شئ عجب

مشكلتي · 2013-07-31, 17:30

السلام عليكم خوتي وصحا رمضانكم
حسيت بلي قلبي راح يتفلق علبالي بلي الشكوى لغير الله مذلة لكن الله غالب حاسة بلي لااني حانة نخرج وش في قلبي لاني ملقيتش لمن نحكي ما عندي صحبة نحكيلها لا اخت قريبة نحكيلها المهم انا الحمد لله انسانة ملتازمة ومرانيش راح نبدى نشكر في روحي المهم طول حياتي وانا نقرى من الدار للدراسة فقط لا اكثر ولا اقل والحمد لله متفوقة وحتى البكالوريا نتاعي الحمد لله ديتها بمعدل مليح ومام فالجامعة الحمد لله لكن كاين واحد الشاب ساكن فنفس الحي لي عايشة فيه الله يبارك انسان محترم وولد فاميليا ديما يبقا يشوف فيا وانا من نظراتو الله غالب حبيتو من كل قلبي لكن مخبرت حتى حد والحق هو عمرو ما حاول يزعجني كل لي يقوم بيه انو يبقى يشوف فيا بنظرات عندها مغزى ومرت سنة على هاد الحال وانا كل الوقت نفكر فيه رجعت كي المجنونة ونحس ساعات انو هو تاني يبادلني نفس الشعور
قولولي واش رايكم في هاد الشئ
وكيفاه ندير باش ننساه

ملاحظة
القلب وما يهوى الله غالب ومكانش حد ممرش بشئ كيما هاك

imene12 · 2013-07-31, 18:13

يرمقك بنظراته حتى تقعي في شباكه ... و ينتظر حتى تعطيه إشارة فيبدأ بإفتراسك
حـــــــذاري

kaderkader1541 · 2013-07-31, 18:25

سنة و هو يرمق فيك
و انت سنة تشوفي فيه يرمق فيك
و سقطت في حبه ...ما أرهفك ...حساسة جدا
شيئ عجب العجاب
في سنة لم يعرف باب بيتكم ؟؟
في سنة لم تحركي فيه ساكنا حتى يقصد أباك لطلب يدك
!!!!!

~~مشطوب~~ · 2013-07-31, 18:29

كما قال القرضاوي في كتابه عن الحلال

والحرام

الحب الحلال حلال والحب الحرام حرام

leila ben · 2013-07-31, 18:32

كي تكوني تمشي تشوفي الكثير من المعجبين بصح لازم تديري في بالك أن هناك نظرات تريدي النيل منك ونظرات من أجل الظفر بك وهذا نادرا مايكون وبما أنكم في عام نقلك عين الشاري تجي حمرى واللي يحب الحلال يبدى بالحلال متعمريش راسك بيه إذا ناويك يجي لداركم

بسمة تحدي · 2013-07-31, 18:43

يا اختي اكيد الواحد ميقدرش يحكم في قلبو بصح لازم تتحكمي في روحك

خلي عند قيمة وكرااامة عندكي يلعب بيك الشيطان ويغرك غضي بصرك قدر المستطاع ومتعقبيش وين كاين هذا السيد

وين تشوفيه بدلي الطريق .. الشيطان واعر والله متعرفيش قع كيفاش يزينهالك

عندكي تضعف نفسك عندكي عندكي يا اخي راكي في فتنة وربي حب يبتليك بش يشوف مدى صبرك

انتي اكثري من الدعاء اذا فيه الخير ربي يقدمو واذا مفيش ربي يبعدو

اصبري اصبري اصبري اصبري وربي يجزيك على صبرك

abdelhamid24 · 2013-07-31, 18:44

نظرات عندها مغزى.........
هذا توقع باعجاب أو حب او........... .
يبقى كما هو عليه. اذا كان يحب لحلال يجي يدخل من الباب
النجمة حجرة في السما الكل يشوفو فيها ماشي غير واحد. بصح لوكان تطيح على الارض الكل يدوس عليها.
اختاري ان تكوني في السماء او الارض
الله يستر على الجميع

diyaa.alcamare · 2013-07-31, 18:54

انا فهمتك ............و اعلم تماما ما تحسينه و ما تعانينه .........عذاب...تانيب ضمير لا يحتمل......لا تضعفي...تاكدي دوما انك قوية و قوتك ليس لها حدود فقط اذا اردت ذلك.........لا تنظري اليه .......هذا دواء اولي...........اذا تجنبته........سترتاحين كثيرا......كل ما عليك هو ان تملئي اوقات فراغك ...لا ن ما يقتلنا و يجعلنا نضيع هو الفراغ...........اما الان و قد عرفت ان الفراغ عو غدوك فانت ادرى بكيفية مواحهنه...اتمنى ان اكون قد افدتك

~~(الانسان الوفي)~~ · 2013-07-31, 19:15

السلام عليكم ...أولا اختي نحن لم نعرف هل هو عامل يستطيع فتح بيت وما سنه ...طبعا أكيد ان كنت تعرفين عائلته وتعرفين أخلاقه فربما تعذرينه وتقولين في بالك أنه يريد التقدم لك والزواج ...أما ان كان بعيد كل البعد عن الزواج فهذا أكيد يريد النظر فقط ليرى الجمال مثله مثل اي انسان يرى لزهرة متفتحة فيأسره جمالها ورائحتها العطرة ...شكرا

naamane3 · 2013-07-31, 22:54

بارك الله فيك على صبرك وتحملك وأضيفي لهما الاحتساب
بعني احتساب الأجر على الصبر ومجاهدة النفس عن المعصية
واحسنت صنعا عندما لم تخبريه ولم تنجري معه في هذه القصة
اذا اردت ان يكون حلالك فاستخيري الله وادعيه بذلك
واما اذا اردت ان تنسيه فعليك بالدعاء اولا ثم تغيير نقاط الالتقاء به
ثم محاولة نسيانه كما يلي كلما يأتي في بالك غيري الموضوع وبسرعة
اما بالاستغفار او بالتهليل او بقول لا حول ولا قوة الا بالله
ومن الاحسن قول لا اله الا الله لانها تنعش القلوب
والله المستعان

moha75 · 2013-07-31, 23:10

اقتباس:

المشاركة الأصلية كتبت بواسطة بسمة تحدي

يا اختي اكيد الواحد ميقدرش يحكم في قلبو بصح لازم تتحكمي في روحك

خلي عند قيمة وكرااامة عندكي يلعب بيك الشيطان ويغرك غضي بصرك قدر المستطاع ومتعقبيش وين كاين هذا السيد

وين تشوفيه بدلي الطريق .. الشيطان واعر والله متعرفيش قع كيفاش يزينهالك

عندكي تضعف نفسك عندكي عندكي يا اخي راكي في فتنة وربي حب يبتليك بش يشوف مدى صبرك

انتي اكثري من الدعاء اذا فيه الخير ربي يقدمو واذا مفيش ربي يبعدو

اصبري اصبري اصبري اصبري وربي يجزيك على صبرك

نعم الراي والنصيحة،

kmilya · 2013-08-01, 01:22

حبي كيما بغيتي مي حكمي عقلك ماتنجارفيش وراء مشاعرك اتفكري دايما بلي ربي يشوف فيك وعالم بيك لي كان فيه الخير يقدموا ربي
صدقيني كان كان مكتوبك تديه وكان ماشي مكتوبك والله تهبط سماء على الارض متشوفيه
وكلي على ربي وصلي بزااااااف الصلاة تصبر الناس وربي ان شاء الله يفتحها عليك وينوايلك لي في قلببببك اميييييييين

hakeem · 2013-08-01, 02:52

القلب يتحكم فيه العقل و يروضه أما إذا طغى و استعلى على العقل فوداعا يا فتاة
راهو يشوف فيك و حلك انك تهبطي راسك و تنسايه و تذكري ان والدك الذي يضحي من اجلك داير فيك ثقة فلا تخونيها

أسير الطموح · 2013-08-01, 02:53

اقتباس:

المشاركة الأصلية كتبت بواسطة imene12

يرمقك بنظراته حتى تقعي في شباكه ... و ينتظر حتى تعطيه إشارة فيبدأ بإفتراسك
حـــــــذاري

ههههههههههههههههههههههههه اعجبني ردك ' بافتراسك ' هههههههههههههههههههههههه شكرا

ربي يوفقك ان شاء الله

hakeem · 2013-08-01, 03:02

كون كل وحدة يشوف فيها واحد ترتمي في أحضانه كون رانا ............

حتى الذئب ينظر للغزالة طويلا قبل إفتراسها