هل أستطيع تعلم الخياطة ؟؟

أم الحسين 24 · 2014-06-25, 12:41

السلام عليكم ,, والله هذا سؤال حبيت نطرحو لمبدعات هذا القسم
يعجبوني بزااف الإنجازات اليدوية لي راكم تقومو بيهم و أنا بحكم أنهيت دراستي الجامعية و تزوجت راني حابة نتعلم الخياطة لكن ما عنديش الوقت نلتحق بتكوين نظامي ,,أريد تعلمها فقط كهواية و حابة نولي نخيط لنفسي كلشي خاااصة القنادر ( بغيت نحقق الاكتفاء الذاتي هههه)
حسب رأيكم نقدر نتعلم التفصيل و الخياطة من الانترنت ؟؟؟ ولا لازم ندخل تكوين ؟؟ و لا كاين طرق للتعلم أو نصائح نتمنى من الأخوات يفيدوني
راني ننتظر الردود بفااارغ الصبر

النجمة الذهبية1 · 2014-06-25, 13:00

عليكم السلام اختي العزيزة وانا مثلك شريت مشنية وحابة نتعلم من عند بنات المنتدى راني تعلمت شوية كيفاه نحط الخيط في المشينة ههههه ونخيط شوية راني مبتدئة بزااااااااااااااااااف وهايبة نخيط ونفصل

ان شاء الله نلقاو كيف نتعلمو

النجمة الذهبية1 · 2014-06-25, 13:03

جيت حطيت لمشينتي الزيت حبست العجلة تاعها يارب الطف هههه

لميس اميرة · 2014-06-25, 13:26

انا كانت عندي مشينة و نقعد غير نشوف معاها وليت نتابع الدروس فالمنتدى و اليوتوب و درت القلب و زدمت و الحمد لله اول قندورة درتها خخخخخخخخخخ الله لا يشوفك الثانية معليهاش

كيما يقول المثل الاولى حصل الثانية بصل و الثالثة عسا

النجمة الذهبية1 · 2014-06-25, 13:39

المهم درتي القلب هههههه مبرووووووووووك

sarra5 · 2014-06-25, 16:45

اكيييد تتعلمي لان التكوين ماعندة حتى حاجة زايدة على النت

لانك اذا حبيتي تتعلمي اكيد رايحة تطبقي وكي تطبقي رايحة اكيييد تغلطي ولما تغلطي تتعلمي من غلطتك

اما عاملة دروس قريتهم في التكوين

جيبي كراس ودوني كل الدروس واي حاجة مافامتهاش حتى لو تافهة قوليلي ونفهمك فيها