أياااا الباطاطااااااااا !!!!!!!

[زرقـآء اليمآمـة]

السلام عليكم
ظاهرة استفحلت المجتمع خاصة بالمدن والأحياء السكنية
تزعج السكان وتشعلهم غضبا أحيانا
إنها ظاهرة ازعاج الباعة المتجولين
حيث يقصدون الأحياء السكنية باكرا ويشغلون منبعات
سياراتهم على الساعة 7:00 سا
انهم لا يبيعون حليبا وخبزا
وانما
الباطاطاااااااااااااااااااااا
الشوفلووووووووووووووور
ايا الباطاطاااااااااااااااااااااااااااا



مما يزعج من لا يزال يغط في نوم عميق
ويقلقون المريض نزيل الفراش
وينشرون الصخب صباحا
السيدة عيشوش:
لو كنا على موعد تحضير الغذاء لا باس بذلك
ويسعدنا تواجدهم ولكنهم يزعجوننا ونحن على
اهبة تحضير قهوة الصباح

السيدة حدّة:
ذات مرّة كان زوجي نائما وقد عاد لتوه من عمله الليلي
وفجأة اصطدمت أذناه ب: طيييييييييييييييييييييييييييييييييييييط
طووووووووووووووووووووووووووووط
ايا الباطاطاااااااااااااااااااااااااا
فانزعج وخرجا مسرعا نحو البائع وانهال عليه ضربا
ولسوء حظّه هجم عليه صاحب البائع على حين غفلة
وضربا زوجي بلوحة على رأسه ورجع بدمه


خلاصة:
بعض البشر لا يهمهم راحة الغير وانما قضاء مصالحهم فقط
باي طريقة
ما تعليقكم أنتم ؟؟
اكيد عشتم الظاهرة وتتمنون تغييرا فيها
والله المستعان
شكرا لكم

[يونس معبدي]

وعليكم السلام ورحمة الله
فعلا انتشرت هاته الظاهرة بشكل غريب
ولو ان لها فوائد فهي تُقّرب السلعة من المواطن
لكن تبقى المشكلة في الوقت كما ذكرتي

بارك الله فيك على الموضوع

[sali-sali]

السلام عليكم

هناك اناس بعيدون كل البعد عن الاخلاق .. الاحترام و التعامل .... احيانا انزعج من هؤلاء الباعة المتجولين خاصة الذين ذكرتهم و احيانا اقول هو عملهم و لو وجدوا عملا احسن منه لما قاموا بالازعاج

[روسلين]

السلام عليكم

موضوعك جميل اخيتي

نحن الحمد لله مايجوناش في الصباح الباكر لكن وقت القيلولة وتسمعهم ينادون بكل انواع الخضر هههه

اضحكتني كثيرا اضحك الله سنك

ولكن الازعاج فعلا غير اخلاقي ولكن بالنسبة لهم قد يكون بيعهم بهذه الطريقة مصدرا لرزقهم فنعذرهم ومهما كان نشجعهم على الكسب الحلال ولو بازعاجنا لكن معليش حلال عليهم

[إكرام ملاك]

السلام عليكم ورحمة الله

هاته الظاهرة مزعجة حقااااااااااااااا
أخي يقول لا تشتروا من عندهم لانهم لا يعرفون معنى وقت الرااحة
كما قلتي تجديهم صباحا ومساءات والكارثة حتى وقت الصلاة صوته يزااحم الادان احياانا

من المفروض البلدية بما أنها أعطتهم ترخيص أو أدا لم تعطهم تحدد لهم وقت معين
وليس طيلة اليوم والابواااق في صرااخ لا يصمت قط

طيييييييييييييييييييييييييييييييييييييط
طووووووووووووووووووووووووووووط
ايا الباطاطااااااااااااااااااااااا *****ا أيقونة مزعجة

[الواثق]

النساء يعجبهم الحال من هؤلاء الباعة الجوالة على كل في منطقتي لاتوجد هذه المظاهر وان وجدت فهي ليست متكررة لكن في العاصمة كنت ارى لما يجي البائع وحتى في وقت متأخر تصبح فرصة جيد للمرأة باش تخرج تشري البطاطا ههه ومنها طل على جارتها وتتمشى شوي وتفوت على حانوت اللبسة قدام العمارة وتقعد ساعتين ولما يحكمها راجلها وين كنتي ؟؟؟؟ بووووووووووه عليك رحت نشري البطاطا باش نطيبلك الغداء ؟؟؟
ههه
والله المستعان

اما قضية الازعاج نحن كنا نعاني من مشكل اكبر من هذا فلقد كان امامنا مستودع لصناعة مواد البناء ويجيبو السيما غبرة مضغوطة ويخرجوها بالكمبرسور وصوته يهز الشارع والشاحنات تبدأ العمل ابتداء من الرابعة صباحا..............مليح كي منعتهم البلدبة فيما بعد

وازعاج اخر في بيتنا وهي مدرسة ابتدائية امام البيت لاصونات تاعها شغل انذار تاع قصف لما نقول نصبح هذا النهار نوض كالعسكري من هذيك لاصونات
...........ومانحكيلكش على وطنية مديرها حيث يسمع النشيد قسما كاملا وبصوت عال جدا والدراري ينشدو معاه مارحمك يالبطاطا هه
والله المستعان

[أيمن عبد الله]

يا صاحب البطاطا لو هداك الله

لراعيت وقتا مناسبا ولما ازعجتنا

هداك الله وتبقى البطاطا هي السيدة

[بنت النخلة]

المشاركة الأصلية كتبت بواسطة sali-sali

السلام عليكم

هناك اناس بعيدون كل البعد عن الاخلاق .. الاحترام و التعامل .... احيانا انزعج من هؤلاء الباعة المتجولين خاصة الذين ذكرتهم و احيانا اقول هو عملهم و لو وجدوا عملا احسن منه لما قاموا بالازعاج

سلمت يداك يا اخيتي والله انني عندما اقرا عن تاريخنا وحظارتنا الاسلامية في ايام عزها واوجها اشعر باحساس مزدوج شطره حسرة وشطره الآخر شعور بالعزة والامل بان ياتي يوم ما وان تعمل الجينات فينا فان اجدادنا هم من اروا الدنيا كلها الحظارة والعلم بكل مجالاته والفن والموضة والعمارة وغيرها ...يارب احيي هته الامة

[soso sirin]

السلام عليكم.من جهة الازعاج فهو ازعاج كبير سوغتو في يامات العطلة كي نسمعهم والله نبغي نبكي لكن كون نجو نشوفو هوما تاني الله غالب عليهم باش ينوض مع الصباح ماشي حاجة ساهلة .زرقاء اليمامة حنا عندنا مشكل وخدخر الي يبيع لاجافال عندو اغنية سبيسيال اذا مالحقتكمش منبعد نبعثهالك على الخاص .الله يكون في عونهم لانو الله غالب راهي خدمتهم و يكون في عونا باش مانتقلقوش

[" أبو عبود"]

والله كنت أظن ان الامر يخص بلدتنا أو حينا فقط. في فصل الصيف وما أدراكم ما الصيف في الجنوب وقبيل طلوع الشمس وفجاة يدوي الصوت ولا تدري ما الذي حدث وفجاة تخرج مسرعا لتجده ينادي على البطاطا. والله لولا أن يقال عني سفيها لاشبعته ضربا ونثرت له الخضر في كل مكان.

[نورسين.داية]

السلام عليكم

على إعتبار أن منزلي على حافة طريق شبه رئيسي ........يعني أصوات السيارات و الشاحنات ........يوميا خصوصا انه مند أعتقد سنتين ....قام أعضاء الحي بتسوية طريق جديد .بالإنارة و بكل مستحقاته .......فتح لأصحاب السيارات أفاق اخري .........خصوصا مع نزول الأمطار و السيول ......

اما الصيف لي عندو شاحنة مايحلى ليه تصليحها إلا عند منزلنا .........و الله تقولي نطل عليه من الفوق و نضربو بحاجة ...تكسرلو راسو .....

اما بخصوص الباعة هي حالات ناذرة لكن يأتي باعة الأواني و الأفرشة المنزلية .......................
عموما لا ننسى أن ذاك البائع يطلب رزق الحلال ......و هذا هو أسلوبه ....فنطلب من الله عز وجل أن يفتح عليه من أبوابه الواسعة ...

شكرا أختي

[نورة أسماء]

انا لا اراهم مزعجون رانا نحتاجوهم أحيانا ديفوا حبة بصل ماتكونش فدار عندي كي نشوفهم نفرح ههههههههه وخاصة بائعين ساردينة أصواتهم تكسر زداج تاقة كوزينة ههههههههههههههه

كل واحد راهو يخدم على شره ربي يعينهم ويهديهم لو انهم يختارو الوقت المناسب للبيع سلعتهم فقط

مشكورة حبيبتي تقبلي مروري

[pro24]

ياالله لحقتنا هذه العبارة حتى في منتدى الجلفة
ربي يستر

[ايمان نور الجزائر]

ألحمد لله حنا ما يجوناش
لكن لما كنت نضيف عند جداتي يبدااااااااااااااو صباح ربيييي
جافيييييييييييييييييييييييييل صانيبووووووووووووو جافيييييييييل
حتى الواحد يتشوكا لوكان يبيعو كرواصون معليهش
ولي تشوكي نتاع الصح
جماعة سردييييييييييييييييييييييييييييييين ....سلق حشيييييييييييييييييشة على 7 نتاع الصباح
الله يهدي ما خلق

[sarl02]

عادة قديمة وداخلة فالتراث الجزائري...بصح ذرك اصحاب هاته المهن راهم سايرو التطور والتكونولوجيا يعني موش اعيطو باضواتهم كيما كانو ..راهي كاينة اومبلي وميكرو صغيرة فيها كارت ميموار يعني اعيط مرة وحدة واشارجي الصوت تاعو وامبعد يطلقها ادور ها كثر خير الشناوة شفتو كي اخمو عليكم.