السلام عليكم
اخوتي اردت اليوم اعطاء نصيحه عن كيفية التعامل مع الزوج العصبي فكتير من الاخوات لا يعرفن كيف يتعاملن مع ازواجهن علاش كيكون الزوج نتاعك زعفان ويخاصم خصوصا عليك تبداي تردي فلهدره و تشوفي معاه هديك الشوفه الي يعني هدا كامل على حاجه كيما هادي و النتيجه يكون يخاصم شويه بلفعل ديالك هدا تخليه يزيد يعلي صوتو كتر و كتر و يزعف كتر
و لا راني غالطه
و علاش مديريش كيما نقولك تتجنبي المشاكل يعني ما يزيدوش يكبرو و الزوج تاعك تكبري في عينو علاه علاش الراجل ميحبش الزوجه تعلي صوتها و تبين روحها راجل ماشي هاكا المراه انتى الصفة الي تميزها الصوت الرقيق و لحنين و انتي كيتبداي تعيطي راكي قلعتي هاد الصفه و ما تقوليش كيفاه نرد و نبين رايي درك نقولك
اولا كيتشوفيه ما عجبتوش حاجه و بدا يتبدل وجهو اسكتي خليه يخاصم و يعيط و انتي ساكته حتى شوفتك عاديه بلكي تشوفي معاه بلغش حداري المهم نكملو خليه يكمل صدقيني راهو يخلص بسرعه لمى يخلص روحي بعيد منو كملي خدمتك تقوليلي علاه درك دورك
خلي و جهك يبان حزين و امشي نورمال قدامو هو صدقيني ينتبه ويحاول يصالحك يشوفك ما راكي حزينه يحاول يتكلم معاك و يضحكك تقوليلي لازم يقولي سمحليلي لالا بهدا التصرف تعرفي بلي حس بندامه و هادي هي الطريقه ديال الرجال فلاعتدار خلي روحك شويه زعفانه وممبعد ارجعي عادي و تناقشو في الهدوء خير اعطيلو رايك بالاك تباتي زعفانه نحدرك متخليش ليله تعدي و نتوما متخاصمين وهدا سر السعاده و الاحترام و صدقيني الراجل يقدر هاد الشي ساليني انا جربي متندميش
نتمنى يكون موضوعي مفيد في انتظار ردودكم
( تقرير عن مشاركة سيئة )، و الموجودة أسفل كل مشاركة .
2014-06-08, 20:11
كيف تتعاملين مع الزوج العصبي
العرض العادي
