قلب اللوز من إبداعي مارية 14

[مارية14]

السلام عليكم ورحمة الله تعالى وبركاته
اليوم جبتلكم قلب اللوز ناجح 100/100 على ضمانتي و هذه أول مشاركاتي أتمن أنو تنجحلكم يخرجلكم كيما تاع البيع.
*نبداو بالمقادير:]-كيلو سميد خشن من الأفضل عمور
600غ سكر
والشاربات:
كيلو سكر+2ل ماء بعدما يغلى جيدا.حطيلها الشب وشماع الحر.وخليهاتغلي 25د زيديلها كاس ماء الزهر بعدما تغلي طفي عليها.
والآن كيفية التحضير:
خلطي المقادير ورشيهم بفنجان تع لاتاي ماء الزهروخليه يبات ليلة كاملة من بعد حليه بين يديك مليح ثم رشيه بالماء وعجنيه باصباعتيك لازم تعجنيه مليح حتى يذوب السكر اللي فيه ويصبح ينعلك بين يديك ماتفرغيش الماء كامل على خطرة وحدة غير بشوية(مقدار الماء هو كأس كبير معمر تاع القازوز )من بعد إدهني السنيوة بالسمن وعمري يديك بالسمن وارفدي العجينة وحطيها فالسنيوة سويها فيها ودهنيها بالسمن (طراسيها برك ماتقسميهاش في الأول)ودخليها للكوشا بعد 25د تقريبا خرجيها مالكوشا وقسميها ورديها تكمل حتى 60د ثم شعليلها مالفوق غير تخرجيها سقيها بالشاربات غير تشرب زيديلها و شهية طيبة. يخرجلكم هايل ممممممم
آسفة على عدم وضع الصور لأني مانعرفش كيفاش وشكراااا