ابداعاتي في عالم الحلويات

omranesouhila · 2014-06-08, 13:42

اهلا بيكم حبابيي انا حبيت نحط هذا الموضوع باه نوريلكم ابداعاتي في الحلويات منها انتم تشوفوا خدمتي و ترايوا عليا و منها تدوا افكار منعندي وهذيك هي ايا نخليكم مع الصور ان شاء الله تعجبكم خدمتي

اعطوني رأيكم باه نصحح اخطائي

سهومةج · 2014-06-08, 13:50

لبنات راهم راقدين درك انوضوا و يهجمو عليك واااااااااااااااااااااااااااااو تحف الله ايبارك الله ايبارك
أرجوك ما تحشمينيش اعطيلي الوصفة الاولى و التانيةو الاخيرة فن و تحف

سهومةج · 2014-06-08, 13:52

راني نستنى مانتحركش حتى تمديلي لي غوسات و ربي ايجازيك بالجنة و يسعدك ف الدنيا عينيا راهم لاصقين ف الميكرو
قلتي نصحح اخطاء راهم فوووووووووووووور

حمودية · 2014-06-08, 13:54

الله يبلرك.......................................

سهومةج · 2014-06-08, 13:56

بزاف احطو الوصفات و اهربوا ما تهربيش راني نستنى أرجوووووووووووووووووووك نحتاجهم عندي عرس

omranesouhila · 2014-06-08, 14:00

لا حبيبتي ماشي هاربة انا
كيما الاخيرة انا درتوا علي شكل مخبز علي ما اضن تعرفيه و طليتوا بالشكولاطة و درة الوردة بالباداموند و هذه و كذليك تحبي ديري اي تزيين عندك ماشي شرط كيما انا درة
و شكرا علي الادعية تسلمواا

سهومةج · 2014-06-08, 14:03

صحيتي يا لعزيزة ربي اهنيك دنيا و اخرة زيديلي التاني هبببببببببببلني و شكرا

afrahe · 2014-06-08, 14:06

الله يبارك خرجو لي مودال هايلين
معليش تمديلي لاغوسات تاع المودال الثاني و الخامس و اعطيني الاسماء تاعهم من فضلك

omranesouhila · 2014-06-08, 14:10

و كيما الاولاا انا خدمة petit four و صغرتوااا بزاف كيما راكي تشوفي في الصورة و حطيتواا في مولات صغار و شكلتهم كيما في الشكل و بعدها راهوا يبقالك الفراغ في الداخل انا حشيتها باللوز و الفستق و حلوة الترك و من الفوق غطيتهم بالشكولاطة وهذه
للعلم كاينين ميديروش petit four يروحوا يخدموا جينوازة و يقطعوها قطع صغار ولا يشروها انت ديري واش تحبي تسلمي و ربي يسعدك مع عريسك حبيبتي تتهنيي

om sabaa · 2014-06-08, 14:20

رااااااااائع يعطيك الصحة جا هايل حبيبتي حبيت نسقسيك كيلو نتاع لوز قداش يديرلك حبة نتاع مخبز كيما لركي ديراتو

سهومةج · 2014-06-08, 14:20

مرسيييييييييييييييييييي قد الدنيا
العرس تاع اختي
زيديلي التاني و خلاص علابالي كثرتهم مي والله عجبوني
التاني ربي اعيشك و خلاااااااااااااص و شكرا شكرا شكرا والله فرحتيني بالرد ربي يحفضك و اهنيك

omranesouhila · 2014-06-08, 14:20

اسمعيني afrahe كيما الثاني انا شفتوا بطريقة و بوصفات اخري لاكن انا غيرة فيه فهمتينيا
كيما لي شفتوا اسموا رولي بحلوة الترك و هذه الوصفة انتاعوا

المقادير
2 علبة بيمو مرحي غبرة
2 ملاعق كبيرة كاكاو اسود
50غ زبدة ذائبة
1ملعقة صغيرة فاني
حفنة جوز
و لميهم بالعسل او المعجون ( كمية العسل او المعجون غير محددة اضيفي للخليط حتى يتلم و حبسي ما تزيديش)

الحشو
حلوة الترك
التزيين
شكلاطة للطلاء

التحضير
1-في وعاء ضعي البيمو المرحي + الفاني+ الكاكاو+الجوز اخلطي ثم اضيفي الزبدة الذائبة واخلطي مرة اخرى + لمي بالعسل او المعجون حتى الحصول على عجينة طرية.
2- على طاولة عمل مفروشة بالبلاستيك وبواسطة الحلال ابسطي العجينة بسمك 5 ملم

3- سوي الحافة ثم ضعي عليها طبقة من حلوة الترك المفتتة جيدا.
4- غطيها بالبلاستيك ثم مرري عليها الحلال.
5- لفي العجينة مع نزع البلاستيك تدريجيا.
6- غطي الحربوش المتحصل عليه بالبلاستيك وضعيه في الثلاجة مدة 15 دقيقة.
7- انزعي البلاستيك ثم اطليه بالشكلاطة للطلاء الذائبة في حمام مائي. وضعيه في الثلاجة حتى يحكم روحو مليح
8- قطعي دوائر بواسطة سكين.

وهذه انا نخليك سلام ان شاء الله تعودي فهمتيه كيما قتلك انا غيرة فيه راكي تلاحضيها كي تشوفي الاختلاف في الصورة

omranesouhila · 2014-06-08, 14:25

شكرا يا الشاطرين علي الردود وكيما الاخت om sabaa كيلوا تاع جاني وحد 35 حبة علي ما اضن لاني منحسبش انا الحبات كي نخدم اعذريني
وكيما الاخت سهومةج راني حطية الوصفة تاع 2 و ان شاء الله تتهني اختك بزواجها و العقوب ليك ولا انا نقلك منحبش الزواج ان شاء الله نشوفوك في نجاحات اخري

ichrak03 · 2014-06-08, 14:50

44444444444444444444
يعطيك الصحة

islam1aya · 2014-06-08, 14:53

44444444444444444444444444444444444