ساعدوني 0000

مشكلتي · 2014-05-15, 11:46

السلام عليكم اخوتي الكرام
الحمد لله اللي كاين هاذ القسم على الاقل الواحد يفرغ قلبو خصوصا اللي معندوش لمن يحكي كيفي...
مشكلتي اخوتي الكرام تدور حول مبلغ مالي اقرضه زوجي لاخيه الصغير من اجل شراء سيارة وهذا قبل زواجنا على اساس انو يرجعهولو بعد قبض هذا الاخير لمبلغ من مشروع كان قد قدم ملفه منذ 2010 ...وللاسف منذ ذلك الحين لم يستلم زوجي اي فلس منه بالرغم انو اخوه يعمل كيما نقولو عند روحو وانا شاهدة انو يحكم اموال لكن يروح يشري بيها امور تافهة يقدر يأجلها الى مابعد ...وينتظر اكتمال الملف على اساس كي يدخلو هاذ الدراهم عادة يردلو ...وبما انو عند زواجنا زوجي احتاج الى المال من اجل التحضيرات وبسبب انو يحشم من خوه راح دار الكريدي وتزوجنا ولحد الان رانا نخلصو في الكريدي ومزال مكملناش وانا على وشك الولادة وللاسف الشديد مزال ملميناش دراهم العقيقة ...لهذا قتلو الاهل نتاعي عندهم معريفة يساعدوه باه يكمل الملف ديالو ويردلك دراهمك ونتهناو حنا من هم الكريدي هذا...وفعلا جرينالو وبعد اكتمال الملف بقى يتحجج بأمور معروفة من الاول وباينة وللاسف زوجي قالي غادي نقولو حبس هاذ المشروع وروح شوف حاجة اخرى

...والله ياخوتي راني في قلق واكتئاب شديدين ..تخيلو ملي تزوجنا وحنا نحاسبو رواحنا ونخلصو الكريدي والله نشتهى الصوالح ومانحبش نقولو شريلي غير باه نكملو وماما ربي يخلف عليها معاونتنا حتى انها هي اللي جهزتلنا الدار بحكم انو زوجي يخدم بعيد ...ومانحكيلكمش على التمرميد نتاع وسائل النقل ..ولا هو كي يخرج متأخر من العمل يبقى يحوس على اللي يوصلو للدار ..وهكذا قتلو الدراهم اللي يبقاو كي نخلصو الكريدي هاهو البارور نتاعي نبيعوه ونزيدوهم عليه ونشريو سيارة وماطيح نيفك لحتى واحد ....لكن باه يزير روحو مع اخوه ويرجع حقو لالا ...انا مانيش حابتو يدابز معه وفي نفس الوقت مراني نحكي والو باه مايقولش راهي تحرشني على خويا مي كيفاه ندير انا اللي راني نتعذب وراني نحي من روحي وندس في قلبي ...راني غير نبكي وراني خايفة على الجنين نتاعي ....ومانقدر نحكي لحتى واحد باه ماندير حتى مشكل...هو شايف الدموع في عينيا مي نقولو مابيا والو....
قولولي ماهو الحل وكيفاه نتصرف معاه ...الله يجازيكم بالف خير ؟؟
راني نحس بالحقرة ...حساتو يوسعها على خوه ويضيقها عليا .....الحمد لله وربي يفرج عليا وعلى كامل المسلمين..

aymen01 · 2014-05-17, 11:49

خوه و اعطاه المال

رجعهم او لا ما دخلكش

ارضي بما رزقك الله و ما تقعديش تتحسري على المال لاني يروح و يجي و ربي هو الرزاق

pro24 · 2014-05-17, 12:25

يا سلام

يعني انت راكي مركزة غير على دراهم نتاع خوه

يعني خوه

خوه

دار خوه

تسمى لديك عقدة من اخوه

ابلمشكلة بين الاخةيين

وانت ما سبب جنونك هذا

يعني لا يوجد دخل لك بين الاخوين اطلاقا

الحل

ركزي

وامسحي من مخك اخوه

يعني ركزي

على الدعاء والصلاة

بالتوفيق

ام ياسين187 · 2014-05-17, 13:15

يا اختي الرزق على الله سبحانه وهذا الدراهم إذا ما ااخذهمش خوه كان ممكن يجيكم أي مشكل ويروحو فيهم هذا مكتوب ربي وأنت ارضاي وأنساء بللي راه مسلف لخوه يجي نهار وين يرضهم ...لمهم حاولي على روحك وربي هو اللي يرزق العبد ...أطلبي ودعي وأكييد راح تفرج إن شاء الله

ايمان نور الجزائر · 2014-05-17, 16:24

يا اختي هاذو خاوة وموس واحد يذبحهم
الخاوة نتاع بكري هك كانو دايرين اما نتاع دوك غير الواحد يحمد ربي كي يشوفهم متحابين
كملو الكريدي نتاعكم غير بلعقل ووسعي خاطرك وما تبينيش لزوجك بلي مضايقك امر اخوه
معليهش اذا سمحت من حقك شوية هادي هي الدنياااا وربي هو الرزاق
ونتي ما تديريش الهم لروحك العني بليس باش يروحو الوساوس من بالك
وديري بالك على روحك وعلى الجنين
وربي يكون معاكم

سحر الجزائرية · 2014-05-17, 18:01

اختي احمدي ربي زوجك من الرجال الصالحين ويحب خوه حاولي متدخليش بينهم راجلك اكيد يعرف صلاحو وتهلاي فالجنين تاعك
واي مرا تدخل بين راجلها والعيلة تاعو تطلع خسرانة هوما دم ولحم وانتي عروسة