هلل من حل ؟

[مشكلتي]

السلام عليكم و رحمة الله تعالى و بركاته

انا فتاة في العشرينات من العمر، نكره نفسي بزاف و نحس روحي حقيرة

مشكلتي الاولى انو في الماضي كنت مع علاقة مع واحد و الثانية مشاهدة المحرمات في النت

المسكلة الاولى الحمد لله تحلت و قطعت هديك العلاقة من 2 سنتين و عاهدت نفسي اني منزيد تخرج مع حتى واحد

و الحمد لله راني في الجامعة و مازلت متمسكة يهاد الشي اللي يجي يقولي خرجي معايا نصده ، و نقول بلي اللي يحبني

كاينة دار اهلي لكن مع كل هاد الشي مزال ضميري يانب في و كي نتفكر و لا كي نشوف واجدة برا مع واحد نحشم على روحي

و نبغي نبكي ، و مشكلتي الثانية مزال متحلتش و ملقيت مندير كل ما نبعد على الحرام نرجعلوا عييت نبكي و نستغفر لكن بدون فايدة

الله يجازيكم قولولي واش ندير و الله غير ضياقت بي الدنيا و كرهت هاد الشي و كرهت حياتي

[حوت العنبر]

الانترنت ضيعت الناس ....

الصور الجنسية اصبحت في كل المواقع وحتى مواقع محترمة فيها لوحات اشهارية للعاريات وطبعا الفايسبوك واليوتيوب ايضا تظهر المقاطع والصور بشكل عشوائي والتلفزيون ايضا .
وطبعا مشاهدة تلك المقاطع والصور تفتح الشهوة لدى النساء والرجال ثم تبدا مرحلة التفكير بفعل دلك الشئ ثم مرحلة البحث عن شريك للممارسة معه ثم ايجاد الشريك ثم الممارسة
سواء الممارسة في الطبيعة او في النت او بالتلفون
ناهيك عن العادة السرية

الاحسن لك اقطعي خدمة النت من بيتكم وستتغير حالتك .. جربي وشوفي النتيجة
عند شهر رمضان بداي فيها بالتوبة ليغفر الله لك ماسبق من دنوب وغفر لنا وللجميع

[منير265]

ارقدي بكري و نوضي للفجر ......... و بعد الفجر اقراي القران ز اذا طار عليك النوم و جاااءت الخلوة و أفكار ابليس ... كاافحي نفسك اتوضاي و صلي ركعات قيام الليل .......... ان شاء الله ربي يرزقك ولد الحلال و تتهناي ... و كيما قال أخي قبلي ... شهر رمضان شهر التوبة و تجديد الايمان ... على الاقل ما تقدريش تشوفي المحرمات و ان شاء الله تكون محطة التغيير و تتخلاي على مشاهدة المحرمات للابد

[أميرة العلوم]

السلام

اذا راكي دايرة الميكرو في بيتك حوليه مثلا للصلالة يعني بلاصة تكون دائما فيها داركم

و لا مكان تتجمعو فيه و حاولي انك ما تقعديش محدك فيه و كل ما تحبي تدخلي لهاذي المواقع حطي كلمة القيااااااامة قدامك

تخيلي راكي امام ربي و هو يسألك فيك وعلااااااااه .................. واش راح تجاوبيه ؟؟؟؟؟



كثري من الصلاة و الاستغفار

و ربي قدر لي فيه الخير

[إكليل]

ربي يهدينا كامل .

الحمد لله أنك تخلصتي من مشكلة لكن بقيت مشكلة أخرى .

أعتقد انو مثلما قالت الأخت أن الجهاز يكون أمام الجميع هكذا تتخلصي من هذا المشكلة .و ما لازمش تكوني وحدك لأن الشيطان حينها سينفرد بك .مثلما قال رسولنا الكريم عليه أفضل الصلاة و أزكى التسليم.
قال الرسول صلى الله عليه و سلم (عليكم بالجماعة فإن الذئب لا يأكل من الغنم إلا القاصية)(رواه أبو داود وحسنه الألباني).
و واضبي على صلاتك و إخشعي فيها فالصلاة تنهى عن الفحشاء و المنكر .مع مداومة قراءة القرأن .على الجهاز https://www.tvquran.com/quranflash.htm

[لمسة L]

استغفري اختاه ، ربي يتوب عليك و يحفظك

[la perle rima]

اختي حاولي تقطعي النت اكيد مارايحاش تموتي بلا بيها و اهم حاجة كي تكوني ديري في المعصية تفكري انو ربي راه يشوف فيك و ملك الموت حداك تخيلي انك تموتي في لحظة كيما هاديك باش تقابلي ربي ؟؟ و تاني روحي للمستشفيات و شوفي المرضى مرضى السرطان الله يعافينا واكيد رايحة تحمدي ربي على واش عطاك الدنيا ماشي دايمة توبي لربي و استغفري مازال عندك الفرصة ومدام راكي نادمة فمزال عندك امل انك تبطلي هاد الشي ربي يهدينا و يهديك ان شاء الله

[naamane3]

شوفي يا بنت الناس اول حاجة تديريها انك تقطعي استماعك للغناء
لانه بريد الزنا كما قال احد السلف الصالح
وحطي بدل الغناء القرءان راح يعاونك بزاف
اما بخصوص مشاهدة الخلاعة
هل ترضين لأخوك او اختك او امك او ابوك
بمشاهدته اكيد لا فلماذا ترضينه لنفسك
ساعطيك فكرة ادخلي في حرب ضد نفسك وضد الشيطان
اي انهما عندما يوسوسان لك بعمل معصية اعكسيها واعملي حسنة
ستقهريهما وتجعليهما يبكيان
وادا عملتيها سيقهرانك ويجعلانك تبكين
اذن فلا يجب ان يهزماك وكوني قوية حتي تنتصري في الحرب
كان الله معك وثبتك الله ونحن معك بدعواتنا

[amine eco]

خطيك من علاقات محرمة vive solitaire

[~~نهال~~]

اقراي هذا الكتاب
https://saaid.net/book/open.php?cat=82&book=9442
مفيد

[knives66]

كل ناس يظنوا انوا اول ما يفكر في تغير او توبة اه

يرقد اليوم ينوض غدوة يولي تائب 100%


تغير نفس و طبع يلزمه سنوات وسنوات وحدة وحدة شويا شويا كيما وقعتي في حرام حدة وحدة

توبي وحدة وحدة شيئ لي يخليك ترجعي للحرام

هي فطرة اذا كان بينك وبين نفسك راه لباس

مع وقت تكرهي و تملي وتتهني من كل هذا شيئ