كيف اصارحها بالحقيقة

imenealg · 2014-01-07, 16:51

السلام عليكم هده المشكلة خاصة بصديقتي طلبت مني انا اطرحها في هدا القسم
بعد عدة سنوات زواج تاكدت انها لا تنجب فطلبت من اخت زوجها ان حصل لها حمل ان تعطي لها الطفل فوافقت وحدت دلك فرزقها الله بنت وهي الان ترابيها وصار عمرها سنة وهي تفكر كيف ستصارحها بحقيقة الامر ان عمتها هي الام الحقيقية وفي اي سن يمكن لها ان تستوعب دلك
فمن مر بهده التجربة او لديه فكرة فهي دائمة التفكير في دلك ومتخوفة ان تتركها وتدهب لامها الحقيقية
جزاكم الله الف خير

مريم الطالبة · 2014-01-07, 19:05

hia normalement d'après l'age de 7 ans tekdar twajadeha bach tkouleha mai yla harat kach dir
tchouf psychologue et vau mieux tkoun mra w hia tguidiha et twarilha kach dir m3a benteha w tkoulha bla matejraheha
w nchalah fiha khir

imenealg · 2014-01-07, 22:01

انشاء الله
بارك الله فيكي

naamane3 · 2014-01-08, 13:27

تبدأ من الوثائق لقبها ولقب ابيها وامها
وكل شيئ يبدأ من وقت الادراك

jiji_" · 2014-01-08, 13:35

يا اختي هي لازم تقولها ماتخليهاش حتى تكبر خاطر تتشوكا و متتفهمش الامر ماهيش حاجة ساهلة
و وقتاش تقوللها كي تبدى تفهم تخبرها خاطر كل ماكبرت كلما راح تكبر مشكلة انها تخبرها و لا تسمع من واحد اخر
بالتوفيق

sali-sali · 2014-01-08, 17:00

السلام عليكم

ممكن على 5 سنوات تخبرها بالتدريج
او تاخذها عند طبيب نفساني و هو يتكفل بالامر
ومدام والدين البنت معروفين .. فلا داعي للقلق

tas nim · 2014-01-08, 17:58

الحاجة المهمة انها متخليهاش حتان تكبار وتقلها
انا عندي خويا من لي زاد مداتو ماما لمرت عمي دوكا عندو 7 سنين وملي كان صغير كانو يقولو قدامو مي دوكا الحمد لله علبالو بكلشي وهو دوكا عايش عند عمي مي يجي توالنا كل يوم تقريبا والحمد لله..

jihanne · 2014-01-08, 20:21

ولد الناس لا تربيه يكبر و يرجع لوالديه

Napia · 2014-01-09, 16:03

لوكان هذي الطفلة تعيط لأمها الحقيقية ماما و( للي مربيتها ثاني ) باه توالف و تقوللها من درك

ايمان نور الجزائر · 2014-01-09, 16:49

لازم تقولها في السنة اولى ابتدائي ...هكا باش تتقبل الامر
صراااااااااااااااااحة انه امر صعب...انا محتارة فيمن يقدم اولاده للغير

lili1988 · 2014-01-09, 17:31

لازم تقوليها وهي صغيرة باه تكبر و هي متفهمة الامر هكا متصراش لها شوك و لا تتعقد

نهى اسطاوالي · 2014-01-09, 17:40

وانا سانظر للموضوع من زاوية اخرى لاقول لهذه العمة جزاك الله خيرا لا تستغربوا ردي هذا فقد تكون بفعلها هذا فتحت باب خير امام زوجة اخيها ونادرا ما يحصل هذا الزوجة لا تنجب قدر الله لها ذلك فقرت العمة عينها بهذا المولود لتربيها ابارك لها هذا العمل كما انني على حسب رايي تمهد لها فقط عندما تدرك وتعقل ما يدور حولها وتفهمها السبب والجيل تاع درك ماتخافيش عليه فاهم من صغرو
انا عندي صديقتي اختها رباتها خالتها في فرنسا وراهي تجي عندهم للجزائر وتنادي امها الحقيقية ب ماما وخالتها ماما ربي يكثر الامهات ههههه وما لقاو حتى مشكل
لازم تستخير وربي يجعلها خير

imenealg · 2014-01-10, 12:44

اقتباس:

المشاركة الأصلية كتبت بواسطة ibissam

هل كل اقارب الزوجة يعلمون خاصة الزوج وامه لانو نعرف وحدة لم اعطتها اختها ام الزوج اقامت الدنيا لم تسترح حتى ارجعت البنت الي ولديها هل اتفقت على فترة عام لانو ممكن ام تكون تعلقت بابنتها وان شاء الله ربي يسهلها اذا ملقتش لي مدلها تتبنى وتنال الاجر

kol nass alablhom
bant ka3 mako3dtch maa mamaha hakikya man zadt w heya and khalha

imenealg · 2014-01-10, 12:45

اقتباس:

المشاركة الأصلية كتبت بواسطة نهى اسطاوالي

وانا سانظر للموضوع من زاوية اخرى لاقول لهذه العمة جزاك الله خيرا لا تستغربوا ردي هذا فقد تكون بفعلها هذا فتحت باب خير امام زوجة اخيها ونادرا ما يحصل هذا الزوجة لا تنجب قدر الله لها ذلك فقرت العمة عينها بهذا المولود لتربيها ابارك لها هذا العمل كما انني على حسب رايي تمهد لها فقط عندما تدرك وتعقل ما يدور حولها وتفهمها السبب والجيل تاع درك ماتخافيش عليه فاهم من صغرو
انا عندي صديقتي اختها رباتها خالتها في فرنسا وراهي تجي عندهم للجزائر وتنادي امها الحقيقية ب ماما وخالتها ماما ربي يكثر الامهات ههههه وما لقاو حتى مشكل
لازم تستخير وربي يجعلها خير

baraka allah fik

imenealg · 2014-01-10, 12:47

اقتباس:

المشاركة الأصلية كتبت بواسطة ايمان نور الجزائر

لازم تقولها في السنة اولى ابتدائي ...هكا باش تتقبل الامر
صراااااااااااااااااحة انه امر صعب...انا محتارة فيمن يقدم اولاده للغير

mamadtch bantha lwa7ad mata3rfoch hada akhoha
chafto kalbo ma7rok w bghat tfar7o
sa3dtha b had 3amal fra7athom