ارجو النصيحة

[hicham43002]

السلام عليكم ورحمة الله وبركاته
انا مقبل على بيع سيارتي هذه الايام وانو ي ان اشتري سيارة fait punto سنة الصنع عام 2000 محرك 1.9 ديازال عندها سنة لم تسر لكن صاحبها يؤكد ان المحرك يدور جيدا كما ان التربو معطل بالاضافة الى ان عجلاتها الاربعة في وضعية غير جيدة كما انه اخبرني ان قطع غيار السيارة من ارخس القطع في السوق خاصة نواحي عين مليلة
فانا افكر في شراءها واصلاحها واعادة بيعها يعني بالعامية نعاود السوق
لكني ناقص خبرة في هذا المجال يعني ستكون اول سيارة اشتريها بمفردي في رايكم ما هي القطع التي يجب ان اغيرها لها خاصة وانها منذ عام لم تسر وما هو السعر الذي اعرضه عليه ام تنصحونني بان لا اشتريها
كما اعلمكم ان السيارة باربعة ابواب اما من ناحية الهيكل فالجناح الامامي الايمن يجب ان يغير

[Kob-Tiarti]

شوف اخي ، اسال عن اسغار قطع غيار السيارة المعطلة ، واسعار القطع الاستهلاكية بنفسك ،وسعر السيارة الصحيحة في السوق ، ومن بعد نتا احسبها شحال غاديي تخرج باش تصنعها ، وواش السعر اللي راك حاب تبيعها وشوف الفايدة اذا كانت تستاهل كل هذا العناء توكل على ربي ، حتى لو خسرت التجربة والمغامرة مليحة ، لكن حط في بالك ان السوق في هادو الايام ماهوش ماشي يعني توقع ان السعر اللي باغي تبيع بيه يكون نازل شويا.

اما عن القطع اللي تبدلهم ، هو الزيوت مع لفيلتر نتاوعوا والاطارات وحاول تنظف ليسانجيكتار والبطارية اذا ماكانتش صالحة ، وكي تنوض السيارة حاول انك ماتفورصيش عليها بزاف وامشي بيها مسافة 30 كم بسرعة 100-120 باش تخرج الكربون اللي في المحرك.
وربي يوفق ان شاء الله.

[hicham43002]

في الحقيقة اخي هو اخبرني بان الشئ المعطل فيها هي التربو وعلى حسب كلامه فيقدر ثمنه بخمسة الاف دج لن هناك من قال لي ابتعد عن سيارات الفيات لان محركها معقد وانا لا خبرة لي في هذه الامور فكل السيارات التي اكتسبتها هي بمحركات البنزين لا غير فلهذا تجدني متردد بعض الشئ

[Kob-Tiarti]

المشاركة الأصلية كتبت بواسطة hicham43002

في الحقيقة اخي هو اخبرني بان الشئ المعطل فيها هي التربو وعلى حسب كلامه فيقدر ثمنه بخمسة الاف دج لن هناك من قال لي ابتعد عن سيارات الفيات لان محركها معقد وانا لا خبرة لي في هذه الامور فكل السيارات التي اكتسبتها هي بمحركات البنزين لا غير فلهذا تجدني متردد بعض الشئ

شوف اخي، لا تثق في كلام الناس ابدا خصوصا في السيارات ، وماكدبش عليك اللي قالك باللي سيارات الفيات محركها معقد واصلا قليل اللي يفهم فيها وما نظنش قطع غيارها رخيصة وفي متناول الجميع فانا ننصحك بالسؤال على اسعارقطع الغيار والميكانيك نتاعها عند الميكانيكيين ومحلات قطع الغيار.

[julien2013]

ياو من أسوأ السيارات هاذي كانت عندنا سيري 2002 جديدة في هاذاك الوقت
ما جينا نتخلصوا منها حتاااا.
لأنها لا تمشي في البيست
و ما يحبوهاش الناس
انصحك بالابتعاد

[sarl02]

والله سيارات الفيات من اجود السيارات في السوق لكن الناس تهدر برك ....صديقي الانتيم لديه بنتو 2009 ايسونس 1.2 والله ما خلينا بيها بلاصة ..ولاسيسبونسيو تاعها لا تضاهيها سيارات البيجو والرونو ...وقطع غيارها رخيس جدا مقارنة بالماركات الاخرى ...وانا احدثك بناء على تجربتي لها ...لكن المشكل الوحيد بالنسبة لسيارات الفيات ومنها البونتو انها غير مرغوبة في الاسواق ولا ادري لماذا ...وقليلة الاستعمال والاقبال ....وربي اوفقك.

[hicham43002]

لما استفسرت خارج المنتدي عند اصحاب ورش تصليح السيارات اخبروني ان محرك الفيات من احسن المحركات فهو نادرا ما ترتفع حرارته وعيبها الوحيد في الهيكل ينتشر فيه الصدا بسرعة

[Kob-Tiarti]

المشاركة الأصلية كتبت بواسطة hicham43002

لما استفسرت خارج المنتدي عند اصحاب ورش تصليح السيارات اخبروني ان محرك الفيات من احسن المحركات فهو نادرا ما ترتفع حرارته وعيبها الوحيد في الهيكل ينتشر فيه الصدا بسرعة

والله الامر الآن راجع لك انت ، استخير واللي يكتبوا ربي فيه الخير ان شاء الله.

[hicham43002]

اشكر كل الاعضاء الذين لم يبخلوا علي بالنصح والارشاد اما بالنسبة للسيارة فلم يحدث الله نصيب طالب 30 مليون راه طالب الغالي