ما سبب إسرار الجميع على دخول مسابقة التعليم

الطالب39 · 2011-09-09, 08:34

السلام عليكم
لقد أصبح الكثيرين يسعون للمشاركة في مسابقة التعليم بالرغم من دراستهم إختصاصات خارجة عن مجال التعليم وأنتم ترون هذه السنة هناك الكثير من يحملون شهادات محروقات بيولوجيا ..... وغيرها من الشهادات قد تم إدخالهم للتدريس بالرغم من وجود أصحاب الإختصاص لهذه المواد ولكن أصحاب المعريفة ماهمش باش يحبسوا وبإصدار المرسوم الوزاري المتضمن ترسيم المدمجين قامت مديريات الوظيف العمومي بطرد الكثير منهم وترسيم أصحاب الإختصاص فقط وها هم اليوم يعتصمون للمطالبة بترسيمهم بالرغم من عدم إختصاصهم

فهل يحق لهم الإعتصام!!!!!!!!!!!!

santa20 · 2011-09-09, 11:26

تقصد انهم يزاحمونك انا انقولك بلي حتى سيدك بن بوزيد ليس صاحب اختصاص
خلي اولاد الناس ياكلوا الكسرا
قل خيرا اواخرس

gomplayer · 2011-09-09, 14:18

فيها salaire مليح يا محاينك هههههههههه

ElparinooO · 2011-09-09, 14:39

بارك الله فيك Santa20 على هذا الرد الرائع , ماتلومش هاذو أصحاب العقول الضعيفة . ما يامنوش بلي الرزق على ربي و كل poste يكتب لمولاه
ربي يهدينا برك

face · 2011-09-09, 14:56

يللحذففففففففففففففففف

kemis · 2011-09-09, 19:02

الخلاص مليح و الراحة بزاف وهذا ما يحبوا خاوتك

نحسدوا بعضانا بزاف
لكن اللى ربي يعطيه خبزة أرواح نحهالوا

نهار جماعة جامعة التكوين المتواصل حسدوهم صحاب ليسانس
نهار اصحاب الدراسات التطبيقية يحسدوا التقنيين السامين

وهوما خير منهم في الأداء

الحسد ماشي مليح..........

الطالب39 · 2011-09-09, 20:21

QUOTE=santa20;7213104]تقصد انهم يزاحمونك انا انقولك بلي حتى سيدك بن بوزيد ليس صاحب اختصاص
خلي اولاد الناس ياكلوا الكسرا
قل خيرا اواخرس[/QUOTE]

مش نقصد المزاحمة وإنما راه قبل علاه ماخيرش ديبلوم تعليم وكاين إلي قال قبل عيب كان نطلع نقري واليوم بديبلوم زراعة حاب يقري بيه

اقتباس:

المشاركة الأصلية كتبت بواسطة ElparinooO

بارك الله فيك Santa20 على هذا الرد الرائع , ماتلومش هاذو أصحاب العقول الضعيفة . ما يامنوش بلي الرزق على ربي و كل poste يكتب لمولاه
ربي يهدينا برك

ربي يهديك
كي رحت نحط في دوسي هذا العام بعد ماجاتهم المناصب كي قالي الكاتب قتلوا ظرك نقول لصحابي والله باللفظ الواحد قالي باش يزاحموك قتلو الرزق على ربي والله على ما أقول شهيد
بصح إلي حبيت نفهمو هو علاش قبل ما خيروش ديبلوم نتاع تعليم وكاين إلي قال جامي نكون معلم واليوم راك تشوف معظمهم دخلوهم معريفة يقريو عام إلي فات وأصحاب الإختصاص مريحين واليوم راه خرجوهم وراهم معتصمين وش رايك فيهم تسمى نقريو بالسيف وجماعة الإختصاص ليهم ربي والرزق على الله كيما راك تقول تسمى الرزق في بلاصة خطياتك

ليل حواء · 2011-09-09, 23:34

سبحان الله

الانسان الطيب · 2011-09-09, 23:42

اجابة الكثير ساذجة
تكوين استاذ لتكون استاذ في المستقبل
بيطري ليعالج الحيوانات
مهندس دولة اليكترونيك........الخ
من يقول الخبزة والمكتوب فهو اما جاهل او احمقاو غبي.

لماذا مسابقة القضاء والمحضرين....لاتكون الا للحقوق.
الكل هنا يفلسف.

وهاب 76 · 2011-09-10, 13:01

يا خويا هاذوك الناس يدخلوا للتعليم غير باش يشدوا بيها يديهم و كي تبان المناصب نتاعهم يرموا الإستقالة للمدير
يعني التعليم عند الأغلبية نتاعهم هو : bricolage

med8chouaib · 2011-09-10, 14:55

شكون الي خير منهم
6 أشهر قعاد
6 أشهر رقاد
إلا من رحم ربي
ربي يهدينا ويححل رزقنا
إن شاء الله