حلويات الخطوبة

rosa allia · 2013-04-15, 14:53

السلام عليكم
هاذ ليامات جاو الخطابة لقريبتي
وبحكم أنهم جاو من بعيد وجدنالهم الفطور
وحطينا معاه المادلين و الكروكي و واحد mini tarte تتباع في les superettes بذوق الكاراميل

ومن بعد حطينا الغدا لكن للأسف ما قعدناش باش نصوروه راكم تعرفو حالة الزربة كيفاه تكون

المهم درنا hors d’œuvre ، جاري، كفتة، وشخشوخة

ومن بعد حطينا القهوة مع القاطو وهاهم ليكم التصاور

وفي الأخير نتمنى يعجبوكم وأدعيولها ربي يهنيها خاصة راهي رايحة تتزوج في الغربة، ولعقوبة ليا وليكم اللي مازالو

~~جوهر دعوة~~ · 2013-04-15, 15:03

سلام اختي اولا كلشي مبروك وربي يتمم علي خير اختي القاطو هايل وباين بنين وخطة يعطيكم الصحة والعاقبة لقاطو خطوبتك وعرسك وربي يدوم الفرحة حبيبتي سلام*

ريتاج تيارتية · 2013-04-15, 15:04

ماشاء الله كل شيء يهبل مبروووووووووك عليها وربي يهنيها انشاء الله
بغيت نسقسيك السكر كي تخدميه بليكولار نورمال كي يستعملوووه ما يطلقش الصبيغة
ممكن تعطيلي الوصفة نتاع المعمول اللي راكم خادمينووو
تهااااانينا

rosa allia · 2013-04-15, 15:50

اقتباس:

المشاركة الأصلية كتبت بواسطة ريتاج تيارتية

ماشاء الله كل شيء يهبل مبروووووووووك عليها وربي يهنيها انشاء الله
بغيت نسقسيك السكر كي تخدميه بليكولار نورمال كي يستعملوووه ما يطلقش الصبيغة
ممكن تعطيلي الوصفة نتاع المعمول اللي راكم خادمينووو
تهااااانينا

بالنسبة للسكر ديري وماتخافيش ما يطلق حتى لون خاصة إذا كان خلطتي الحليب مع القهوة و نسبة colorant فيه راهي خفيفة بزاف.

وبالنسبة للمعمول طريقتو ساهلة:

3 كيلات فرينة، 1/2 كيس خميرة كيميائية، 1 كيلة سمن ذايب، 1/2 كيلة سكر قلاصي، 1صفار البيض، حليب وماء زهر.
خلطي الفرينة والسكر، الخميرة زيديلهم السمن وخلطي من بعد زيدي لصفر نتاع البيض وخلطيهم مليح، من بعد أجمعيهم بالسكر وماء زهر حتى تجيك عجينة طرية، خليها ترتاح شوي، ومن بعد شكلي كريات ودخليهم في المعمول وحطي فوقهم واش تحبي ومن بعد طيبيهم