مساعدة في مشكل مع الجمارك و الشراء من الانترنت

[compass_dz]

السلام عليكم
جائتني منذ 3 ايام وثيقة حمراء تقول لي اشعار بالحضور الى المكتب الكائن بقسنطينة و وضعوا لي رقم الهاتف
مع العلم اني اشتريت من قبل عدة مرات و كانت تصلني جميع المشتريات الى ان حدتث معي هذه المشكلة
فقمت بالاتصال بالرقم الموضوع فتخيلوا ماذا قال لي احدهم :
ان كنت تريد اخد سلعك يجب ان تحظر وثائق registre comerce و الفاتورة و تخيلوا السلع ماذا تكون :هي عبارة عن webcam وجهاز هاتف نقال قيمته 46$
فقلت لهم هل آتي من اجل webcam فقال لي ان لم تاتي سوف نرجعها من حيث جاءت وهذا في ظرف 15 يوما
انا اشتريت من قبل webcam عدة مرات و لكن لم تكن باسمي كلها و مع هذا اخدتها بدون اي مشاكل
و في اليوم الثاني تحذث معي انسان آخر يدوا انه chef cervice فقال لي ما قصتك انت ماذا تفعل بكل هذه المشتريات مع الرغم اني اخدتها من قبل كلها و لم يحدث معي اي مشكل و إذا بهم انهم يحسبون لي ماذا اشتري من الاول الى غاية الآن تقريبا مدة 6 مع العلم اني كنت ابعث المشتريات و موضوع عليها GIFT
فقال لي ان لن تاتي بالوثائق سوف اكتبها لك
ماذا يقصد بهذا القول

[youcefball]

هههه روجيستر كومارس تقول رانا نخدمو استيراد و تصدير
روح ليه و قلو خوالي و اعمامي فالخارج يبعثولي هاد الصوالح و هم للاستعمال الشخصي و ليس للتجارة
و ربي يسلكها على خير

[compass_dz]

المشتريات التي وصلتني و هي 5 مشتريات
1 باسمي و 3 باسم اخويا و 1 باسم اخي الاصغر
جهاز هاتف نقال بقيمة 46 $
3 web cam مع العلم لم ابعثها في نفس الوقت
1 webcam
انه يحاسبني على جميع المشتريات التي اشتريتها من قبل
ما الحل مع هذا الانسان

[الجزائـــ جمال الدين ـــري]

خشية مثل هذا الامر دائما اشتري باسماء مختلفة، مرة للعائلة، مرة الاصدقاء (المهم اللقب والعنوان يتغير)
على جال سلعة صغيرة تسحق روجيستر، تحسب راك جايب كونتينير
دير كيما قالك خونا يوسف والله يسهل ان شاء الله

[youcefball]

المشكل بالاك 3 واب كام اللي جاو على اسم خوك لأن اكثر من قطعة من نفس النوع تعتبر جملة و يصنفها تجارة
انا الاسبوع الماضي استلمت ثلاث طرود فيهم نفس السلعة واحدة باسمي و الزاوجة باسم اخي و الثالثة باسم ابي
جابهملي ساعي البريد لبلب الدار دون اي ادفع شيء
و الله تجي تفهم تدوخ لا يوجد قانون ثابت كل ولاية عندها قانون !!

[insalahstar]

الله يعطيك الصبر خوييييييا

[compass_dz]

السلام عليكم
خاوتي انا لا اريد هذه المشتريات اصلا ان كانت فيها حسابات و خاصة من انسان حسود كما هذا
المشكل اني لم اذهب الى المكتب هل ترجع السلع الى اصحابها
ماذا يقصد بانه سوف يكتبها هل يكتب لي غرامة مالية في مصلحة الضرائب او ماذا
هل يستطيع محاسبتي على السلع التي اقتنيتها من قبل
كنت دائما ابعث المشتريات باسماء مختلفة و لكن هذه المرة و خاصة بحلول السنة الجديدة اتت مع بعضها و اظن المشكل في الجهاز الهاتف

[hamzagolf6]

كلي هاذ كي تبيع 3 ويب كام راح تغني تشري فيلا ولوطا ياخي هبال قولو قارديهم عندك وهذا 100% راهو حاب يسرقهم

[compass_dz]

السلام عليكم
انا راني دائما ربي يخلف عليا
اذا باغي يديهم راهم ليه
دوركا نتصل بالبائع و نقولوا يسترجع الهاتف تاعوا و هذا لكي لا ياخده هذا الديواني الطماع لا من اجل استرجاع مالي و لكن من اجل عدم اخد الهاتف من طرف الطماع

[3ab2ou]

و إذا بهم انهم يحسبون لي ماذا اشتري من الاول الى غاية الآن تقريبا مدة 6
....
واش تقصد خويا ب 6

[bac_2011]

الله المستعان, ضحكتني بروجيستر دو كومارس ههههه, لكن, شر البلية ما يضحك!!

[compass_dz]

المشاركة الأصلية كتبت بواسطة 3ab2ou

و إذا بهم انهم يحسبون لي ماذا اشتري من الاول الى غاية الآن تقريبا مدة 6
....
واش تقصد خويا ب 6

السلام عليكم
اقصد ب 6 وهو منذ 6 اشهر و انا اشتري
الحسود راه يتبعك لانه مايقدرش يدير كما نديروا نحن
و لهذا يقول المثل عاند و ما تحسدش و هنا انقلب المثل
احسد راك ماتقدرش دير لي داروه الرجال هذا بالنسبة للديواني الي دائما يطمع
انا بالنسبة لي راني شبعت

[compass_dz]

السلام عليكم
webcam ب 4$ تشريلك فيلا او مرسيدس
يالديواني ارواح تديها باش تشري Taxi
يا جماعة كاشما كاين حل مع هذوا البشر

[نبيل ناوي]

قولو خاليهم عندك

من بعد يتاصل بيك وحدو ويقلك أرواح إديهم علينا جربتها أكثر من مرة

وهذا الشخص الغبي متطورش بيه بلادنا إلا ساءت الأمور أكثر إشكيه إلى مصلحة الجمارك

وزيد أهدر معاه وسجل مكالمته الهاتفية وإديها كدليل لإدانته .

[bill_21_dz]

الحل هو كتابة الشكايات للمديرية العامة للجمارك
Directeur Général

19, rue du docteur Saâdane, Alger