شبح البكالويا

[مشكلتي]

السلام عليكم

انا طالية من المقلبين على بكالوريا 2014 لهذه السنة

صراحة بديت نحضر من الصيف و الحمد لله طول العام وانا نجتهد و بذلت كل جهدي و تعبببت حتى تخليت على صحتي يعني الدراسة عطيتها كل الأولوية و كنت على ثقة تامة اني نربح ان شاء الله و ماكنتش نطمح من اجل الربح فقط كنت نطمح من أجل معدل جيد حتى استطيع ادرس ماكنت اتمنى

لكن ، بعدما اجتزت الامتحان فقدت الأمل ، العلوووم ماخدمتش فيها خلالاص و هي الاساسية في شعبة علوم تجريبية عليها المعامل 6 و حتى الرياضيات و الفيزياء ماخدمتش مليح و الله انصدمت برووحي بالرغم طووول العام و انا نقرى غير هذوا المواد و في الأخير تقوول ماقريت ماولوا !!!!!!!مع ان المواد الأدبية خدمت فيها شوي لكن خاااااااااااايفة
و بعد ما كنت نطمح بمعدل جيد انا اتمنى النجاااااح و خائفة جدا من الرسووب ، من أجل أمي و أبي فقط خطرش حسيتهم تعبوا كتتر مني
قوليلي وااااااش نديير

والله عييت من التفكير

[bouchra hakerz]

شوفي انا كو ما عاودتش الاولى ثانوي كون راني هاذ العام نجوز الباك كنت مجتهدة مي ذاك العام راح من يدي بلا مجبت لخبر و الحمد لله العام الجاي نجوز الباك و ربي يعوض انت انا شخصيا متفائلة ليك حنونة تعياي دايرتلنل موضوع و تقولي باركولي جبت البااااااك متقلقيش روحك و كل شيئ بالمكتوب و هاذي حالة نفسية كل واحد يمر بيها كي يكون يمتحن نسال ربي العالمين انه يوفقك و يوفق كل واحد و وحدة يستاهلو يجيبو الباااااااااااااااك

[ام قصي04]

ربي ينجحك فترة صعيبة بزاااااااااااااااااااااااااااااف حاولي متخميش ومتعمرش راسك اذا جا جا مجاش العام الجاي ان شاء الله اختي في عامها تع الباك تعبت لدرجة متصوريهاش وحنا نقولو كون غير تنجح لكشما يصرالها نهار خرجت لاليست مداتش وعاودت بكل اصرار والعام لي فات دات وعادت تقلنا ماحسيتش بالعام كيفاه فات عليا انتي ان شاء الله تدي ولحاجة لكتبهالك ربي راح توصلك

[لؤلؤة الرحمان]

حنونتي ماتخافي ماوالو انا العام فوت فيه الباك كنت شعبة اداب وفلسفة وهلكتها بصراحة في الفلسفة خرجت نندب وقلت نحبس مانكملش

غير رحمة ربي الي خلتني نكمل الاجتماعيات والفرنسية وفقدت الامل خلاص

والحمدلله نجحت هداك العام والفلسفة جبت فيها 12 .................غير توكلي على ربي وماتخميش حنونتي كل شئ عند ربي وربي يفرحك

وينجحك حبيبة .

[haytoo82]

نتمنى انك تجيبيه وتفرحي والديكلكن الاعادة تاع الباك مايها حتى مشكل ربما تجيبيه العام الجاي بمعدل احسن وتروحي تخصص مليح تعاني عام خير من تجيبيه ب10 وتقراي تخصص مش مليح ومنها ما تلقايش خدمتك انا صحيح نقولهالك المعدل يلعب دور كبير انا اختي جابتو 13.58 وتحوس مدرسة عليا ويدخلها معدلهاوما عطاوهالهاش راحت غير ليسانس انجليزي[ومش مقتنعة بيها خلاصتمنيناها تقعد في دار وتجيبو سنة ب15 احسن لها وما حبتش
ربي يجيبلك الي فيها الخير وانا تاني قدامك العام لول ما جبتوش الزاوج جبتو بمعدل هايلi][/i]

[امال مارية]

ريي يوفقك اختي ما تخميش وروحي ارتاحي انت اجتهدتي وصحتك اولى حبيبتي

[mimita23]

انا تانة اختي راني كيفك عقبت العام هدا وماخدمتش في نفس المواد تيعك وراني نخمم ان شاء الله ربي يخرجنا على خير

[الجزائرية 2010]

ماعندك علاه تيأسي
شوفي انا ماقريتش هاد العام
صح بسبة ظرف صراتلي

لكن عندي شوية امل مالقري ماقريتش كامل مي متاملة شوية
وعندي قناعة بلي في الاعادة افادة
والفشل ماراهوش سبة في انو خلاص نفشلو
بالعكس الفشل هو نقطة باش نستعيدو ثقتنا من جديد
وحتى لو عاودتي بعيد الشر عليك

هذا ما يعنيش انك فاشلة
لا بالعكس حتى لو عاودتي
هذا معناه لازمك تراجعي شوية معلوماتك وشوية اجتهاد وتديه بربي نشالله
بالتوفيق

[حميد.ص]

لا تستبقي الامور

فيها خير ان شاء الله

[Crazy Gorlito]

لي راكي تهدري فيه راه صاريلي خخخ
ربي ينجحنا أختي
تولكلي على ربي و خلاص

[مـــاهـــر]

ادعي برك 1990

[no name rix]

الدعاء والدعاء وان شاء الله النجاح في الباك

[سماح 2]

كلنــــــــــــا على اعصابنا من الباك ربيي يجيب الي فيـــــــــــه الخير يا ربي وفقنــــــــــــــــــــــــــا

[منير265]

أكيييييييييييييد فيها خير و أي شيء يكتبو ربي إلا و به خير كبير و ما تخافيش جيبييييه و مازالك صغيرة و المشوار طوييييييل أمامك

[مناد بوفلجة]

تستطيعين إعادته السنة المقبلة

أحيانا كثيرة يكون الفشل هو بداية و أول لبنة نحو النجاح