مشكلة خطبة

[مشكلتي]

السلام عليكم.
بداية انا شاب في 30من العمر في مسيرة للبحث عن زوجة أكمل معها ما بقي من حياتي.
من مدة شفت فتاة محترمة نتصادفبيها في الشارع .أهلها معروفين بالسمعة الطيبة. ا لمهم احد أقاربها نصح اسألها فبل التقدم لها ربما هي مخطوبة.
الطفلة هذي تخدم.مالقيت اي واسطة.واحد النهار رحت للمكان اللي تعمل فيه و سألتها مباشرة ...قلت ليها بلي باغي نتقدم ليها اذا ما كانش مانع .قالتلي بلي ماهيش مخطوبة. لكن ظروف العمل ما سمحت باكمال الحديث .
ما لقيتش كي نكمل معاها الكلام.لا في الخدمة ولا الشارع ما لقيتش فرصة.حتى نجنبها هدرت الشارع ولا العمل
فاتت هادي 15يوم
لكن هذي يومين اقترح علي صديق في الخدمة ابنت احد معارفه.و طلب مني باش نحدد معاه موعد للرؤية الشرعية . و عند ما سألت عن هذه الفتاة وعائلتها ظهر أنهم محترمون و معروفون .

اخوتي بالله عليكم هل نكمل مع السيد و الا لازم نكمل اولا مع الطفلة الاولى اللي ما عطاتني حتى جواب

والسلام عليكم

[dalal 28]

اجل كلامك مع السيد حتى تفهم من الطفلة واسال مليح عليها وربي يكملك على خير

[7anine 87]

خويا مادام هدرتى ماطفلة كمل معاها سقسي عليها وتلاقى بوالدها ولا خوها ودريو جلسة رؤية لما سهل ربي خلاص لا ماسهلش روح لطريق صحيبك مى مادامك هدرتى معاها ماتخلايهاش هك تبني احلام فى الباطل وربي يكمل ويهنى

[ايمان نور الجزائر]

لابد تروح للبنت الاولى وتطلب رأيها باش تفري الحالة
ماشي واحدة معلقة ونتا رايح تدير رؤية شرعية يجب انهاء اعمالك الغير منتهية
باش ربي يباركلك وما تكونش تمسخرت ببنت الناس
دير النية واتكل على ربي وامشي بالحق

[sara 97]

الاحسن ان ترجع للفتاة الاولى وتعلم بموافقتها اولا وتوكل على الله

[منير265]

الفتاة الاولى .......... أضم رأيي لرأي البقية

[مناد بوفلجة]

السلام عليكم

الشيء الذي إستغربت منه هو قولك بالنسبة للفتاة الأولى :
أنك لم تجد وسيلة للإتصال بها و سؤالها و معرفة رأيها ، مع أنك شاهدتها

بينما للفتاة الثانية :
أنك لم تشاهدها و أنت تريد مباشرة معرفة رأيها عن طريق الرؤية الشرعية

أنت أصلا تتناقض مع نفسك

كان بإمكانك بكل بسطة الإتصال بأهل الفتاة الأولى للرؤية الشرعية و معرفة رأيهم
أم أنك نسيت هذه الطريقة في الحالة الأولى بينما تذكرتها في الحالة الثانية !!!

[الملتزمة بالدين]

السلام عليكم

يا أخي ألأجدر بك أن تطلب الرؤية الشرعية مع الفتاة الاولى بعدما عرفت أنها غير مخطوبة

موفق

[momo09]

لابد تروح للبنت الاولى وتطلب رأيها باش تفري الحالة
ماشي واحدة معلقة ونتا رايح تدير رؤية شرعية يجب انهاء اعمالك الغير منتهية
باش ربي يباركلك وما تكونش تمسخرت ببنت الناس
دير النية واتكل على ربي وامشي بالحق

[tebci]

اعمل صلاة استخاااااااره اخي فهي التي سيحدّدها القدر من الله تعالى لك

ومن جهة أخرى أنت عرفت أنّ الاولى تعمل ولم تسأل أستتوقّف عن العمل اذا تزوّجتها أم لا .. ومن ناحية أخرى أعجبتك الأولى بعد رؤيتها مرارا وتكرارا .. فلماذا لم تبعث أمّك أو اخواتك لكي يحدّثوها مباشرة ويأتين بكل التفاصيل .. ثم تقوم انت بالباقي مع اخوتها وابوها

وانت لا تعرف اصلا الثانيه ولا تعلم هل تعجبك أم لا ..

في رأيي تعمل صلاة استخاره ومن ثم تبعث أمّك للأولى وتتعرّف على التفاصيل ومن خلالها سيتم ان شاء الله على ما يُيسّره لك الله سبحانه وتعالى


واذا لقدّر الله لم يصرا المكتوب مع الأولى فابدأ مشروعك مع الثانيه .. وربّي يسهّلك خويا العزيز

[حوت العنبر]

مادام الطفلة الاولى ماعطاتكش جواب فهي ماحاباش تتزوج وتتمسخر ولا عندها لي تخمم فيه والله اعلم زيد سقسيها للمرة الاخيرة مادامها عجبتك وقولها تعطيك جواب نهائي
قوللها لكان تقبل نبعث امي لداركم هدا الاسبوع ولكان ماعطاتكش جواب او توقت وتتمسخر روح للطفلة الثانية بدون تردد

[سجل أنا جزائري]

مادا راك تعرف أقارب فتاة الأولى و عرفت أنها غير مخطوبة

عاود ولي ليه و قولو هو يوصل الكلام الأهلها و ليها باش دير الرؤية الشسرعية و اذا قبلو في هذا وقت اك تقدر تسقسي على جواب الفتاة مام هي تكون خممت و عندها ديجا نظرة عليك اذا سهل ربي اللهم بارك و الا شوف الفتاة الأخرى
المهم قبل ما تخطو أي خطو صلي الاستخارة و ربي يسهلك ان شاء الله

[سميكة]

أنت عرفت أن الاولى ماشي مخطوبة و عايلتها ناس ملاح أو هذا هو الصح.....دوك أتقدم للخطوة الثانية أو روح للخطبة الرسمية باش تتفاهموا على الباقي............ولا تفاهمتوا دير صلاة الاستخارة ........إلا كان فيها خير ربي يكمل و لا فيها شر ربي يبعد أو يكتبلك خير منها............و بالتوفيق إن شاء الله

[الفاتحة]

رأيي الشخصي : الشرع لم يقل تكلم مع فتاة اجنبية واسألها إن كانت مخطوبة ام لا، الشرع بين لنا طريق الرؤية الشرعية وفي حضور أحد محارمها، بمعنى البداية الصحيحة مع الثانية وحاول أن لا يشوب أمر زواجك أية شائبة ،تحسبونه هينا وهو عند الله عظيم ، ولعل الموضوع الثاني طرح عليك حتى يغلق الباب الاول، بادر برؤية الثانية التي لم تكلمها ولو بحرف في الحرام ....والله أعلم ، أسأل الله الكريم أن يرزقك وكل شباب المسلمين الزوجة الصالحة.