غراتان البطاطا والبادنجان باللحم المفروم والبيشاميل اممم

[hamza18]

اليوم جبال كم غراتان هايل بالبيشاميل واللحم المفروم
اولا نبدأ بالمقاير:
كمية من اللحم المفروم
رأس ثوم
حشيش(دبشة ومعدنوس)
ملح
بهارات وتوابل وفلفل اسود
حبات بادنجان أنا درت 2 كبار
كمية من حبات البطاطا حسب أفراد العائلة
جبن
بيض
الطريقة:
نتبل اللحم المفروم بالتوابل والثوم المعدنوس والدبشة نخلطها ونتركها ترتاح
نرجع الى الباذنجان تغسله ادا حبيتي قشريه أنا درتوا بالقشور تقطعو شرائح وتبلوا وتملحو وتحطو في كسكاس ايفور كيما الطعام ادا حبيتي قليه أنا ماحبيتش انقليه خاطر يرفد الزيت بزاف
ثم نعمل نعمل صلصة البيشاميل نضع في كاسرونة 2مغارف زبدة على نار هادئة حتي تدوب انضيفلها 2 مغارف فرينة ونخلط بسرعة ثم نضيف الملح والتوابل ونبدأ بإضافة الحليب مع التحريك المستمر أنا درت الحليب على حساب كمية الغراتان حطيت حوالي لتر تبقى تخلطي حتى تبدأ تعقد ومبعد اضيفيلها 3 قطع من الجبن متخليهش يعقد بزاف
نرجع الى البطاطا نقشرها ونغسلها ثم تقطع الى دوائر وتلقى في زيت ساخن وتقطر
نأخذ اللحم نضيف له بيضة ونص كمية الباذنجان ونخلط ادا جاء الخليط جاري يعنى سائل يصعب تشكيله زيديلو خبز يابس مرحي تصنع كويرات وابسط قليلا باليد وتقليها من الجهتين
نجيب الصينيةندهنها بالزبدة ونضع نصف كمية البطاطا نسقيها بشوية بيشاميل ثم نضيف نصف كمية الباذنجان ثم نضع فوقه قطع الجبن ونزيد انضيفلها البطاطا المتبقية أخيرا نضع كويرات اللحم بالترتيب ونسقي بالبيشاميل كامل الطبق ثم نضع جبن مبشور. او جبن مقطع أنا درت جبن مقطع ثم يوضع في الفرن وبالصحة والعافية
جربوه بنين درتو في دار عجوز تي وكانت اخت زوجي عندنا وعجبهوم كامل
سامحوني منعرفش نضيف الصور كون حطيتلكم راني صورتوا
مع السلامة