مشكلة

مشكلتي · 2014-07-20, 13:29

السلام عليكم

شخص أحب فتاة وعشقتها وتلك الفتاة كانت مخطوبة، وكان يحكي معاها غير في الفيسبوك في الأول ومنبعد مدتلو نيميرو ولاو ديما يحكو و يشايخو في ليل ، ومنبعد والفها بزاااف وهي جامي بينت باللي تحبو دايمن تقول باللي تحب الخطيب ديالها ونتا خويا ونشتيك وهي كي تبدا تحكي على الفيونساي تعها يغير بصح جامي بينلها وذات يوم كان جايز في الحومة ديالها لقاها وحكى معاها ومن هذاك النهار ولا كي مهبول عليها وحبها ليه.

ومن اجل ذلك راح للخطيب ديالها وقالو راهي معايا وباش يأكد كلامو ورالو سجل المكالمات في الهاتف، تما الخطيب راح ليها وضربها وزاد قال لأهلها هوما حكموها حففولها قرعة على الزيرو و ولات قاع ما تخرجش مالدار، ومن منبعد أنبوا ضميرو وحب يصلح الغلطة ديالو و راح خطبها بصح كي شافها فرطاسة ما عجباتوش وما ولاش يحبها وراح حاير كيفاه يدير ساعدونا خاوتي و شكرااااااااااااااااا

~أمة الله~ · 2014-07-20, 19:37

وعليكم السلام ورحمة الله وبركاته
لا إله إلا الله ...ماهذا ، هذا من عمل الشياطين والعياذ بالله، سبحان الله زيّن له الشيطان الفتاة في الحرام ثمّ عمل المستحيل لتكون له بطرق غير شرعية ثمّ بعدها لمّا وصل لها قال ما عجبتنيش ..؟؟؟ حاجة الراس يحبس معاها
المهم ...ما فعله ظلم للفتاة مع أنّها هي تاني ظلمت نفسها وظلمت خطيبها ، هادي تهدر مع رجل أجنبي في الهاتف والفيسبوك وتلتقي به وتقول له : أخي ونشتيك ؟؟؟ رانا في الماريكان مثلا ؟؟؟
المهم إن كان ما قلته صحيحا والله أعلم ... ليتب إلى الله ويندم على ما فعله والله توّابٌ رحيم ... أما ما يفعله من بعدها الله أعلم ... يستخير الله عزّ وجل ويكثر من الدعاء خصوصا في هذه الأيام المباركة مع الندم والتوبة وعدم العودة لهاد الشوفات والله المستعان
غفر الله لنا وله وسترنا أجمعين والله المستعان
والله أعلم

وليد1990 · 2014-07-20, 19:46

الصراحة خليها في عقوبتها هذي حتى تدي درس

nasser26 · 2014-07-20, 19:51

هذي نكتة ولا حقيقة ؟؟؟؟؟؟؟؟

أناييس الربيع · 2014-07-20, 19:51

الصراحة مادخلتش راسي

رانا غير في الجزائر ،وهذا كيفاه شافها نحولها شعرها

وبيناتنا مازال ع قيد الحياة ؟رانا جزائريين ونعرفو العقلية

غير لعادو أهلها ديوثين

فاطمة الزهراء. · 2014-07-20, 19:53

شكرا على النكتة الظريفة

بوركت

فارس وجواد · 2014-07-20, 19:56

لا حول و لا قوة إلا بالله.
الحمد لله مازال كاين الرجال , غلطت تخلص .
صراحة , تستحق أكثر من حلاقة الشعر , المفروض يشعلوه بالنار ,
ليس لها فقط , بل لذلك الديوث أيضا , شبيه رجل .
لو كانت هي تستحي , لما فعلت ما فعلت و هي على ذمة رجل آخر .
و لو كان هو فيه , ذرة من النخوة و الرجولة , لما صار كالكلب يلهث وراء فتاة مخطوبة ,
و بعد كل هذا لم تعجبه .
خبيث و خبيثة , أفضل الحلول يجمعوا بيناتهم , و يستروا بعضهم .

feuilleblanche17 · 2014-07-20, 21:36

مستحيل تكون قصة حقيقية
كيفاه شافها قرعة!!!!!!!!!!!!!!!!

براءة سامية · 2014-07-20, 22:04

هدي فيلم ولا واش بصراحة مادخلتش القصة في راسي...

first first · 2014-07-20, 22:15

هادي فزورة من فوازير رمضان.....................................مي معليهش نحاولو نلقاو حل لهته الفزورة
يااخي...شعرها يطوال....يخي مانحوهولهاش من البصيلات؟؟؟؟؟؟؟؟؟؟؟
والى ان يطوال.تحط خمار.......او بيروكة...والمشكل تحل.
لاادري..حسيت صاحب المشكلة يتمسخر بينا..............................وادا كانت حقا قصة حقيقية...........ولااعتقد حقيقة.........لكن معليهش...........مانقراوش النقص............نقولو.نحن في ايام مباركة............اغتنمها في الاستغقار بيك بيها...وساع خممو على الزواج.

ياليتنا نشغل عقولنا ونستغل افكارنا فيما يفيد.

bellaluna · 2014-07-20, 22:17

ربي يهدي..لصاحب المشكلة أصدق في الدّعاء و اطلب المغفرة من الله فالمؤمن لا يخطب على خطبة أخيه و لا يضرّ من يحبّ و إستخر الله إن كان في هذه الفتاة خير فسيجمع بينكما و إلاّ فليمضي كلّ لحاله.

abdoustar · 2014-07-21, 02:00

ارجو من المشرفين الحذف لانها حكاية سخيفة من حكايات الفايسبوك الغرض منها التلاعب بمشاعر الأعضاء و على الادارة معاقبة هذا العضو وشكرااااا

وليد1990 · 2014-07-21, 03:38

هذي قصة مش مشكلة

ها بركاونا

bourouba17 · 2014-07-21, 04:02

من المفروض هي في الاول مخطوبة خلاص ماتزيدش تهدر مع اي واحد اجنبي عليها هي فتحت باب كبير للشيطان لازم هويسترها وان شاء الله ترجع المياه لمجاريها

mounia 85 · 2014-07-21, 05:28

متاكدة باللي قريت هاد المشكلة من قبل باينة كدب