مطلوع بطريقة جديدة ومستحيل مايخرجلكش ايهبل ايهبل

محبة الكتاب · 2016-06-26, 10:40

السلام عليكم لبنات هذي وصفة بطريقة جديدة انتاع المطلوع راهو فعلا روووعة رووعة جربوه وماتندموش
3 كيسان حليب دافئ( ايه ايه حليب ديروها وتشوفوا )+نص كاس زيت +3 مغارف ماكلة خميرة خبز + كيس خميرة حلويات + مغرف سكر + ملح وديري بعدها خليط متساوي من فرينة ودقيق عادي وضيفي بالشوي للخليط حتان اتكون عندك عجينة تكون متلاصقة شوي (شوي برك) في ايدك خليها تتخمر ولما يتضاعف خجمها و راكي تلقيها اخلاص ماعادتش تتلاصق وحكمت روحها اعجني بالتقطاع (هذا السر اللي قالولي اعليه في المطلوع باش ايكون مليح يعني انتي تعجني وكل شوي تقطعي فيه ) وكملي طريقة المطلوع عادي قرصيها وخليها تعاود تثور وطيبيها في الطاجين عادي وماتكبروش الحبة كي تكون متوسطة راهي تجي ابن واخف وكيتطيب لفوها مليح في منديل كتان كبير وامبعد في صاشي تبقى سخونة وطرية صحة فطوركم