مشكلتي

[مشكلتي]

السلام عليكم و رحمة الله و بركاته

علابالي رانا في جو ايماني و رمضان راه وصل بالاضافة الى فرحتنا بتأهل فريقنا الوطني و مانيش حابة نفسد هذه الفرحة لكن عندي مشكلة تؤرقني و متمنية نلقالها الحل على يديكم ان شاء الله
انا انسانة طيبة و حساسة جدا متزوجة و عندي اولاد مشكلتي هي زوجة ابي و زوجات اخوتي ساكنين في بيت واحد بطوابق و لما نروح عندهم لزيارة ابي الشيخ الكبير يحبو و كيما نقولو بالعامية ينصبولي فخات يعني يحبو يحرجوني قدام الضيوف و يديرو تصرفات باه ينقصو من قيمتي قدام الضيوف و خاصة زوجة اخي الاوسط تحب ديما هي لي تبان و هي لي تكون المتميزة قدام الناس و مدايرة تحالف مع زوجة ابي و ديرلي تصرفات باه تقلل من شأني
مشكلتي اني طيبة و مانعرفش نخرج من هذه المواقف و مانعرفش نواجه الشخص مباشرة دائما نخليها في قلبي و نولي نبكي و يديرلي ضغط حتى نولي قريب ننفجر المشكل الاكبر انه هذه التصرفات بدون سبب يذكر يعني يظلموني بلا سبب و الله على ما أقول شهيد
ارجوكم هل من نصيحة
و جازاكم الله خيرا

[sara 97]

صحا نتي كي يغيضووك هادووا المشاكل وتروحي تبكي وقريب تنفجري واش تستفيدي
غير الغيظ فالغيظ وتهلكي نفسك وتفرحيهم

بلاكي تسكتي المره اللي تروحي فيها لازم تجهززي روحكك بزااف من ناحيه ككوول شئ
لازمم تحطيهم عند حدهم
كي تمشي المره الجايه بينيها بلي راكي خير منهم واللي تقولك كلمه طيها 10 وريهم العين الحمراء متنفعش معاهم الطيبه هاد النوعيه

[~~نهال~~]

اختي
رمضان مبارك اولا
انتي واجبك تصلي اهلك
صلة الرحم واجبة و لو فوق قلبك ماعليش
حاولي تعرفي اوقاتالللي ماتكونش فيها وحدا فيهم
على الاقل وحدا ماتكونش
زوريهم و لو نص او ساعة من الزمان و ارجعي لدارك
ابلعي كلامهمن برك
راهم ناس كامل يعانيو من الآفات كي هاذو
و كي تقلقي و تحبي تبكي روحياتوضاي صلي ركعتين و ابكي في سجودك خاصة رمضان جا و درك تشوفي
ربي يمهل و لا يهمل
اذا بغاو يسمموك بكلامهم درك تشوفي ربي ينتقملك منهم

[نورسين.داية]

السلام عليكم

لكن لما تهتمي لمن يحاول التميز أو إظهار نفسه .........................؟؟؟ علاش حياتنا الإجتماعية هي منافسة الظهور التميز ..........؟؟؟؟؟

[دعاء المحبوبة]

اذا كان تصرفهم هذا ما فيه حتى ضرر على حياتك الشخصية ،أي مجرد تصرفات مزعجة في حينها، لا تعطيهم اي قيمة مطلقا، وهذا أحسن علاج لهم.

[عادل عبد الله]

السلام عليكم اختي الكريمة ، إذا كنت تقرئي ما كتبته أنصحك اختي بالصبر على إيذائهم لك وحاولي اختي الكريمة أن تتجنبي كل ما يوقعك في الإحراج عندما تأتي لزيارة والدك حفظه الله حاولي أن تكوني صامتة تحدثي معهم بكل طيب وكل حنانة مهما فعلوا معك عامليهم بكل حنان ولطف وان شاء الله ربي ينحي عليهم البغض والحسد مقلوبهم وحافظي اختي على الطيبة لي راها فيك ربي يفرج عليك ان شاء الله .

[Assouma 93]

اولا اختي نقولك صحا رمضانك و ثانيا نقولك ان بكائك هو اللي يخليهم يزيدو يظلموك سما هكدا راكي تشجعي فيهم نقولك حاجة متربحيش العيب معاهم خلي بلاصتك نقية و اقتليهم بالبارد مترديش كامل عليهم ارمي مور ظهرك و ديري روحك كامل مسمعتيش و ايضا قللي من اللقاء معهم و شوفي كيف يكرهو وحدهم و ميبقاوش دايرين بيك هاكا و هوما الله يهديهم و خلاص

[doba]

حافظي اختي على الطيبة لي راها فيك ربي يفرج عليك ان شاء الله .

[sali-sali]

السلام عليكم

لا تقحمي نفسك في الحديث و الجدال معهم كثيرا

وعليك بالتجاهل

[رحمة من المولى]

الله لا ربحوا ما يحس بالجمرة غير اللي كواتو

[naamane3]

اول حاجة طبقي حكمة السكوت عن الاحمق جوابه
ثانيا احفضي هذا الذكر
بسم الله الذي لا يضر مع اسمه
شيئ في الارض ولا في السماء وهو السميع العليم
3 مرات صباحا و 3 مرات مساءا كل يوم
وباذن الله لن يضرك بعده شيئ

[مُﭔﭥسـّمہ دائمًا ツ]

لا تكترثي لهم
وان اذوكِ بكلامهم الجارح فلا يهمك
ديري ربي في قلبك ولا تحاولي التصرف بالمثل ابدا
مترديش الكلام ليهم وديري كلي ماسمعتيش
وما تخليش هذا المجتمع يحسسك بضعف لانك طيبة وتنحي هذه الصفة اللي فيك
الطيبة معناه انك انسانة ذات اخلاق فحافظي عليها يا اختي
المهم ربي كيفاش يشوفك ماشي الناس كيفاش تشوفك
انت تتعاملي مع ربي ماشي مع الناس
انت اخلصي مع الله واطمئني بان الله سيرد عنك كيد الكائدين

[ايمان نور الجزائر]

يا ختي تجاهليهم وارميهم في التقيل
هوما لما يشوفو انزعاجك راح يزيدو اكتر واكتر
اما لما تظهريلهم انهم ولا شيء عندك راح يكرهو ويبطلو
تاني حاجة نتي شوفي باباك وشبعي منه وبقيهم بخير وارجعي لدارك
ثالث حاجة ما يلزمش تكوني قبيحة او ترجعي الصرف تعلمي يكون ردك مختصر وفيه ذكاء وسيي سكتيهم
بكاش حاجة ما يحبوهاش

[أم احمد3]

اجبدي. العين الحمرا...وعلاش بابا مراهش نقي..وعلاش الدار. راهي تريح أدخلت شميت ريحة مراكومش تنظفوا..د.يري حالة واقرعجي عليهم ولوا يخافوك....

[knives66]

ما تروحيلهمش وهني راسك