رأيكم في الغسالة lg.؟؟

ام جزائرية · 2014-04-20, 12:35

ممكن تعاونوني في الغسالة lg.الموجودين في الجزائر .من حيث بلد المنشأ.ومميزاتها .ومواصفاتها ..وبما تنصحوني كغسالة لعائلة من 5 افراد.الحجم؟؟وجزاكم الله كل خير

ام جزائرية · 2014-04-21, 12:08

انا بحاجة للمساعدة .ولا احد يجيب؟؟؟

OM AYA · 2014-04-21, 15:33

عندي وحدة سومي اوتوماتيك نظن 6كغ او 8 نسيت شريتها 16 مية عندها خمس سنين غير كيما خسرتلي جيهة لعصير بصح كي شريتها ما عجبتنيش في جهة لعصير صغيرة و جيهة الغسيل وين الصفاية طالعة و الماء ما يلحقش ليها يعني بلا فايدة ما تصفيش
لكن عالعموم مليحة

ضرك راني حابة وحدة ما نمس والو نعبز برك هههه و تكون كبيييييييرة واذا تقدر تغسل الاغطية و الفراش الخفيف ماذا بيا
كي تلقاي قوليلي

ام جزائرية · 2014-04-22, 10:24

شكراom aya
انا ماعنديش بالكل قلت كي نشري طول نشري اللي انعبز ونتفرج وهي تغسل ههههههههههه.الغسيل هبلني وظهري راني منو في حالة حابة نشري غسالة امليحة وماتكسرليش راسي مايهمش الثمن .لانو رايحة نشريها بالتقسيط.لما نشري انخبر احبيبتي لعقوبة ليك انت ثاني

لميس اميرة · 2014-04-22, 22:27

اختي ام آية اشري نتاع 12 كيلو بلاستيك

انا خالتي عندها وحدة تغسل كامل الفراش فيها روووووووووووووووعة

و غسالات البلاستيك درك تحطي القش و هي دير كلش وحدها ماشي مثل القدم حتى تعمريلها الماء و تنقليها لمان التشلال

كاين غسالات بلاستيك و هوما نوميريك بمليون و نص روووووووووووعة دار شيخي عندهم تاع 7 كغ روعة

ام جزائرية · 2014-04-23, 08:36

اقتباس:

المشاركة الأصلية كتبت بواسطة zawali.dz

اختي ام آية اشري نتاع 12 كيلو بلاستيك

انا خالتي عندها وحدة تغسل كامل الفراش فيها روووووووووووووووعة

و غسالات البلاستيك درك تحطي القش و هي دير كلش وحدها ماشي مثل القدم حتى تعمريلها الماء و تنقليها لمان التشلال

كاين غسالات بلاستيك و هوما نوميريك بمليون و نص روووووووووووعة دار شيخي عندهم تاع 7 كغ روعة

ممكن نعرفوا الماركة لمليحة .بصح انا نسمع لما يتعطلوا مايتصلحوش.هل هذا صحيح؟.انا في الحقيقة ماعندي حتى فكرة اعليهم

mariana1 · 2014-08-09, 18:16

الماركة lgماركة مليحة بشرط تكون بروقرامابل راكي ملي تحي لحوايج والصابون حتى تجبديهم معصورين أنا ماشاء الله على ماشينتي نبروقراميها ونروح نخدم نلقاها مخلصة وطافية ، شريتها نظن 3500عندها 7 سنين