قريوش المشبك

[mechmecha]

السلام عليكم
شفت وحدة في المنتدى سقسات عليه درتو وحطيتو ان شاء الله تشوفو ونتوما يعجبكم

المقادير
500 غ فرينة
125 غ مرغرين ذايبة
فاني
مغرفة صغيرة نوارة
انا زدت شوية خل حوالي مغرفة صغيرة باش ما يشربش الزيت الوصفة الاصلية ما فيهاش
وجمعي العجينة بماء الزهر
وخليها تريح ما تغطيهاش بكيس باش تنشف شوية العجينة وماتعبكش
نحل العجينة شوية بالحلال ثم نمرر على الة البقلاوة 3 ثم 5
و ماتنساوش قبل ما تمروها على الالة ترشو العجينة بالنشا من الفوق ومن التحت في كل مرة
ثم تمريها على الة الرشتة وطبعا قبل هذا ديري النشا ضروري باش خطوط العجين ما تلصقش مع بعض لازم تجي متفرقة ماشي معجنة هذا هو السر
والباقي موضح في الصور

اجمعي الخيوط بصباعك في الاطراف





كي تضفري العجينة احرصي باش تكون الضفيرة مرخوفة

ثم قصي الزوائد بالموس

كيما راكي تشوفي في الصورة درت احجام مختلفة لكن نصيحة صغروهم لان الصغيرة باهية على الكبيرة

ديري بالضفيرة دائرة واحكمي الاطراف ببياض البيض



لبنات عسلوه بالحذر باش مايتفتتش وديرو في الوسط كاوكاو ولا بيستاش
وكي يبات وين تبان البنة تاعو مممممممممممممممممممم

وماننساش هذا الطبسي لفلة فود ارت و الهام 07 وام انس وام اماني ونينافري لاني صح استفدت منكم بزاف

وبنات المنتدى ماتزعفوش راني مانسيتكمش السنيوة راهي لاحقة بصح منعرف تكفي ولا لالا لووول



اللهم ادمها نعمة واحفظها من الزوال