سؤال بخصوص تجميد الفراولة من فضلكن

[maiar]

السلام عليكم و رحمة الله و بركاته

منذ مدة و انا نحوس على طريقة تجميد الفراولة و لقيت وحد الطريقة هنا فالمنتدى و هي

نغسل الفراولة و نحي منها الاوراق الخضراء تاعها و نخلي الفراولة تجف و من بعد نحطهم في صينية كل حبة بعيدة على

اختها و بعد ساعتين نهزهم و نحطهم كامل في بورث مونجي و غطيتهم و حطيتهم فالكونجيلاثور الصباح جبدت 2 حبات

قلت نشوف كيفاه رايحة تكون لقيتها راحت فيها خلاص طرية طرية فوق الحق يعني ما تصلح لا لسلطة الفواكه و لا لي

ثارثولاث من فضلكم شكون عندها طريقة مجربة و صالحة مع العلم الحبات لي خيرتهم لي كانو ملاح و مش طريين

و كيفاه ندير لهذه لي مخبيتها

[oumraouf]

أختي الفاضل، كما يقال عوضك على الله في الكيمية التي استعملتيها، ولكن أنا من رأيي تعملي بها الآن عصير بالحليب وتقدميه لأفراد عائلتك بالصحة والهناء. أما بخصوص الاحتفاظ بها فليست لي أية معلومة ..تحياتي

[djazia87holi]

للاسف ليس لي علم عذرااااااااا

[ام ياسمين10]

للاسف رانى انا تانى نحوس على الطريقة الصحيحة

[ichrak03]

انا نضن لانك نحيتيلها الاوراق اللي صرالها هكذا

انا نغسلها بالاوراق نتاعها ونقطرها ونجمدها مباشرة

استعملتها في الباتيسري نطلقت شوي لكن ما فزدتش

[ام مريم اسراء]

https://www.youtube.com/watch?v=Q7-taHxtepY

https://www.youtube.com/watch?v=UNOLEZVc6kg

للامانة جربتهاش

موفقة اختي ميار

[ام مريم اسراء]

https://www.youtube.com/watch?v=54ZEil-Aydk

[nouna ninoucha]

اسفةجدا ماعندي اي طريقة

[نائلة]

أنا نقسم الحبة على اثنين ونخلي الورق ثم نغطسها في عصير القارص ونمرمدها في السكر ونحطها فب بورت مونجي مغلفة بالالمنبوم ونحطها فب المجمد

[amina-alaa]

انا نعطيك طريقة مجربة100 في 100
انا نشريهاباش نستعملها في سلطة الفواكه
اغسليها ونشفيها مليح و ماتنحيش الورق
رمديها في سكر عادي هو راح يمص الرطوبة
ستفيها في ساشي في الكونجيلاتور ساعتين
ثم خزنيها في علبة
جربي و ادعيلي
هه ههه هه هه

[maiar]

بارك الله فيكن ان شاء الله المرة الجاية ربي يخليكم

[ام ظافر]

الكمية الي عندك الان اعمليها مربى تجيك روعة
حطيها تقطر من ماها ثم ضيفيلها السكر وعصير قارص وطيبيها تحبي ترحيها تحبي تخليها قطع كبيرة
اما الفرولة الي تتجمد اكيد راح تتشبع بالماء وتستعمليها عادة في سلطة الفواكه ما تبانش