هريسة مميزة من مطبخي

ladymillion · 2013-05-16, 22:35

وشراكم انشاء الله تكونو بخير موضوعي اليوم الهريسة باللوز ملونة درتها وهاذ الطريقة مضمونة تجي هريسة هااااااااااااايلة وبنييينة منطولش عليكم

اليكم المقادير :

- نصف كاس ماء { يمكنك استبدالة بماء الزهر اذا حبيتي تجي فيها نكهة ماء الزهر }
- 250غ لوز مرحي رطب
-نصف كاس سكر عادي
-بياض بيضة وقرصة ملح

الطريقة:

أولا : في كاس ماء بارد جدا انقعي ربع ورقة جيلاتين

في وعاء معدني حطي الماء أو ماء زهر + السكر وخليهم يغليو فوق النار
كي يبدا يغلي بلي البانسو في الماءومسحي جوانب الوعاء باش ميلصقش السكر ويتحرق

طلعي بياض البيض مع قرصة ملح حتى يولي كي ثلج

بعد ما ينشف الماء ويخثار السائل اضيفي الجيلاتين وحركي حتى يذوب شوفي قوامو كيفاش وشغلي الخلاط كملي اخفقي البياض وزيديلو بشوووووووووي سائل السكر والجيالتين

من بعد دقيقتين من الخفق حطيه على حمام مائي وكملي الخفق حتى يتماسك مليييح وقوامو شوفي كيما في الصورة

الان هزيه من الحمام المائي وضيفيلو اللوز وحركي الخليط حتى يتجانس

وقسميه على 4 ، خيري 4 الوان من الملون الغذائي لي تحبيهم خذي ملعقة صغيرة من ماء زهر وحللي فيها كل لون اذا كان ملون بودرة باش كي تلوني الخليط يتحلل اللون في العجين كيما درت في الفناجين { بنفسجي، أزرق ،أخضر ،أصفر }ولوني الاقسام 4 بالالوان وحطي في الثلاجة لنصف ساعة وكي تخرجيهم كوريهم يعني باش يتعدل العجين تقدري تساعدي يدك بالنشا كي تكوريهم اذا لصقلك شوي

من بعد رشي النشا وديري حربوش من كل لون وحطي 2حرابش قدام بعضاهم وزيدي حطي 2 الباقيين فوقهم يعني يجي مربع من بعد لويهم على بعض أي دوري الحرابش الاربعة على بعض يجي كيما في الصورة بمساعدة النشاء كي تكوني تخدمي وحطي هاذ الحربوش في UN PLAT يرتاح يوم كامل لكن ماشي في الثلاجة هاذيك الغدوة قطعيهم مقروظات

هاهو شكلها الاخير ان شاء الله تعجبكم سهلة وبنينة ذوقها لا يقاوم

ladymillion · 2013-05-16, 22:57

اين الردود يا الأخوات و الاخوة

jackin · 2013-05-16, 23:02

جزاك الله خيرا

بشرى2008 · 2013-05-17, 08:31

دائما متألقة بحلوياتك الراااااااااااااااااااااائعة يعطيك الصحة

ام اسماعيل2009 · 2013-05-17, 11:11

عند ما نقول يا أختي راك غير تبدعي و صفة رائعة الجمال و الذوق أكيد رهيب

ladymillion · 2013-05-17, 11:34

ما تصوريش شحال تجئ طرية ولذيذة

oum shaima · 2013-05-17, 15:26

ya3tik essaha chaba

thawizat · 2013-05-17, 16:38

ya3tik saha

فايزة44 · 2013-06-07, 19:14

والله مبدعة ، ننتظر جديدك بشغف

Hemal · 2013-06-07, 20:50

a3tik saha

سيليا22 · 2013-06-19, 23:10

يعطيك الصحة روعة بصح زيدي فهميني كيفاش شكلتي الحربوش

mhd · 2013-06-19, 23:14

شكرا لك

لكن الصور كبيرة جدا لدرجة أن فتحها تطلب وقتا طويلا جدا
يا حبذا لو تصغر الصور حتى يكون فتحها سهلا
ولك كل الشكر والتقدير (( رانا سخفنا على الهريسة المميزة ))

صفوفة · 2013-07-20, 18:29

raw3a ya3tik saha khti

khouloud loubna · 2013-07-21, 15:03

يعطيك الصحة

لقاء الجنة · 2013-07-22, 00:20