في المغرب يعملو شرمولة خاصة بالسمك و تصلح تقريبا لكامل انواع السمك ومع السردين مانحكيلكش
لا كان عندك الوقت وجديه وخليه يريح في الثلاجة طبعا مغطي بالفيلم اليمونتار حتى وقت تقليه
هادي الشرمولة :
ربطة قسبر مقطعة رقيقة خليها على جهة و ادا طحنتي في الميكسور حطي كامل المواد المدكورين اسفل ....
حطي 1/2كاس ماء + الملح الكافي 3 حتى 4 سنات ثوم و زيدي هاديك الربطة نتاع القسبر + 2 م ك فلفل احمر ( بابريكا) +1 م ك كمون
+ 1/2 م ك فلفل احمر حار ( بيمون فور ) 2 م ك زيت .... خلطي مليح في الميكسور و لا بالمهراز
ما لا كيفاش كانو جدودنا بكري ....؟ و لسمك لالوز زيدي للخليط 1/2 كاس تاي خل ... خلطي مليح وخلي السمك يتمارينا ساعتين على الاقل ورمديه في الفرينة متبلة بشوية برك ملح وفلفل و اقلي و شمي و من بعد كولي واشبعي
شرمولة هايلة هايلة هايلة
وشهيتيني في السردين ياتيك الخير ان شاء الله
ونزيدك طريقة اخرى expresse ادا ما كان عندك والو
نظفي الحوت نتاعك وتبليه بالهريسة .... نعم بالهريسة و شوية فقط نتاع زيت وملح
رايحا جيك هايلة سورتو مع السردين
ان شاء الله نكون عاونتك شوية
سلام حبيبتي
( تقرير عن مشاركة سيئة )، و الموجودة أسفل كل مشاركة .
2014-06-22, 15:49
العرض العادي
