا انظر الى ديننا كيف ينظر الى التبكير و انت بسبب نومك ضيعت اجتياز المسابقة وتزيد تقول انها مكتوب ربي والمكتوب بريء ربي يهديك ياالاخ و صح فطورك.

طريق الهدى · 2014-07-23, 17:38

هذا استهتار واضح
انا فوتت اليوم الكونكور النوم ماجانيش و انا دايرتها في بالي
الحمدلله امل يصحلنا مرة فالوقت و نزيد ماننوضش وش ندير بالنوم؟
كون مسؤول اكثر من هاك -_-
ربي يوفقك

lalib40 · 2014-07-23, 17:54

لعاك لا تريد اجتياز هذه المسابقة ولا تريد ان تكون استاذ التعليم الابتدائي

anglais_2005 · 2014-07-23, 18:07

اقتباس:

المشاركة الأصلية كتبت بواسطة souhil sisou

مكتوب ربي..... شحال وانا نجري مع الدوسي وكي لحق اليوم الموعود باش نجوز طفالي التيليفون و مانوضنيش صباح وزيد بالزيادة ما وصيتش الدار باش يديرو حسابهم...لموهيم كي نضت صباح وحدي و شفت في الطاقة لقيت الشمس قلت هادي ماشي السبعة تاع صباح...جبدت البورتابل من تحت المخدة لقيتو طافي ههههههه يتسما الرافاي ماصوناش و كي شت الساعة لقيتها ال12.00 قريب يادن الظهر وحنا وين نسكنو بعيدا علينا وين نجوزوا... عاودت كملت رقادي و قلت خلي دوك منين تروح تروووووووح

والحمد لله على كل حال مازالو لايام و يشوفلي ربي حاجة خلاف وربي يوفقكم كامل نشالله

صاحاااااااااااا فطووووووووووووووووركم

من خلال ما انت واضعه في المهنة تاعك ( الماكلة والرقاد) هذا يعكس الحالة التي انت فيها الان .

bouzianezaki · 2014-07-23, 18:20

اقتباس:

المشاركة الأصلية كتبت بواسطة طريق الهدى

هذا استهتار واضح
انا فوتت اليوم الكونكور النوم ماجانيش و انا دايرتها في بالي
الحمدلله امل يصحلنا مرة فالوقت و نزيد ماننوضش وش ندير بالنوم؟
كون مسؤول اكثر من هاك -_-
ربي يوفقك

و الله الرقاد ماجاني حتى 7 تاع الصباح

Rahil65 · 2014-07-23, 18:29

بلاك ربي بعدها عليك باسكو ما فيهاش الخير ليك
ربي يعوضك ما خير

أناييس الربيع · 2014-07-23, 18:37

هههههه وحدة عقبت معي من قسنطينة جات لسطيف

عقبت ورائحة تعقب في قسنطينة في المتوسط والابتدائية

قالتلي بيت قاعدة مارقدتش خلاص

ونتا صبحت راقد ربي يجيب الخير
وانا عقبت وندمت بسبب ولاية سطيف لي دات أكبر عدد مناصب
وبالتالي الناس كامل قصدتها
ومن الفوق كامل عقبت بلا قائمة لم أجد اسمي نهائيا
عقبت غير بالاستدعاء وهذا كامل بسبب
سوء التنظيم في سطيف

صالح القسنطيني · 2014-07-23, 18:37

هههههههه

الماكلة و الرقاد

الظاهر لا تزال في العشرين من عمرك لهذا لا تقدر المسؤولية

souhil sisou · 2014-07-23, 20:19

ربي يهديني نشالله