ابحث عن كراريس ثالثة ثانوي اداب وفلسفة

hichem480 · 2014-07-06, 15:39

سلام عليكم

من منكم عنده كراريس 3 ثانوي اداب و فلسفة فلا يبخلني بها لاني اريد الدراسة بها ومراجعتها وحفظها هذا العام لاني اعدت البكالوريا بأسوأ معدل في حياتي فلقد لممت جرحي واريد التقدم خطوات للامام ولن أيأس أبدا وسيكون ترشحي هذا العام سري جدا ولن اخبر حتى العائلة لانهم حقا حزنين من رسوبي مع اني لم ادرس الثانوي اي اني توقفت الدراسة في التاسعة اساسي ومنذ عشر سنوات و في عائلتنا واقاربنا من نفس لقبنا لم يصل أحد الى مستواي 3 ثانوي وانا فقط
من اجتاز البكالوريا لهذا عمّت الخيبة و الامل على الجميع انا املهم الوحيد ارجوووووووووووووكم اريد تشريف لقبي وشكرا

عازفة الأمل91 · 2014-07-06, 20:09

وكيفاه حبيت نبعثولك الكراريس خيي

nassima18 · 2014-07-06, 22:39

عندي مي كيفاه نبعثهملك
ولا نصوروهملك
بالتوفييييييييييق

sarah.be · 2014-07-07, 00:02

احسن شئ يعطيكم العنوان وتبعثوهم عن طريق البريد لانكم اذا صورتوهم يجيه التحضير شوي متعب ....مي مادامه قال الامر سري خلو هو يقلكم كيفاه والله عندكم اجر كبيير انا للاسف ماعندييش الكراريس لاني شعبة لغات
وفقك الله لتصبح فخرا لاهلكــ

nassima18 · 2014-07-07, 01:40

صورتلك المتتاليات رفعتهم مي مركز الخليج مي كي نجي نكتب ولا نكوبي السيت تع الجلفة منقدرش وكي نجي نمحي السيت لول نرجع للصفحة الاولى هبلت كي ندييييييير

hichem480 · 2014-07-07, 03:17

اقتباس:

المشاركة الأصلية كتبت بواسطة sarah.be

احسن شئ يعطيكم العنوان وتبعثوهم عن طريق البريد لانكم اذا صورتوهم يجيه التحضير شوي متعب ....مي مادامه قال الامر سري خلو هو يقلكم كيفاه والله عندكم اجر كبيير انا للاسف ماعندييش الكراريس لاني شعبة لغات
وفقك الله لتصبح فخرا لاهلكــ

بارك الله فيك أختي ولكل من يريد فعل الخير اذا اردتم ان اتنقل الى مقر سكناكم ليس مشكل واذا أردتم ارسالها عبر البريد تكون فيها شوية دراهم نفارسيلكم فــ ccp تاعكم وارسلوهملي والله والله لو املك الكراريس لحصلت على البكالوريا حتى لو يكون المعدل 10.00 المهم انجح وشكرا

عازفة الأمل91 · 2014-07-07, 13:31

اقتباس:

المشاركة الأصلية كتبت بواسطة hichem480

بارك الله فيك أختي ولكل من يريد فعل الخير اذا اردتم ان اتنقل الى مقر سكناكم ليس مشكل واذا أردتم ارسالها عبر البريد تكون فيها شوية دراهم نفارسيلكم فــ ccp تاعكم وارسلوهملي والله والله لو املك الكراريس لحصلت على البكالوريا حتى لو يكون المعدل 10.00 المهم انجح وشكرا

خويا حط عنوان البريد تاعك وراح نحاول نعاونك باللي نقدر عليه و خلي دراهمك عندك كي تجيب الباك كي شغل راك فارسيتلنا هههههههههه المهم تنجح

doniamel · 2014-07-07, 18:38

السلام عليكم و رحمة الله تعالى و بركاته . تقبل الله منا و منكم الصيام و سائر الأعمال بإذن الله.
أنا أيضا ابحث عن دفاتر كتابتها مفهومة و واضحة شعبة اداب و فلسفة كل المواد لاجتياز البكالوريا ان شاء الله . و الله سبحانه وتعالى هو لي يخلصكم و لتعم الفائدة حبذا لو حملتموها ليستفيد الجميع.
ملاحظة : انا عندي ليسانس في الحقوق + شهادة الكفاءة المهنية للمحاماة. إلا أن الدراسة لذيذة و أنا جائعة ومتعطشة للعلم . لا تيأسو فالعلم نور حقا و لي ما جابهش هاذ العام يقدر يجيبه في أي عام فقط توكلو على الله عز وجل و تعبو و قراو و ان شاء الله تجيبوه
بالتوفيق

sarah.be · 2014-07-07, 18:55

اقتباس:

المشاركة الأصلية كتبت بواسطة hichem480

بارك الله فيك أختي ولكل من يريد فعل الخير اذا اردتم ان اتنقل الى مقر سكناكم ليس مشكل واذا أردتم ارسالها عبر البريد تكون فيها شوية دراهم نفارسيلكم فــ ccp تاعكم وارسلوهملي والله والله لو املك الكراريس لحصلت على البكالوريا حتى لو يكون المعدل 10.00 المهم انجح وشكرا

وفييك بركة اخي انا للاسف ماعنديش وللاسف تاني قريبة ليا تقرا فلسفة لكنها عاودت يعني لازملها كراريسها
وان شاء الله يقدرو يوصلولكــ ومادام عند الارادة ان شاء الله من درك رااك نااجح ..مام انا عاودت الباك نتعاونو كامل باذن الله ....

hichem480 · 2014-07-08, 02:08

اقتباس:

المشاركة الأصلية كتبت بواسطة عازفة الأمل91

خويا حط عنوان البريد تاعك

تم حذف العنوان من طرفي يرجى مراسلة الاشراف او عازفة الامل للحصول عليه شكرا لكم

عازفة الأمل91 · 2014-07-08, 17:35

خويا اصبر معايا شويا راح نكتبلك شوية باسكو راح نعاودو انا ثاني ونزيد ندبرلك من عند ناس نعرفهم جابو الباك ويلا لقيت متتقلقش ويلا طولت بربي راح نعاون خيي المهم تنجح وتفرح يماك