تطبيقي التاسع بعد الثلاثين...ابداع جزائرية ربي يعطيك ماتتمناي

it's me · 2014-05-20, 15:16

اول حاجة نقولك توحشناك وتوحشنا طبخاتك و طريقة كلامك ان شاء الله ترجعي بالحماس اللي عرفناك بيه
الللفف شكر على الوصفة يعني اللي ماداقوش و ماجربوش راهو يضييييييييييييييع

مالقيتش الرابط لذا رايحة نحطلكم الوصفة

حطي كاس حليب دافي+كاس فرينة+مغرفة اكل خميرة خبز +مغرفة اكل ولا زوج سكر+بيضة و خلطي بملعقة خشبية مليح وخليها ترتاح 10 دقائق
كي يرتاح الخليط الاول زيديلو الفرينة+1 خميرة قاطو حتى يتلم خليها طرية ماشي يابسة وزيديلو 4 ملاعق زبدة التوريق دايبة وباردة بالتدريج وكملي لميها مليح
خليه يخمر و هبطيه بالشوية من غير عجين قطعيه 8 كريات شكليه وعاودي خمريه وادهني بصفار بيضة وقهوة و طيبيه
الصورة تتكلم عن نفسها هههه يهبببببل

وش رايكم الفحلات؟؟؟؟