خالوطا في خالوطتين ...... انا حكيت وعييت وانت كاش ماتحكيلي؟؟؟

ل..ب..ن..ى · 2010-03-20, 20:10

السلام عليكم ورحمة الله تعالى وبركاته

مجتمعنا خالوطا في خالوطتين

واش مافهمتونيش ؟؟؟؟؟؟؟

راح نفهمكم في تعاريف لمفردات:

حيطيسط: شاب لا خدمة لا زدمة
شاد _حاكم_ الحيطان
يستنى رحمة ربي
وشوية دعوة والدين

تلميد: زعما طفل جاي للدنيا
وكل يوم ماشي راجع للمدرسة
في سبيل العلم!!!!
وهو يتمنى لو ان العام كلو عطلة

يروح يقرا باش والديه مايزعفوش عليه
يروح يقرا خاطر كامل الناس راهي تروح تقرا
يروح يقرا خاطر عادات وتقاليد هههههههه
لامودا

وقت الامتحان
يحفظ ولا يحرز _ ينقل_
الحفيظة / حدودها يومين
التحراز _النقل_ لا حدود له لانه لابداية له!!!!

ماشفتوهاش خالوطا في خالوطتين؟؟؟؟؟

اليكم هدا السيناريو الدي يئسنا تردداته!!!:*

طفلة: غدوا نتزوج ؟؟
المجتمع : بالبركة عليك تعيشي
وربي يسخر

الطفلة لعائلتها بعد 5اشهر ولا عام:
ماقدرتش نعيش معاهم
راهو حاقرني والله مانزيد يومين في هاديك الدار
!!!!!!!!!!
الراجل لعائلتو:
هاديك قع مرا هاديك ؟!!
ماشي قع تاع دار
عائلتو: يا حي قلنالك وانت باقي حاصل فيها
لالا نحبها لالا ...*بهلول ماتعرفش صلاحك*....
اخطيك منها كاين بنات الحلال
وزيد كيما كانت تقعد معاك راهي قعدت مع شحال من راجل
**قبل الزواج!!! واش درتي يا مرا!!****

الراجل : .........0550 راكي مطلقة يامرا
ماكالاه ترجعي للدار
المراة: خاطر انا كنت راح نرجع !!

المجتمع: بوووووه شفتو التبهديل!!!!
البارح العرس واليوم الطلاق
البارح في السطح شطيح رقيص واليوم في المحكمة
دموع وتبهدايل!!!!!

ماشي خالوطا في خالوطتين؟؟؟؟؟

زوالي وفحل: ما .... راي حاب نتزوج فلانة
امو: هدا وين !! عليك الحمد

الخطبة...........
الام: جيناكم بالحسب والنسب طالبين يد الطفلة لهاد السبع
عائلة الطفلة: وواش يخدم هاد السبع؟؟؟؟
الام: احم احم
مازالو يقرا
عائلة الطفلة: بنتنا مازالها صغيرة
تكبر شويا وننويووا نزوجوها

الطفلة: ماما ...بابا....نحبو وحابة نتزوجو
والديها: بلعي فمك ياطفلة
هاواليك خالتك تدبرلك ميقري ....قاطن بالخارج.....

**خبز الدار ياكلو البراني****

ماشي خالوطا في خالوطتين؟؟؟؟؟

نقعدو مع مواضيع الزواج
ايه رانا قاعدين
الزواج ظاهرة المجتمع المتداولة

هدا راجل خدام متدين ووووو
رايح يخطب
جيناكم بالحسب والنسب طالبين يدها لوليدنا

ايه واش يخدم؟؟؟
يخدم ...كدا.... والراس مرفوع

ايا ضركا راح يتفاهمو على المهر:

ماناش طالبين حاجة كبيرة المهم الهنا
بصح لازم مهر خفيف
سياغة تاع 12مليون برك
مانكثروش عليكم
وشهر العسل في الخارج
والقش تاع الدار عليكم
وتسكن وحدها

عائلة الطفل: تمشا يا ولد
وشوف على حسابك

ماشي خالوطا في خالوطتين؟؟؟؟؟؟؟

نمشو لحاجة وحدخرا تصرا في المجتمع
هاديك الطفلة بيها سحور
لالا ضربها جن!!!!!!!!

عائلتها تديها عند الطالب
يعني الراقي باش يرقيلها
**الناس ماولاتش تامن بطبيب نفساني!!!!!!***

المهم هاداك الطالب يقول لباباها:
خليني وحدي معاها
راهو الجن يخرج منها ويلصق فيك !!!!
البهلول تاع باباها يخرج
ويخلي بنتو مع الخبيث

يدير فيها واش يحب
ختى تصبح في السبيطار ام لا شرعية
هدا ادا قعدت مع والديها وماراحتش تنتحر

ماشي غباء وخالوطا في خالوطتين؟؟؟؟؟؟

الانتحار:
طفل 24 سنة **مثال برك ههههه*****
لاخدمة ولاهم يحزنون
الهم طايح عليه من كل جهة وطريق
حاب يتزوج
حاب يخدم
باباه طايح عليه
والمجتمع يشوف فيه بوحشية

هو: ماقدرتش نعييييييييش
ادن:
هاواليك عمارة عالية
ساهل ارمي روحك منو
وتلقى روحك مهني من هاد الهم!!!!!!!!

ربي يعينك يا اخي!!!!!
ماشي خالوطا هاديا؟؟؟؟؟؟؟؟

وزير شابع تحواس 30مليون في الشهر وزيد لابريم
و5في عينين الحساد

كابيتان كولونال شابع راحة
المهم راهو في الجيش
ملايين وملايين
و5في عينين الحساد

استاد : ريقو نشف مع التلاميد
رجليه رشاووا بالوقوف
والحساسية مانحكيش مع الطباشير
3ملايين
زكارة في الشعب الغبي

واش هاد الخالوطات يا ناس ؟؟؟؟؟؟؟؟

البالون ........ الخدمة........الزواج .......الطلاق
خلصات.......سياسات.....تسييرات
كلش مخلط
الى اين؟؟؟؟؟؟؟؟؟

واش رايكم فيما يحصل؟؟؟؟؟؟؟
كاش وصفات تاع تخلاط؟؟؟؟؟؟
زيدونا على الاقل الهم فوق الهم يريح على مولاه

الحديد بالحديد يفلح

ههههههههههه
مجتمع هزلي
به اروع سيناريوهات الافلام الخيالية!!!
افلام لا تجتمع والمنطق من اي ناحية
اخد زعماؤها اروع تسيير مسرحية
والشعب البهلول
خدا جائزة افضل ممثل دور ضحية

فيق يا شعب بلادي!!!!!!
الى اين ؟؟؟؟؟؟؟؟؟
بلع فمك وحل عينيك

تنجم تعمل
تنجم تدير
فيييييييق!!!!!!

ماعنديش كيفاه نزيد
ارجوا مشاهد جديدة
هادو الحلقات اللي تفرجتهم انا من مسرحية مجتمعنا اليو
وعلابالي راطيت بزااااااااااااااف حلقات

كاش ماتحكيووا!!!!!!

سلااااااااااااااام

سمية .ب · 2010-03-20, 20:27

و عليكم السلام و رحمة الله و بركاته
هذي هي لبنى يلي نعرفوها
و راهي جابتنا خالوطا في خالوطتين.......واقعنا المعاش
يعطيك الصحة لبنى .....ههههه وحدك

سفيان · 2010-03-20, 20:28

والله غير خلطتيني اختي لبنى . . .

*ألخيال* · 2010-03-20, 20:33

موضوع رائع

راكي حكيتيلنا على كلش

بصح هاذا هو الواقع

سلااااااااااااااااااااااااااااااام

حنان35 · 2010-03-20, 20:38

والله غير صح حنا رجعنا خالوطة

ل..ب..ن..ى · 2010-03-20, 20:39

اهلا بيكم اخواني

بصح راني قلتلكم

المجتمع الواقعي حلقات كثيييييييرة

وانا راطيت حلقات كثر

ان شاء الله نسمع احداثها من عندكم

ومعا نفيقو الشعب
اللي حال فمو
ومازالو يصفق للحكام

منين يفتيووا!!!!!!

شكرا
مروركم نور الصفحة

سلاااااااااااااام

khadidjahouria · 2010-03-20, 20:40

صحيح هذا ما يعيشه المجتمع... ربي يجب الخير

ل..ب..ن..ى · 2010-03-20, 20:48

اللهم امين اختي

شكرا لمروركم

نورتم الصفحة

بصح اود تفاعلا

ياالله انا راطيت حلقات من المجتمع

احكولنا واش تفرجتو

من مسرحية : تبهدايل في المجتمع

حبيت نسمع ونتفرج
باش نعرف كيفاش نفيق!!!!!!!!

سلاااااااااااااااام

roy najma · 2010-03-20, 20:50

السلام و عليكم و رحمة الله و بركاته
هذي هي لبنى لي ما يعرفهاش يخبرني و أنا نقولو أنا نعرفها بصح هي ما تعرفنيش بصح ماعليش
هههههههههههههههههههه
و راهي جابتنا خالوطا في خالوطتين......على بالك راك خلطتيني كامل ما عرفتش منين نبدى واقعنا المعاش
يعطيك الصحة يا لبنى .....ههههه
وحدك ما كانش كيفك
ودروك يقل وليد العايلة يما رني حاب نتزوج
تقولو يماه و باباه و منين راح تصرف العرس يا محاينك
يرد عليها راح نديها خدامة و تعاوني
ماشي خالوطا في خالوطتين

•~ندية الجوري~• · 2010-03-20, 21:30

السلامـ عليكمـ....
خلطتيها حتى دوختيناااااا
حلقة من المجتمع...
حاج ضارب فيها كاش 4 و لا 5 حجات ... و سارق العين ...
تاع الماء
باش ما يخلصش الفواتير ...
يشرب ماء مسروق و يتوضا بيه و يروح يصلي في الجامع
هادي ماشي خالوطة

افنان القران · 2010-03-20, 21:38

هذا واقعنا حبينا ولا كرهنا ههههههههههههه

خالوطة والله ما عرفت روحي وين رحت تقول شي درت على المجتمع كامل هههههههههههه

واقع طرافة لاغير

شكرا جزيلا اخيتي
دمتي متميزة

المجهـول · 2010-03-20, 22:20

الســــــــــــــلام عليكم ورحمة الله وبركاته

واقعنا واقع مــــــــــــــر

الشباب ضـــــــــــــايع غير زطلة ودواوة

التلاميــــــــــــد غير جياحة وتبياش ومعاكسات أمام المؤسسات التربوية اللي ولات تاع جياحة

الأسرة في هدا الوقت مشتتة كل واحد حاب يعيش حياتوا...............ولاواحد قادر يتحمل المسؤولية

وزيد وزيد..........................ربي يلطف برك

نينا الجزائرية · 2010-03-20, 22:33

سكرا علي موضوعك خلوط في خلوطة

و.وحيد · 2010-03-20, 22:34

السلام عليكمد

كل عطلة فيها خير ...شعب العطل

سلام

ل..ب..ن..ى · 2010-03-21, 10:24

اقتباس:

المشاركة الأصلية كتبت بواسطة roy najma

السلام و عليكم و رحمة الله و بركاته
هذي هي لبنى لي ما يعرفهاش يخبرني و أنا نقولو أنا نعرفها بصح هي ما تعرفنيش بصح ماعليش
هههههههههههههههههههه
و راهي جابتنا خالوطا في خالوطتين......على بالك راك خلطتيني كامل ما عرفتش منين نبدى واقعنا المعاش
يعطيك الصحة يا لبنى .....ههههه
وحدك ما كانش كيفك
ودروك يقل وليد العايلة يما رني حاب نتزوج
تقولو يماه و باباه و منين راح تصرف العرس يا محاينك
يرد عليها راح نديها خدامة و تعاوني
ماشي خالوطا في خالوطتين

ههههههههه
يديها معلمة في حي السلام
ههههههههه
مازال ماوصلاتكش معلمة في حي السلام!!!!

ايه والله صح
وليد خالي كبير حاب يتزوج
شفتو يدور بواحد الليسي هاد ليامات
الله يسلكها على خير
ههههههههه

تعيشي اختي

اقتباس:

المشاركة الأصلية كتبت بواسطة تـــرااانـــيـــمــ

السلامـ عليكمـ....
خلطتيها حتى دوختيناااااا
حلقة من المجتمع...
حاج ضارب فيها كاش 4 و لا 5 حجات ... و سارق العين ...
تاع الماء
باش ما يخلصش الفواتير ...
يشرب ماء مسروق و يتوضا بيه و يروح يصلي في الجامع
هادي ماشي خالوطة

ايه صح وفاء
هادي كثر من خالوطة
راهي خالوطتين

شكرا على الحلقة الجديدة
في مسرحية
مجتمع التبهدايل!!!!

سلااااااااااام

اقتباس:

المشاركة الأصلية كتبت بواسطة اسماء قطر الندى

هذا واقعنا حبينا ولا كرهنا ههههههههههههه

خالوطة والله ما عرفت روحي وين رحت تقول شي درت على المجتمع كامل هههههههههههه

واقع طرافة لاغير

شكرا جزيلا اخيتي
دمتي متميزة

اهلا اسماء تعيشي اختي
ويعيش مجتمعنا!!!!!
ههههههه

اهلا بك نورتي

سلااااااااااااااااام