أبي غاضب مني

[مشكلتي]

السلام عليكم
ها أنا بعد عامٍ ونصف تقريباً أعيد طرح مشكلتي التي لم تتغير ولمْ ولنْ انسى نصائحكم وكل دعواتكم
لم استطع الوصول لرابط الموضوع السابق لذلك سأعيد سرد الحكايةْ التي وصراحةَ تعبت اعادتها كل يوم في بيتناَ

بانا فتاة عد نجاحي في البكالوريا التحقتُ بجامعة بعيدة عن مدينتنا ب 400 كلم ذهبت في اول اسبوع وبعد ما رأيته من مظاهر تقززت لها وايضا لم احتمل كل تلك المسافة فأنا لم يسبق لي الابتعاد عن اهلي ولم اكن اريد ابدا تلك الشعبة
والله لو بقيت في تلك الاقامة كنت سأضيع قررت الحفاظ عن نفسي والتوقف عن الدراسة الجامعية وهذا الشيئ الذي لم يستوعبه اهلي
وفي العام الذي بعده سجل لي والدي في جامعة ولايتي في مادة ايضا فيها بالالاف وانا معي بكالوريا بملاحظة جيد وكان باستطاعتي الدخول لاحد المدارس العليا لكن للاسف في اول عام هم وجهوني وكان الوقت ضيق لوجود بعض المشاكل والعام الثاني طلبوا بكالوريا جديدة
المهم في العام الثاني كانت المسافة للوصول للجامعة 40 كلم اقطعها يوميا لاني رفضت الاقامة نهائيا لكني لم استطع التأقلم مع الواقع الجامعي رغم تفوقي
والله العظيم مدة شهر كل صباح وليل ابكي لاني ارى العفن اعزكم الله اصبحت اشعر انني شاذة عن هذا المجتمع
توقفت بعد شهر وابي كان مقهورا لقراري لان كل امله بنجاحي وان يعوضني الله بدراستي (تمرمدت شوي في حياتي والحمد لله)
وهو استاذ ودرست لدى اساتذه اصدقائه كلهم كانوا يشكرونني لديه ويتوقعون لي مستقبل جيد فأصبح وكأنه محرج من قراري 'ان لا ادرس في الجامعة)
العام الثالث ايضا رفضت الدراسة وبالفعل تخرجت كل صديقاتي
نعم لقد قهرت والدي الذي كان يرفع رأسه بي وبقيت 3 سنوات بالبيت الكل يسأل عني حية او ميتة واين ارضي وماذا افعل
شعرت بالحزن في عينيه يوم تخرجت زميلاتي وانا لا
بالعام الرابع قال لي مدرسة الشبه طبي قريبة من المنزل ادرسي لكي اظمن مستقبلك فانا لن ابقى طول العمر معك
طبعا هذه المدرسة لا تقبل الا بكالوريا جديدة...اخبره ابن عمه الذي يعتبر اخا لابي انه سيساعدني لدخولها فهو وااصل جدا
ثم دخلت فيها مسألة الرشوى فرفضنا لكن ابي شعر بان ابن عمه الذي طالما كان ابي بجانبه ويساعده شعر ابي أنه رفض مساعدته وطيح بكلمتو
بعد اربع سنواااات وبعد ان ظننت ان الكل نسي الموضوع عاد ابي وطلب مني التسجيل من جديد في الجامعة وان احقق ما كان يطمح ان يرى ابنته عليه وقال لي( جيبي الديبلوم ذراع وبتعبك ونخبط بيه الطابلة على كل واحد حسب روحو قادر يعاونك وبخلك) وانا واثق بقدراتك وذكائك حتى بعد انقطاعك اربع سنوات ستنجحين
عندما رفضت وحاولت مناقشته غضب مني وقال لي انه سيغضب مني ان لم ارجع للجامعة واكمل دراساتي العليا

اعلم اني سأنجح واعلم انني استطيع لكني راااافضة للواقع الجامعي نهائيا من يفهمني من يعرف ما اريده
هد الشي راهو محتم عليا كرهت ومليت كي شغل انسان يحطولو ماكلة مايحبهاش ويقولولو كولها بالسيف عليك
كون جيت حابة نقرا في الجامعة راني قريت من 4 سنين صح البقاء في البيت عندو سلبيات كثيرة لكن هذا قراري
درك عمري 22 سنة كي كنت 18 كنت مراهقة وكان عندي طموح وهدف درك لالا كي شفت الواقع وشفت الجامعات والمساومات اتخذت قراري ومانيش نادمة عليه
مانيش حابة نقرا في الجامعة

دعوت الله مرا وتكرارا في جوف الليل وعند الفجر ان يشرح صدري وييسر امري عل هذا من عمل الشيطان ورقيت اكثر من مرة لكن رفضي هو رفضي وعدم رغبتي في الدراسة الجامعية لم تتغير

شوروا عليا بالحل تقولولي ناقشي باباك والله ناقشتو وانا عزييييييزة عليه وكل شي في دنيتو
تقولولي اقراي سنين وتعدي وماتخسريش باباك والله سييت 3 سنين وماحملتش والله ماقدرت نقرا فيها مانيش خير من لبنات لي قراو وحملو مي هذا قراري الله غالب ماقدرتش

وش ندير انصحوني

[saydek xxo]

a9ray ...9raytak hiya mosta9blak b 3a9liya hadi raki tdamri f 7yaték a5tik men ness kol wa7ad mas2oul 3la ro7o w bark

[naamane3]

اولا احيي فيك خوفك على نفسك من الانحراف
لو من الاول اخبرت ابيك ان خائفة من الانحراف
وانك لو اكملت ستنحرفين لا محالة
لاقتنع وعدل عن هذه الفكرة
حاولي اعطائه امثلة وحبذا لو كانت قريبة
عسى ولعل

[لحن الحياة.]

الانسان كي تكون عندو ارادة و شخصية قوية يقدر يدير كللللللللش و ما يتأثر بوالو وهاذا باباك ماهوش اي واحد
وخفنا قبلك من القراية بعيد بصح الحمدوووووووووووووووووووو لله قرينا وكملنا و لم نتأثر بتلك القذارة
كيما قدرت تاخذي قرار ما تقرايش عاودي ديري قرار اكبر منو اقراي و حققي حلم ابوك و ماتبقايش تشوفي في هاذوك لجوانب السلبية و الشينة تاع الجامعة و ديري في راسك بلي مادام داركم دارو فيك ثقة لازم تتحملي مسؤوليتها و تبينيلهم بلي راكي قدها و قدود
واتخيلي يموت باباك راح تندمي لأنو طلب منك حاجة و ما درتيهاش في خاطرو و هو كنت صغيرة وتطلبي منو الكثير من الحوايج ويلبيلك طلباتك كلها
ما تستخسريش فيه فرحة ياك ما طلبش منك حاجة مستحيلة كلها 4 سنوات و تكملي
نحكي عن تجربة الحمد لله فرحت أبي

[bello angel]

المشاركة الأصلية كتبت بواسطة naamane3

اولا احيي فيك خوفك على نفسك من الانحراف
لو من الاول اخبرت ابيك ان خائفة من الانحراف
وانك لو اكملت ستنحرفين لا محالة
لاقتنع وعدل عن هذه الفكرة
حاولي اعطائة امثلة وحبذا لو كانت قريبة
عسى ولعل

ستنحرفين لا محالة?,,

واش بينا قرينا في الجامعة و تتخرجنا و ما نحرفنااااش?,

كيفاش تعطي امثلة مثلا تقلو هاديك جارتنا را
هي فيها و فيها و الاخرى هاي واش تدير

[naamane3]

المشاركة الأصلية كتبت بواسطة bello angel

ستنحرفين لا محالة?,,

واش بينا قرينا في الجامعة و تتخرجنا و ما نحرفنااااش?,

كيفاش تعطي امثلة مثلا تقلو هاديك جارتنا را
هي فيها و فيها و الاخرى هاي واش تدير

كلامي موجه لها خاصة وليس للجميع
وكلامي مبني على مشكلتها لانها اعلم بنفسها

[bello angel]

باباك عندو حق ضيعتي اربع سنوات من عمرك
لي متربي في دارهم متفسدوش الجامعة و لي ماهوش متربي يفسد ياو لوكان في حضن والديه
ما عندكش ثقة في روحك ???????????

[لحن الحياة.]

المشاركة الأصلية كتبت بواسطة bello angel

باباك عندو حق ضيعتي اربع سنوات من عمرك
لي متربي في دارهم متفسدوش الجامعة و لي ماهوش متربي يفسد ياو لوكان في حضن والديه
ما عندكش ثقة في روحك ???????????

بارك الله فيك صح

[abdoustar]

قولي ماش حابا نقرا قد قد مشكلتك ما هيش الجامعة على ما اعتقد

و علاه متحججة بالجامعة و وش فيها

أكثر من جامعة أكثر من تخصص كامل ماش ملاح

انا شكيت بلي اللي يديك بلعاني يوريلك طول الحوايج اللي مش مليحة

يعني اللي قراو فالجامعة انتي خير منهم !! وش درتي فالدار كي قعدتي

أنا مانيش ضد قرارك انت حرة غاضني باباك برك وش فيها كون ديريلو واش حاب

ممكن يكون مشكلك نفسي ؟؟

[bello angel]

المشاركة الأصلية كتبت بواسطة abdoustar

قولي ماش حابا نقرا قد قد مشكلتك ما هيش الجامعة على ما اعتقد

و علاه متحججة بالجامعة و وش فيها

أكثر من جامعة أكثر من تخصص كامل ماش ملاح

انا شكيت بلي اللي يديك بلعاني يوريلك طول الحوايج اللي مش مليحة

يعني اللي قراو فالجامعة انتي خير منهم !! وش درتي فالدار كي قعدتي

أنا مانيش ضد قرارك انت حرة غاضني باباك برك وش فيها كون ديريلو واش حاب

ممكن يكون مشكلك نفسي ؟؟

ممكن يكون فوبيا من الاماكن المزدحمة او شعور بالنقص

[حاملة القران سمية]

اختي اهنأك على حبك لشرفك ووفك من الوقوع فى قذارة الجامعات
ولكن بالله عليك انت من تفكيرك فتاة كيما نقولو رزينة عاقلة واعية ومتدينة وتحب تحفظ روحها يا اختي الي فيها هادو لحوايج والله والله والله غير كي جبل الي ميهدو رييييييييح انت برك لازم تعرفي وين تحطي رجليك عندك قرايتك اقريها ومتشوفيييييييييييييش الحوايج الي مش حابة تشوفيهم عمري اوقاتك بالدراسة وقراءة القران والدك حابك تنجحي ديري المستحيل باه تتغلبي على كل العراقيل من اجل ان تفرحييه ومازلك صغيرة ومتفووقة باذن الله ديري كوراج وفرحييييه مكانش قد فرحة الوالدييييييييييييييين توكلي على ربي واستخيري هذا ماكان واالنطلاقة الجيدة هي السبب للوصول الى النجاح باذنه تعالى
اختك سمية

[Angleeyes]

يا اختي حنا قرينا في الجامعة و تخرجنا و الحمد لله ما جبناش العيب لوالدينا،لا كانت شخصيتك قوية و تخافي من ربي غير ماتخافيش من حتى حاجة و حقي حلم والدك اختي و علاه تعب عليك غير شوي؟؟؟

[رجل الخفاء]

أختي صاحبة الموضوع، بارك الله فيك وتبتثك على الطريق المستقيم وجعل لك الخير كله يا بنت الأصول
إن شاء الله ربي يعوضك بالخير الوفير على شهامتك هذه وعلى حبك للعفة، أدعو لك من أعماق قلبي في هذا رمضان المبارك أن يرزقك الله الزوج الحلال الذي يهنيك ويعيشك أميرة وتسعدي به ويسعد بك ويرزقكما الذرية الصالحة، ربي يوفقك أختنا الفاضلة ويكثر من أمثالك، صح فطورك وما تقلقيش روحك، أبوك يريد والله يفعل ما يريد

[اسم مرا]

انا من راي رجعي لقرايتك هي لي تنفعك تحملي ربع سنين خمسة المهيم قرايتك هي الصح

[امينة النايلية]

شوفي نقلك رايي وماتزعفيش مني
اربع سنوات ونتي خايفة تقراي في الجامعة وباباك مسكين عندو حلم صغير ماقدرتيش تحقيهلو .
على الاقل لوكان رحتي تزوجتي وهنيتيه .
اختي هادي حاجة راكي اتخذتي فيها قرارك من اربع سنين ولليوم مازلتي مصممة
انا نقلك ماشي غير لي راهم في الدار راهم يتزوجو هدي حاجة. والحاجة الثانية اذا جا واحد يسقسي عليك باش يخطبك اذا عرف عندك الباك وماحبيتيش تقراي رايح يدخلو شك بلي عنك مشاكل نفسية لانو الدين مايمنعش العلم