رحلة التغير

[ام امجد14]

https://www.djelfa.info/vb/showthread.php?t=1593978

والله حبيت نحط هدا الموضوع و نشكر كل واحد ساعدنى فى موضوعى السابق و الله استفدت منكم كثيرا

والله نصائحكم جابت بداية هايلة و مزال رانى نستنى فى النتائج ان شاء الله تكون هايلة مثل البداية

والله جلست مع وليدى قعد مطول و خليتلو هو المجال باش يدكر سلبياتو و يتعرف عليها
و بدورى دكرتلو اجابيات الى فى شخصيتو
و اتفقنا على الاتى

ماشى يبطل التبهليل لكن يقلل منو و سمحتلو مرة الصباح مرة العشية هههههههه
ورانى نشاركو و نتبهلل معاه ههههه

والله تفاهمنا بلى هدى عطلة ماشى تعطل و شريتلو كتاب هااااااااايل من بعد نصورولكم تعلم الفرنسية فى سبعة ايام مااااااااااااااشاء الله راه كل يوم يحفظ الى كتبو ربى و حس بالفرح لان الفرنسية بالنسبة اليه كوشمااااااااااار

رجع للكشافة و راه فرحان بيها
رجع للمدرسة القرانية وراه يحاول يعوض ما فاتو ما شاء الله عليه ره حاحظ من سورة البقرة الى المائدة
الفترة الصباحية اتفقنا يدير فيها واش يحب

نرجع للموضوع نتاع الصح و هو صحابو
تكلمنا بصرااااااااااحة و و قالى عندك الصح لكن ماشى كال ماشى ملاح و عمل عملية تغربيل و قالى على الاصدقاء الى يلعب معاهم و و الى نزعهم من حياتو و حتى هو حكالى عليهم اشياء الدوخ سمعتها من لسانو
حكيت مع راجلى فى موضوعى الاول و بدينا معا فى رحلة التغير او تعديل السلوك ولدنا و
وقالو من اليوم انت صاحبى و ولدى و علاقتهم راهى تهبببببببل والله لا يضيع حق وراءه مطالب

الان من فضلكم واش نزيد فيها رحلة التغير
كيفاش نزيد نحمى وليدى و نخرجو راجل

[نبض الفؤاد]

فعلا عزيزتي....سميتيها رحلة تغيير.....ان شاء الله الى الاحسن دايما.......
ما تنقطعيش عن الدعاء والتمهبيل مع وليدك.....كيما قلتي جرعة الصباح وجرعة العشية....وممبعد نقصي بشوية.....
وأهم صحبة هي مع باباه....الله يحفظولو.....ما تخافيش عليه
ربي يرعاه ويحفظه ويرزقك بره........

[عطوفة]

ما شاء الله بداية موفقة يا أم أمجد ...ربي يعينك وتخرجيه سيد الرجالة ..
نصيحتي لك خلي باباه يصاحبو ويكلفه من حين إلى آخر بعض المسؤوليات لكن أحذروا من توبيخه أو انتقاده إن تهاون مرة أو أخطأ ....روحوا معاه غير بالعقل ما تنسايش بلي راه في مرحلة المراهقة ...
...راني فرحانة لأن الأمور أصبحت مليحة ...وربي يفتح عليه أبواب السعادة ويهديه إلى الأفضل ...

[شوشو 11]

ربي يكون معاك حبيبتي ام امجد ومعانا احنا تاني راهم اولاد شاغلينا بتصرفاتهم غير كل واحد وكفاش
راكي فالطريق الصحيح الى الامام ومليحة كما دخل معاه ابوه فالمساعدة
حاولي تفهميه انه رجل البيت واسندي اليه مسؤوليات ربما بها يحس انه كبر وعيب هدا التصرفات اللي يقوم بها
واحكيلو حكايات ولو وهمية على الناس كفاش يحقرو الشخص اللي يتمهبل ويتمسخر بالزاف وما يعطولو حتى قيمة
انا عندي ولدي تقريبا كما ابنك ربي يحفظهم يعيط بزاااااف ويحب يفرض رايو ولو بالقوة وهو مخطئ ماقدرت نوفق بيته وبين خاوتو خاصة اخته وهو الله يبارك حادق في اشغال اليدوية امالا اي حاجة بسيطة تخسرلي نعيطلو ..وشريتلو دراجة يضل يصلح فيها واصبح يصلح دراجات اصحابو وانا نشجعو عليها وزيد دخلتو لابيسين تع السباحة 3حصص فالاسبوع
راني جيت ناقش مشكلة ابنك لقيت روحي نحكي على ابني هههههه
المهم يعطيك الصحة على الهمة وروح المسؤولية وان شاء الله مايكون غير الخير

[الأمنيات]

ربي يعينك على التربية سواء ولاد ولا بنات كل واحد مرحلته
لكن دور الزوج ضروري خاصة مع الاولاد يخرج معاه ويحكي معاه ويشاركه في كل شيء

[lyna2007]

ربي يحفظ لك أولادك ام ماجد وسلامي الحار لكل العائلة

[أم مبين]

ان شاء الله من الحسن الى الأحسن