قهرني 2

[مشكلتي]

https://djelfa.info/vb/showthread.php?t=1626428
السلام عليكم
انا لم اتصل فعلا و هو الي اتصل
و رديت و يا ريتني ما ردديت
صرخ عليا و قعد يعاتب فيا كيفاش نقدر ندعي عليه و كيقاه ماقوتلوش مبروك
قالي الغرب يباركولي و انتي لا
سكن عليه لانو مانيش حابة نغلط في حقو في الكلام باش مايلقاش عليا تهم يمدها عليا
و في الاخير فالي الي راكي شايفة اني انا مانيش راح نقومك و مازلتي قاعدة معايا
معناتها انتي الي ماكيش مراة و ماعندكش كرامة
كي كمل قوتلو كملت قالي ايه
قوتلو تبقى على خير لانو مانيش حابة نهبت المستوى اكثر من هاك
كوبيت
صدقوني انا الان الي مانيش نحوس عليه
بصح ماعنديش الشجاعة نحكي لاهلي و هما يوجدو في قاعة العرس ة يشرو في لباس الحفلة
لساني عاجز على كسر فرحة امي و اخوتي
عاجز على اني نهين نفسي و نادي عمي و نقولو كلش بح و يجو نساء عمامي و خوالي يتساؤلو
صدقوني نقصتني هادي الشجاعة
واش ندير يا ربي
واش مقول لعمي و خالي و جدي نقواهم قالي ماكيش متربية
قالي انتي الي ماكيش مرة
نقولهم انا الي شريت الغرفة و الخاتم
يافضيحني

[الفاتحة]

أختي ما تحشمي ما والو هو لي لازم يحشم هذا الدنيء ، أخبري الجميع بأفعاله الشنيعة التي لاتدل إلا على نقص الرجولة وأنت ربي إن شاء الله سيعوض عليك خيرا لكن لاتتركي حقك ادعي الله ليلا نهارا أن ينتقم لك منه وسترين بنفسك كيف سيذله في الدنيا قبل الآخرة

[الزمان 03]

الله يكون معك والله لايؤلمني معانتك وانت الآن أمام أمر واقع يجب الفصل فيه المهم كنت صافية معه وتأكدي يقينا أن الله لا يضيع أجرك وأنه لن يترك مطلقاً / المهم التصرف بحكمة ولات بقي تتحملي الحزن و الضغط وحدك لأن صحتك أهم



وما يقهرك وإن شاء الله والله هو القاهر وبأذن الله سيرك من عجائب قدرته

[رجل الخفاء]

وأنا في رمضان هذا لم أجد إلا أن أدعوا الله أن يفرج عليك وأن يلقن هذا الصعلوك درسا لن ينساه اليوم قبل الغد، أختي أخبري أختك مثلا بالأمر وإجعليها هي من تساعدك على إيصال الفكرة لأمك أما مسألة أنك أنت من إشتريتي الغرفة والخاتم فهذا خطأ من طرفك، نصيحتي للنساء لا تشترين ما يجب أن يشتريه الرجل، أنتن مطالبات بتسهيل الأمور على الخاطب وعدم تكليفه لكن الأمور الأساسية يجب على الرجل أن يشتريها وإن لم يستطيع أن يشتريها فليصم ولا يتزوج، الرجل الشهم لا يقبل هذا، الخاتم الرجل يشريه ومن لم يستطيع شراء خاتم فلماذا يتزوج أصلا !!! وأنت إن أكرمت الكريم ملكته واذا اكرمت اللئيم تمردا"

من الأحسن أنك تطلبين خاتم رخيص وتنامين على الأرض مع زوجك أحسن من أن تشتري الخاتم وتزيد تشتري له الغرفة ثم مادمت لم تدخلي بيته دعيه يشتري الأمور بنفسه وحسب مقدوره، يعني خاتم بسيط وغرفة بسيطة وبعد الزواج حينما تصبحين في بيته وبالتالي بيتك يمكنك ملئه كما تشائين أما وأنت مخطوبة واجبك أن لا تكلفيه لكن الخاتم يشتريها بلا جدو والسلام عليكم

[Hillin]

عجب العجاب يقولك "الخطاب يدجي رطاب" مي هذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اختي العزيزة احمدي ربي كي دجات عل بر احسن من تكوني مرتو وعندك معاه ولاد و الذل معاه
هذا المخلوق ماتسحقيهش
أعز نفسك مش اوبليدجي عليك تخبريهم بالاسباب
"متفاهمناش او لقيت فيه حوايدج تسسببلي مشاكل معاه أو شفت بلي دايما في المشاكل قلت من ضرك نقطع خير,,,,,,,,,,,,,,,,,,,,,,,,,,,,,,,,,,
متخميش فيهم بزاف نفسك أولى
غير خليهم يهدرو
ارضاء الناس غاية لا تدرك
كوني حاذقة هذي حياتك راهي في اللعب

[Hillin]

عجب العجاب يقولك "الخطاب يدجي رطاب" مي هذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اختي العزيزة احمدي ربي كي دجات عل بر احسن من تكوني مرتو وعندك معاه ولاد و الذل معاه
هذا المخلوق ماتسحقيهش
أعز نفسك مش اوبليدجي عليك تخبريهم بالاسباب
"متفاهمناش او لقيت فيه حوايدج تسسببلي مشاكل معاه أو شفت بلي دايما في المشاكل قلت من ضرك نقطع خير,,,,,,,,,,,,,,,,,,,,,,,,,,,,,,,,,,
متخميش فيهم بزاف نفسك أولى
غير خليهم يهدرو
ارضاء الناس غاية لا تدرك
كوني حاذقة هذي حياتك راهي في اللعب

[بنت لبحر]

اختي قلبي معاك واش نقولك زيدي صلي الاستخارة و خليها على ربي هو لي ينورلك طريقك
انا مفهمتش بعض الرجال كيفاش يخمو يحوسو على بنت الفاميليا و كي يلقاوها يرحعو يدرو رايهم فيها انت غلطتي كي شريتيلو خاتم العرس و لاشومبغ و هو واش قاعد يدير كون مجاش عندو نقولو بالاك تعاونيه مي انت تقولي راهو مقتدر .غلطتي يا اختي و هو كيفاش يقبلها على روحو
لازم تحكي لداركم و تحطيهم في الصورة هكا كون تصرا حاجة ماشي مليحة يكونو عارفين واش كاين

ان شاء الله نسمعو عليك غير الاخبار الطيبة

[mounia 85]

اختي ماتتسرعيش في قرارك بالشوية برك وتبانلي راهو يرجع ليك وتكملو تديرو العرس نورمال
ساعات ساعات يصراو مشاكل كيما هكا بينات المخطوبين ويغلطو في بعضاهم بالهدرة وبجرحو بعضاهم ومنبعد يوليو نورمال
صبري يرجع لعقلو واخزيو الشيطان وربي بكمللكم ان شاء الله

[دعاء المحبوبة]

ربي يفرج عليك

[abdoustar]

شوفي مهما يكون وش قالك ولا قولتيلي ما بقالكمش على العرس تسما كاين حاجات اكبر خلاتكم توصلو


با تعملو تكملو حياتكم مع بعض كل واحد وش قد

نتي قلتي أنا شريت الخاتم و الغرفة -ما شاء الله مرا ونص-

الناس عقليات ما نقدروش نكمو على الناس وش تقول


ممكن الهدرة الل تقالت في وقت غضب


نتي دورك ما ديري والو


نقصو الاتصال حتى تكون في العرس لهفة اللقاء و حسنها

خلي الاجواء تصفا كل واحد يخمم مع روحو الاكيد الاكيد
راح تروحو للعرس


باه تكملو فرحتكم و فرحة اهاليكم

[راية الاسلام1]

السلاام عليكم
عذرا يا اختي والله وجعني قلبي وانا نقرا موضوعك
طيشي عليك زواج بدون احتراام ليس زوااج
اللي جابو يجيب ماخير منو
اختي كاين ولاد لحلاال اللي كون تسلكيلو الخاتم وغرفة النوم ماينسااهالكش حيااتك كامل ويحطك فووق راسو
اخطيك من هذا
ربي يهنيك يا اختي ويجيبلك الزوج الصاالح

[مريم الصابرة]

السلام عليكم اختي
اولا وقوف المرأة مع خطيبها او زوجها مش حاجة تحشم هذاك واجب لكن نحو الراجل اللي يستاهل هذا ما يقدرش خيرك ولا صبرك ولا تضحياتك وماازل يهين فيك من المفروض يعترف بجميلك ويقدر اللي درتيها على جالو من رأي اختي عادي كلمي عمك كبير ويفهم إشرحيلو الموقف مافيها والو وربي يعوض عليك شوفي اختي ديه زوالي ما عندوش مش عيب لكن يحترمك ويقدرك ويعلي قيمتك هذا رخصك وإسمحلي فالكلمة هذي لو جا متربي وجا يعرف قيمتك ما يهينكش بالطريقة هذي من رأي اليوم خير من غدوة عمومك وخوالك يفهموك معليش 4 سنوات ناس تزوجو وطلقو غدوة من غدوة تولي مرتو يهينك اكثر من هكذا راكي في داركم وبقيمتك وشوفي واش عاير وواش هدر لما يديك واش اح يدير من رأي إخسر وفارق وربي يعوضك

[حاملة القران سمية]

هذا قلييييل ادب وكلي عليه ربي
مزية الي عرفتيه قبل متتزوجي بيه ومن بعد يرميك الحمد لله فتحلك ربي عينيك الحمد لله وكيلو ربي وكيلو ربي اهدري مع داركم ومتخليش الحشمة دمرلك حياتك ربي شايفلك ماخير منو مع راجل يعرف قيمتك باذن الله
ربي وكيلووووو

[المخلصة لزوجي]

اولا وكلي حكما من اهلك يتفاهم مع حكم من اهله و يتوصلو لحل ان يريدا اصلاحا يوفق الله بينهما
اختي كلمي واحد كبير من عايلتك يكون رزين و حكيم يفهم و يعرف يتصرف وهو يتكلم مع باباه
و كون تكون بحضورك و حضوره يكون احسن
والتوفيق بيد ربي قادر يحط الرحمة و ينزلها على قلوبكم تنساو كلشي و تكملوا
مهما قال و دار منظنش تهوني عليه مهما كان راهي عشرة سنين راهم 4 سنين ماشي قلال حبك تكوني مرتو و انت وقفتي معاه
متتسرعيش و المسامح كريم
ربي يسمعنا عليك الاخبار الطيبة

[cilina.malak]

rkhisssssssssssssss avc ts ms respect