مص الاصبع الكبير

[سعاده]

["]بنتى ملى كانت فى عمرها 5 اشهر بدات تمص فى الابهام صبعها لكبيروالان فى عمرها عام وشهرين ودائما اصبعها فى فمها خاصة عند النوم ترقد []بيه[/ وهى ملى كانت بيبى ماقبلتش السوسات رانى خايفة يتعوجو سنانها وقتاش لازم نحيلها صبعها وكيفاش

[ام سراج وملاك]

اختي هاذي راني جربتها انا ولاتي مدرتلهمش السوسات ولاد لي يترباو بلا سوسات الصبع دايما في فمهم وليدي كي ولا في عمرو عام و4 اشهر درتلو سبرادرا لي نديروها فوق لجراح فوق صباعو انا بني كان يرضع زوج صباع وقتلو صباعك فيهم ددي ولا ميديروش وبنتي ضك راهي نفس الطبع في عمرها تسع شهر مازال منحيتولهاش خطراه مزالت متعرفش صلاحها المشكل ماشي في السنين المشكل انو وليد جارتي صبعو لكبير ولا رقيق بزاف من رضاعا نتاعو ماماه حارت فيه تخيطلو تريكوات على صبعو قلتلها على السبرادرا جربتهالو نحا من الطبع وانشاء الله يفيدوك لبنات ثاني بصح ننصحك ازربي نحيلها هاذا الطبع اذا بنتك تهدر وتفهمك ابداي من ضك

[lina40]

اختي انا عندي خويا صغير مص صبعو كي كان صغير و سنيه خرجو معوجين
يعني لازم تنحيهولو

[سعاده]

شكرا أختى موناليز بصح بنتى مازال ماتفهمش وهى لازم ترقد على اصبعها
ومشكورة اختى لينا

[**افنان**]

الحمد لله لي راهي بنتك مازالهي صغيرة اسرعي نحيلها حتى ولو تشديه بيدك او اعملي السبرادرا مثل ما قالت الاخت
قبل ما تكبر وتشد فيه اكثر
السنين يتعوجوا الصبع يرقاق
ربي يوفقك

[ام مهدي 03]

۩ صح فطوركم ۩


اليك اختى العزيزة قصتى مع ابنتى التى عانيت معها كثيرا فى مص ابهامها
السبب كان المصاصة sucette
حيث انها فى الليل تسقط منها ومع الايام دون ان اعرف ذلك وجدتها بمرور الوقت تمص اصبعها وما ان بلغت 8 اشهر صارت لاتستغنى عنه خاصة عند النوم .لم ادعها وحاولت معها كثيرا خاصة ان قريبة زوجى شابة فى الجامعة ولازالت تمص اصبعها لحد اليوم خصوصا فى الليل .المهم كل ما سمعته جربته مثلا الشريط اللاصق. الجوارب لتغطية اليدين. سبارادرا. مادة القطران. مادة مرالصبر...................حتى اخبرنا ذات يوم ممرض فى المستشفى جزاه الله خيرا اننا علبنا ان ننتظر حتى تتم سنتان من عمرها وتفطم سواء من الام او البيبرون ويعمل لها جبيرة على الاصبع وبالفعل كان ذلك وبقيت بالجبيرة شهرا كاملا لكن ملاحظة الجبيرة ليست صلبة كالتى يعملونها للكسر. عانيت معها خاصة الايام الاولى كانت لا تنام فى الليل ابدا..........
والحمد لله اليوم نسته تماما . وقد مر8 اشهر على ذلك
اليك نقطة هامة عدم توبيخ الطفل خاصة امام الناس
لكن من تجربتى اياكم ان تدعوا اطفالكم يكبرون بهذه العادة اكثر من سنتين. والطفل ابدا لن بتركها لوحده. والعلاج يا اختى يكون بالتوازى فى الليل والنهار لان الطفل يتعلق بمص اصبعه فى الليل اكثر من النهار
واخيرا تقبلى اختى تدخل ام مجربة

[تراتيـل صبــح]

عادة سيئة
كانت عندي في الصغر لكن تخلصت منها
ليس مبكراً ربما في عمر الخمس أو ست سنوات
ودائما ما كنتُ أحظى بالتوبيخ من أمي
يجب عليكِ متابعتها من الآن
ارجو ان تستفيدي من نصائح الاخوات
موفقة.

[belahcene]

شكرا جزيلا و بارك الله فيك

[lembarek05zemra]

ثصضبرصضبرصض

[أم أمة الله الجزائرية]

واش رايكم انا بنتي عمرها 3سنين ولحد الان وهي تمص صباعها فالنوم ومين تكون تبكي وتسكت دير صباعهافي فمها
ماعرفتش كيفاه ندير معاها .

[panpouna]

rouhi and l3achab 9oulilou a3tini "mour w asbour" dirilha fi sba3 li tmoussou takarhou wahdeha lakhaterch ywali bzaf mour hna hakda derna lokhti