السلام عليكم و رحمة الله وبركاته
نمدلك لاروسات لي نعتمدا ان شاء الله نفيدك
لل عجينة فيها 3 كيلات فرينة يعني يكونو حوالي 500 غ + كيلة سمن ذايب + 2 مغارف كبار سكر قلاص + ملعقة قهوة فانيليا قر صة ملح + كاس شاي ماء زهر والماء
تخلطي المواد الجافة مع بعض منبعد تديري السمن وتدخليه في العجينة مليح بيديك منبعد تديري الماء زهر والماء حتى تكون العجينة طرية تقدري تخدمي بيها
منبعد توزني كرات تع 30 غ ولا 25 غ باه يجوك الحبات كامل كيف كيف و خليهم يرتاحو
الحشو منا حساب لي عنك لوز ولا كاوكاو تاخدي 2 كيلات لوز + نصف كيلة سكر + مغرف قهوة فانيليا + 2 مغارف كبار سمن و الماء زهر تخلطي هادو المكونات والماء زهر عينك ميزانك لازم يكون الحشو شاد روحو
توزني كرات تع 10 غ و تديريهم على شكل حربوش
منبعد تخدمي حبة بحبة تحلي الكرية تع العجينة على شكل مستطيل وتديري حربوش الحشو وترولي منبعد تغلقي البراسلي
هنا خليهم يرتاحو منبعد يطيبو في فرن مسخن 170 درجة
كي يبردو ديري الطلية وتزيننيهم على حساب الذوق نتاعك
الطلية فيها نصف كاس حليب+ 2 بياض بيض + 3 مغارف كبار قارص + 3 مغارف كبار زيت + 2 مغارف كبار ماء زهر خلطيهم مع بعض بمغرف حطب و ضيفي السكر بشوية حتى تتحصلي على طلية تقدري تخدمي بيها
اان شاء الله فهمتي عليا
( تقرير عن مشاركة سيئة )، و الموجودة أسفل كل مشاركة .
2014-07-18, 00:21
اساور للعيد
العرض العادي
