الى ناس جيجل من فضلكم

[wafa.]

السلام عليكم
1-انا حطيت ملف المسابقة طور ابتدائي لكن قالولي الاستدعاء تاخذيه يوم الاحد هل هذا صحيح’
2- حبيت نعرف قداه اللي حطو الملفات تخصص لغة فرنسية ابتدائي (عدد المترشحين)
3-في الحقيقة انا من ولاية اخرىوحبيت نجوز في جيجل (للعلم درت شهادة الاقامة ونخاف يقولولي مانقبلوكش لاني ا
استخلفت في ولايتي وجميع اوراقي منها) هل هناك مشكل’
4-هل هناك امل ننجح (عندي خبرة 9 شهور-تخرجت 2012-معدل السنة الاخيرة12.03)
ارجو الرد و بماذا تنصحونييييييييييييييييييييي ولكم دعوة خير صادقة عند الافطار

[مراد الأمل]

بالتوفيق ،، لكن راك تقولي تخرجت 2012 ،،ياودي يهديك ربي راهم من 2007 وراهم حاكمين الحيط،
نسقسيك أنت من ولاية أخرى وقيلا منطقة عين مليلة تقدري تخدمي في جيجل ؟؟؟؟؟؟؟؟؟؟؟؟؟؟؟؟؟؟؟؟؟
سبحان الله ، أنا راجل منقدرش بالاك نروح لجيجل و نتغرب على جال منصب
على كل سبحان مغير الأحوال في هذا الزمان

[wafa.]

المشاركة الأصلية كتبت بواسطة الأمل الكبير

ننصحك ريحي في دارك خيرلك،، قتلو متخرجة 2012 و تحوس تخدم،، رؤااهم رجال من 2007 و حاكمين الحيط

شكرا على الرد
اتمنى الرد السريع فليس لدي وقت

[nourab]

راك مقبولة من الان ديري الباروك.

[toy4kill]

اطرحي اسءلتك اختي

لا يوجد مشكل لا باءس بكي

لكن انصحكي ب سطيف فيها اكثر من مئتين و جيجل فيها تسع و ربعين

اي سوال تفضلي

بالتوفيق

[dix 10]

متى اخر اجل لدفع الملفات

[no name rix]

ههههههه أنا راني متخرج تع 2014 (ماستر) وراني طامع ههههه
بالنسبة لايهم من أي منطقة تكونين حتى لاندخل في البيروقراطية و التخلف والجهل والجهوية
المهم الجنسية جزائرية
صراحة لا أعلم الابتدائية لكن دهبت لتسجيل اسمي في الصومام -الخاصة بمسابقة المتوسطة(
المورال يطيحلك وحد الغاشي مهبول (حتى فقدت الامل في هذه البلاد مع العلم أني فقدته مند أن عرفت صلاحي
المهم ربي يفرج عليكم اجمعين
بالتوفيق لكم جميعاا

[wafa.]

للتوضيح انا مقيمة بجيجل منذ مدة قصيرة .
شكرا علي الردود في انتظار اراء و تعليقات اخري

[raoufnina]

انصحك الا تجتا زي المسابقة في جيجل وحد الغاشي جامي شافتو عينك
نصيحة من اخت جيجلية فوتت الكونكور لمدة 6 سنوات ولم تنجح بسبب الغاشى و المعريفة

[biologie2001]

اختي ربي يوفقك ان شاء الله.... متخرجة مند 10 سنوات و لا حياة لمن تنادي .... انا دفعت ملفي في الطور المتوسط و استلمت الاستدعاء مباشرة (يعني حطيت الملف و هزيت الاستدعاء) .. ممكن لانه في الطور الابتدائي كاين الغاشي بزاف على هدي قالولكم ترجعوا تهزوه يوم الاحد

[wafa.]

الغاشي و المعريفة؟!!

[wafa.]

الغاشي تا لغة عربية اما فرنسية فلا اظن
من لديه فكرة عن عدد المترشحين؟

[dix 10]

مازل يحكمو في الملفات ولا لا جاوبونا من فضلكم

[wafa.]

اخر اجل ١٧ جويلية

[wafa.]

هل المسابقة ستجري يوم٢٣ جويلية ام لا؟لانو كي سقسيت قالي العامل المكلف بجمع الملفات قالي لا ادري