عاونوني

[hadjerjouja]

السلام عليكم راني في حيرة من امري وحابة ندي مشورتكم في هذا الموضوع:
عندي سمانتين ملي جاني واحد خطبني وفي الحقيقة هوا انسان ما يخصو والو نعرفو من قبل انسان ما شاء الله عليه بصح عندي مشكلة معاه وهوا انو هذا العام باش يتخرج ماستر وما يخدمش بصح قالي راني داير جهدي باش نلفى الخدمة وزيد هوا يسكن في ولاية بعيدة علينا وقالي نروحو نسكن ثم قلت معليش ومن بين الشروط نتاعو اني ما نخدمش قلت معليش وزاد دار شرط اخر وهوا اني ما نخرجش للسوق لا معاه لا مع غيرو وما نخرجش من الدار غير معاه حتى مع امو مكانش ولي زاد غمني انو قالي ديري عجار وديري ليقون (قفازات) وانا في الحقيقة مانيش مقتنعة بيهم اصلا وكي قتلو اقنعني قالي انا نغير على مرتي بزااااااااااااااااااف وما نحبش واحد اخر يشوفها من غيري والله راني حاصلة راني غير نخمم مش حابة نفرط فيه على خاطر على حساب واش راني نشوف فيه لقيتو انسان يبغيني بزاف ومش حاب يفرط فيا وقالي غير هذا الشرط لي ما نقدرش نتنازل عليه ردولي الربي وحاولو تقنعوني

[sali-sali]

السلام عليكم
ممكن ردي ماراحش يعجب الاغلبية
لكن راي وانا حرة فيه

وانا مثلك تماما خطبني واحد و شرط عليا بزاف امور من بيناتهم النقاب .. لكن رفضت وكما هوحر في فرض شروطوانا حرة في الرفض و القبول

اذا انتي مقتانعة بيه و شايفة روحك تقبلي شروطو.. خممي مليح خاصة راهوعاجبك
ما قادراش .. ماتكسريش راسك وماتخميش بزاف ارفضي
اختاري الحل لي يناسبك انتي و يريحك

[حميد.ص]

اختي الكريمة نعطيك نصيحة

اذا كان هاذ الانسان رجل باتم معنى الكلمة و قلبو طيب تقدري توافقي على شروطو مبدايا ثم من بعد الزواج تتغير الامور


بالتوفيق ان شاء الله

[مواطنة جزائرية]

عليك بالأستخارة

و القرار اللي راحةتتخذيه لازم يكون عن قناعة يعني اذا قبلتيه مع شروطو مالازمش مرة أخرى تغيري رايك و تحتجي و تقولي خنقتني كيما رانا نسمع دك فكري جيدا و في مدى قدرتك على تحمل شروطه هو ماطلبش المستحيل وراه حقو يشرط و أنت ثاني شوفي اللي يخرج عليك

معجبتنيش كلمة أقنعوني يا أختي نقلك واحد ماراح يكون مكانك يعني لازم تقتنعي وحدك

و أوصيك بالاستخارة و ربي يهميك

[مواطنة جزائرية]

المشاركة الأصلية كتبت بواسطة حميد.ص

اختي الكريمة نعطيك نصيحة

اذا كان هاذ الانسان رجل باتم معنى الكلمة و قلبو طيب تقدري توافقي على شروطو مبدايا ثم من بعد الزواج تتغير الامور


بالتوفيق ان شاء الله

صعيب الراجل يغير رأيو بعد الزواج خصوصا في أمور كهذه

لذلك لا أتفق معك في الرأي فيجب الإقتناع أو العدول

تقبل احترامي

[رثاآء]

مازال ما اقتنعتيش؟
كيفاش فهميني شا اللي ما قنعكش ؟؟
لا حول ولا قوة إلا بالله
السيد راه باغي يسترك حمدي ربي قالك ستري روحك وما قلعلكش الحجاب وعرّاك ومن بعد يقولك نبغي مرتي تلبس!!
شانقولك في الاخير إيلا ما قتنعتيش بيه بطلي وقارعي وحد آخر اللي يجيك على قوسطوك

[alilho]

سبحان الله



تقولين انه انسان ما شاء الله فماذا تريدين أكتر من هذا

لو انه لدي أخت فسأعطيها لهذا الشاب وعيني مغمضتان فنعم الرجل هو والله وقليل امتاله في هذا الزمن

فهو لا يريدك عاملة تخالطين الرجال فهو يغار عليك

تم قضية الخروج من البيت فهو لا يريذك خراجة ولاجة

تم عن الحجاب والقفاز فهو فقط يطالبك بان تتمسكي بما امرك به الله وهو الجلباب

صدقيني هذا الشاب ستعيشين معه حياة رائعة باذن الله ان كنت صادقة فيما تقولين

لانه ببساطة يحبك بجنون ويريدك له فقط ومادام انه يغار عليك لاى هذا الحد فانه لن يفرط فيك

فكيف يفرط الانسان بشيء يريده له فقط

[أميرة نفسي]

هذه شروط واقعية

فمن يرضى بان تكون زوجته من النوع الذي يخرج ويدخل في كل وقت وكل حين

تم العجار والقفاز فهو يغار وغيرته محمودة

صلي صلاة استخارة وتوكلي على الله وفوضي امرك الى الله

ولا تسمعي لكلام الناس الامر يهمك انت وحدك لانك انت من ستعيشين معه ما تبقى من عمرك

[hadjerjouja]

بارك الله فيكم والله محتاجة نصائحكم لاني والله والله راني حايرة

[mouna08]

choufi okhti ila lkhadma hadi denya matedri wech ykounimaginé srawlek machakel la kader rabi ray7a tgouli ya ndamti

[مريم الصابرة]

السلام عليكم اختي
بكل صراحة لو انا مكاننك نقبل فكري فيها في كل الجوانب اولا المرا قبل وبعد الزواج امر مختلف إنك عزباء وتروحي للسوق او لا هناك راكي في حكم اهلك هم احرار يخلوك تروحي او لا اما زوجتو هو حر يخليها او لا ومعاه او لا انا نشوف فيه راجل نتاع الصح الناس ما ترحمش اي نعم الزمن تغير وعادات اهلينا راحت لكن الحمد لله راه كاين راجل يفكر تفكير آبائنا هل من قبل كانو امهاتنا يروحو للسوق كيما راهم الآن وعلاه إنت غمك طلبو انا نشوف فيه منطقي وعندو الحق معاه او مع يماه الناس كلها تحكي فالمرا اللي تروح للسوق هذي صراحة ممكن شروطو فالزمن هذا هي غريبة لكنها واقعية وكان لازم يكونو كل الرجال هكذا
القفازات كثيرات متزوجات متجلببات ويديرو قفازات ونقاب وحتى ستار ما يبان منهم والو وفرحانات وعايشين روعة مع ازواجهم
اختي إنت ربي بعثلك رجل بمعنى الكلمة اخطيك من اللي يطلقلك الحبل وغدوة يولي محاسب قدام ربي
فكري في قيمتك قدام الناس لما يحجبك زوجك ويخبيك عليهم خمي فقيمتك مع ربي لما تستري كل جسمك الاكيد هذا يحبك ويحبلك الخير
والاكيد إنت حرة شكرا

[hadjerjouja]

بارك الله فيك اخت مريم الصابرة

[little smile]

أوصيك بالاستخارة و ربي يهنيك

[hadjerjouja]

والله غير درت استخارة بصح ما بانلي والو مرسي اختي ربي يخليك

[مـــاهـــر]

شووفي واش يخرج عليك ..المشكلة نتاعك حسب مافهمت في العجار والقفاز اذا راكي مقتنعة بيه الحمد لله
والا العكس متكونش علاه لانو الشخص كي يدير حاجة عن قناعة لاعن اكرااه
ربي يجيبلك الخير