ارجو المساعدة من فضلكن

[الشمس]

السلام عليكم اخواتي صحا رمضانكم وصحا فطوركم انا رايحة ندير ناب ببياسات وردات مازلت ماكملتش بصح ماعرفتش كيفاه نلصقهم اعطوني فكرة ربي يخليكم الوردات نقدر نلصقهم بالكروشي بصح الاسطر كيفاه نلصقهم في بعض ؟ اليكن الصورة اعطوني رايكم مناه راني مبتدأة

[أمّ عبد الله]

و عليكِ السلام و رحمة الله و بركاته

أختي كيما تلصقي الوردات ... لصقي الأسطر لأنّ السطر عبارة عن وردات هو الآخر
و كي تكملي تلصقي 4 وردات راح يبقالك فراغ فالوسط ، لكِ الخيار في ملإه أو تركه .
.
.
راني لقيتلك هاذي الصورة ... إن شاء الله تفهمي واش قصدت :

الوردة هاذي فيها 8 أوراق ... لاقيتهم زوج بـ زوج بالإبرة .
و املأت الفراغ بالكروشي

.
.
.
بالنّسبة لورودك أختي فيها 12 ورقة
تقدري تلاقيهم 3 بـ 3 ، وتتحصلي على نفس النتيجة

شوفي هاذ الصورة ... تبيّن لك بالتقريب كيفاش تخرجلك لاناب



و أظنّ أنّه بالنّسبة لورودك من الأحسن لو ما تعمريش الفراغ ....
لأنّه ورودك معمرين بزاف و مافيهمش الكثير من الفراغات .... لوكان تزيدي تعمري الفراغ تاع التلصاق ... ما رايحش يبان الجمال تاع لاناب .... و الله أعلم

[أمّ عبد الله]

كيما تقدري تلاقيهم 2 بـ 2 :
و راح يبقاولك 4 ورقات في الفراغ لي يتشكل

تقدري تجمعيهم كيما في هاذ الصورة ( الصور مأخوذة من النت أعتذر )

.
.
.
تبانلي أختي أنّك لو تلصقي بهاذ الطريقة أحسن .... و راح تخرجلك لاناب شابة أفضل من الطريقة الأولى
.
.
.
.
إن شاء الله تكوني فهمتي عليا
و إذا مافهمتيش سقسي ..... و نحاول نجاوبك ما استطعت

[ملكةزوجي]

و تقدري تشديهم فيما بيناتهم بالابرة و الخيط

[الشمس]

شكرا جزيلا اختاي على الاهتمام و الرد اختي فريدة كي نلصقهم في بعضاهم الفراغ يجيني مش كبير مانقدرش نعمرو قوليلي كي نحكمهم مع بعضاهم كامل بالابرة نورمال؟ ولازم نديرلهم غرزة الحشو الفوق؟ يعني نحاشيهم ولا نخليهم هكذا برك؟

[أمّ عبد الله]

السلام عليكم و رحمة الله و بركاته

أظنّ أنّه مكان لاه تزيدي تديريلهم غرزة الحشو ......... لصقيهم غير بالإبرة تكفي

شوفي أختي ..... فهاذ لاناب الوردات يشبهو لنتاعك .... لاصقين غير بالإبرة :


.
.
موفقة أختي

[الشمس]

السلام عليكم شكرا اختي فريدة ايه يجي يشبه لهذا بارك الله فيكن

[الشمس]

السلام عليكم و رحمة الله شوفولي البنات جا مليح؟

[malake1967]

صج فطورك جاء هايل يعطيك الصحة