اريد الزواج لكن.....

mohfor2 · 2014-05-29, 23:37

السلام عليكم ورحمة الله تعالى وبركاته.انا محمد من الجزائ العاصمة ابلغ من العمر 26.لدي مستو السنة الاولى ثانوي شعبة اداب وعلوم انسانية.حاليا اعمل بشركة وطنية بالمنطقة الصناعية لرويبة.لا اخفي عليكم .عندي 5 سنوات خدمة كونتراكتيال براتب شهري 18الف دينار.راتب صغير بزاف.لكن الحمد لله.انا راني حا ب نتزوج بصح المشكل مازالني عايش مع باب ويما.و2 خاوتي ذكور. اناث ماكنش.عندنا 3غرفة وصالون.عندي قطعة ارضية وحبيت نبني بصح المال مكاش 5سنوات وانا نخدم ومبان عليل والو.حبيت نسلف دراهم على البنك .البنوك كلها ربوية.تكلمت مع صحابي وكاين اللي قالولي شوف وحدة تخدم تكون بنت عائلة محترمة واتعاونو.وانا راني حاب نسكن وحدي.الى كاش ما عندكم حل لاتبخلو علي من فضلكم.

غريبة الاطوار · 2014-05-29, 23:50

معليش حبيت نفهم .......علاش تريد ان تسكن وحدك .....اكتضاض المنزل ....او خوف من المشاكل او ماذا ....هذا اولا
اذا انت تبحث عن امراة عاملة .....فهل انت مستعد باش تقسم معاها اعمال البيت ...كيما تقسم هي معاك العمل خارجا هذا ثانيا
ثالثا ....ان شاء الله ربي يرزقك و لكن كل شي بلعقل .....

حميد.ص · 2014-05-30, 00:02

بعملية حسابية بسيطة تقدر تجمع 20 مليون في عام اذا ماصرفت منهم والو

تقدر تعمل بيهم العرس برك

باش تبني حق دار غير مكتملة غير باش تتزوج لازمك حوالي 40 مليون يا اما تسلفها و تبني و تتزوج يا اما تسكن مع داركم و تزيد تصبر عامين اخرين باش تجمع المال

هي الحسابات مايجيبوش نتيجة

و من يتقي الله يرزقه من حيث لا يحتسب

انت خويا خذ بالاسباب و ادعي ربي يرزقك ببنت الحلال و ساعات تصدق بمالك و لو بالقليل و قول ربي اكرمني بزوجة صالحة و ربي مافيه غير الخير

نارينا · 2014-05-30, 00:17

عرض زواج على المباشر....الله يوفقك في ماتسعى اليه أخي

حميد.ص · 2014-05-30, 00:22

اقتباس:

المشاركة الأصلية كتبت بواسطة نارينا

عرض زواج على المباشر....الله يوفقك في ماتسعى اليه أخي

امين يا رب

ايمان نور الجزائر · 2014-05-30, 10:15

شوية اقتصاد من عندك بما انو عايش في بيت العايلة
تجمع مبلغ لاباس بيه
وين راه المشكل...شوف خدامة تعاونك
ربي يسهل

mohfor2 · 2014-05-30, 10:27

السلام عليكم ورحمة الله تعالى وبركاته.شكرا على الردود.انا الكبير في دارنا.وخويا الثاني يقرا السنة الثانية جامعي حقوق.وخويا الصغير نهار الاحد يبدى يجوز الباك شعبة اداب وعلوم انسانية.ادعوا لخويا يجيب الباك وادعو ا لخويا ينتقل للسنة الثالثة جامعي.جزاكم الله الف خير.فيما يخص الزواج راح ناخذ بالاسباب ونتوكل على ربي انشاء الله يسهلي.

اللهم إني أعوذ بك من بوار الأيم وتأخر الزواج وبطئه وأسألك أن ترزقني خيرا' مما أستحق من الزوج (الزوجة) ومما اّمل وأن تقنعني واهلي به (بها).

· اللهم حصن فرجي ويسر لي أمري وأكفني بحلالك عن حرامك وبفضلك عمن سواك.

· اللهم إنك تقدر ولا أقدر وتعلم ولا أعلم وأنت علام الغيوب والقادر، اللهم إن كنت تعلم في فلان (فلانة) خيرا' فزوجنيه وأقدره لي،
وإن كان في غيره خير لي في ديني ودنياي واّخرتي فاقدره لي.

· اللهم إني إستعففت فأغنني من فضلك بحق قولك تعالي (وليستعفف الذين لا يجدون نكاحا' حتي يغنيهم الله من فضله 33) النور.

· اللهم إرزقني الزوجة الصالحة إن أمرتها أطاعتني وإن نظرت إليها سرتني وإن أقسمت عليها أبرتني وإن غبت عنها حفظتني في نفسها ومالي.

· اللهم عجل بقبول دعوتنا.

· اللهم يا مطلع علي جميع حالاتنا اقض عنا جميع حاجتنا وتجاوز عن جميع سيئاتنا وزلاتنا وتقبل جميع حسناتنا وسامحنا، ونسألك
ربنا سبيل نجاتنا في حياتنا ومعادنا، اللهم يا مجيب الدعاء يا مغيث المستغيثين يا راحم الضعفاء أجب دعوتنا وعجل بقضاء حاجاتنا يا أرحم الراحمين.

فارس وجواد · 2014-05-30, 11:02

السلام علــــــــيكم :
عليك أخي بزوجة عاملة و تهنى من كل هذه الحسابات .
ستعيشك في بحبوحة مالية لا مثيل لها .
ستغمرك بالكثير و الكثير من الإمتيازات و الممتلكات .
مال ....... ذهب .......... سيارة ........ منزل ....... و إن شئت المهر من عندها .
بالإختصار المفيد ........ مرتبك ستصبح تصرفه في الكماليات فقط .
شكــــــــــــــــرا

sarl02 · 2014-05-30, 12:06

مطلبك ورغبتك شرعية ولا احد يملك حق النقض ...اذا عليك بالسعي في مبتغاك واقض حوائجك في السر وربي اوفقك .

alilho · 2014-05-30, 12:58

زوجة عاملة

والله لو قدر الله علي ان اعيش في فقر لا فقر تحته

لا اتزوج امراة عاملة

قيل لاحد الصالحين عن صعوبة العيش وغلاء المعيشة فقال " والله لو ان حبة الشعير اصبحت بدينار لا ابالي .. علي ان اعبده كما امرني .. وعليه ان يرزقني كما وعدني "

يا اخي اتق الله في نفسك الضعيفة .. المراة العاملة اما ان تعيش معها ذليلا مهانا اما ان تنتهي حياتك معها الى طلاق

أخي عليك بالتوكل على الله واعلم ان الله مع الصابرين وضع بين عينيك " ومن يتق الله يجعل له مخرجا ويرزقه من حيت لا يحتسب ""

~~nilly~~ · 2014-06-01, 20:20

مزالكم في عقلية زواج
مستحيل ان تتقدم البلدان المتخلفة لان شعبها يعاني من تخلف عقلي وجسمي ونفسي
فالاوروبي يحلم بسفر الى عواصم البلدان يحلم بانشاء عمل ومشاريع يحلم مماسرة هوياته

بينما العربي كي تقوله واش تحلم يقولك احلم بالزواج زواج ولا حلم للاسف

راسي راه يوجعني من العقول التي لاتفكر وبقيت صخرة في محلها لاتتحرك

-العائد الى الله- · 2014-06-01, 20:37

الزواج نصف الدين ...ان شاء الله يقدرنا ونتزوجوا .....صحيح أن المعسشة أصبحت تحتاج الى تأويل لكنني قرأت رد الأخ alilho والله انه رد

شاف كاف

الله يسهل حالنا يا اخي

ولــــــــيد · 2014-06-01, 20:42

ya khoya rabi ywafak mais enta lazem tatzawaj dhork ...nassi7ti lik zid
3amin wala 3 balak yfaraj rabi bon courage

سجل أنا جزائري · 2014-06-02, 10:17

اقتباس:

المشاركة الأصلية كتبت بواسطة nilly

مزالكم في عقلية زواج
مستحيل ان تتقدم البلدان المتخلفة لان شعبها يعاني من تخلف عقلي وجسمي ونفسي
فالاوروبي يحلم بسفر الى عواصم البلدان يحلم بانشاء عمل ومشاريع يحلم مماسرة هوياته

بينما العربي كي تقوله واش تحلم يقولك احلم بالزواج زواج ولا حلم للاسف

راسي راه يوجعني من العقول التي لاتفكر وبقيت صخرة في محلها لاتتحرك

الأوربي من نهار عمرو 15 سنة تكون عندو صديقة petite amie بينوسر ما يخموش على الزواج مش كيف كيف

و هنا عندنا اللي يحب لحلال لازملو مشرووع كبير حياتو كامل و هو يخدم و يا ربي يخلص الدين تع الزواج و لا ما يتزوجش و يعيش كيما الأوربيين

منار المنتدى · 2014-06-02, 10:34

ربي يوفقك خويا صاحب الموضوع
و تلقى بنت الحلال اللي تسعدك و تعينك على هم الزمان.
و لكن نصيحتي ليك زيد اصبر شوية
ما زال الوقت أمامك و تقدر تكوّن نفسك مليح
الزواج ماراحش يهرب.
نتمنالك كل الخير