زوجة الغول

nonous · 2014-06-28, 07:51

صباح الخير اختي قبل ما اقشك حبيت ننقولك بلي احبك في الله من اسمك سبحان الله
الشاوية او ناس الشرق عموما عندهم ادريالين الرجولة طالع حبة عاى هديك رايهم ديماقاسي ويتشبتو بيه maisانت خدي الامور بجدية وحسم و ديري بالك راه زوجك
شوفي حبيبتي قالك اخدمي على والديا معلهش اخدمي احسبيهم والديك كيف كيف والله العظيم صح تضيقلك بصح احسبيها لوجه الله و شوفيهم والديك ماشي والديه وراعي الله فيهم و راح تشوفي يوليو هوما يدافعو عليك ويحبوك كتر من ولدهم المهم المعاملة الحسنة و الغول نتاعك ديما فكريه بلي لوجه الله ماشي باش ترضيه هو و صدقيني بالوقت يولي يعرف واش يزرع
كيما تقولي يما و عمتي الراجل كيما علمتيه و و ليدك كيما ربيتيه كاينة منها ولكن لازم تصبري والنتيجة هدي لازملها وقت وعجين مليح باش يتقاد
انا صحبتي مثلك قاللها تخدم ي علي و على اهلي وصح المسكينة تهبط من الخارج للبلاد باش تطيب لوالديه !!!!!!!!!!!!! و ترمضن معاهم وووووووووو لكن صح كرهت و حست بالحقرة و نفس الكلام اللي قلتولك طبقاتو و الان راها تحمد ربي لي كسبت راجلها اللي ولا يموت عليها والشور شورها وعلاش؟ خاطرش رفدتلو والديه وحسبتهم والديها و لوجه ربي و ربي فتحها في وجها و لعقوبة ليك
انت يا حبيبتي عقدت ومبروك عليك المهام نتاعك الان هيا زوجك تكسبيه و بلعقل تفهميه كيفاش يفكر وﻻ علي الأقل واش يهدر و راح تنجحى بادن الله
رمضان مبارك تصوميه بالصحة والعافية ويتقبل منا ومنكم

hodayena · 2014-06-28, 10:19

كلامك صواب لكن ليس كامل الناس كيفكيف لانو كاين الي العكس اذا عاملتيهم يحسبو راكي خايفة منهم ويحوسو يتسيطرو عليك كيما لي كنت عايشة معاهم

نورة مروان · 2014-06-28, 11:11

اقتباس:

المشاركة الأصلية كتبت بواسطة hodayena

كلامك صواب لكن ليس كامل الناس كيفكيف لانو كاين الي العكس اذا عاملتيهم يحسبو راكي خايفة منهم ويحوسو يتسيطرو عليك كيما لي كنت عايشة معاهم

عندك الحق اختي كاين اللي يشوفوا العروسة مليحة معاهم وعاقلة يحبو يتحكموا فيها وانا من وجهة نظري كل واحدة تحط خطوط حمراء حاصة بيها ومتسمح لاي شخص يتخطاها

ام ايمان16 · 2014-06-28, 13:06

اقتباس:

المشاركة الأصلية كتبت بواسطة نورة مروان

عندك الحق اختي كاين اللي يشوفوا العروسة مليحة معاهم وعاقلة يحبو يتحكموا فيها وانا من وجهة نظري كل واحدة تحط خطوط حمراء حاصة بيها ومتسمح لاي شخص يتخطاها

هاذي النوعية شفتها ايضا يحبو يتحكمو فيها كي شافوها عاقلة وساكتة وتخدمهم بلاماتعلق على اي حاجة
صارو يدخلو في كل امورها حتى الزوجية
ربي يصلح الاحوال

زوجة الغول · 2014-06-28, 17:51

.................