اب الزوج

[مشكلتي]

السلام عليكم
انا عايشة وحدي وراجلي طول خدام ومايباتش هنا
القليل وين يبات
وساكنة بعيد على اهله في حي عسكري
هل ابوه محرم لانه يحب يجي ويقعد وساعات حتى ولده هذه قلتلها لزوجي خوك كي يجي قبل ماترروح ركبو يروح وهذا من حقي حرام
حبيت نسقسيكم انه حرام كي نقعد انا وسلفي وحدنا وماكان والو زي الخاوة او انه حرام بعيد الشر كي يوقع المحظور
يعني كي نقول لزوجي حرام نقعد انا وخوك وحدنا عندي الحق
وبالنسبة لابوه جا باه يقعد معانا اسبو ع راجلي جاتو خدمة يجي يطل ويروح يبات في الخدمة
الحق ماشفت عليه واااااااااااااااااااالو
لكن في الليل انا نرقد وهو يبات يتفرج في الافلام المصرية ناقص شوية دين يصلي صح بصح ماينوضش للفجر وعمره لا قرى في مصحف ولا حتى هز سبحة
وحتى كي في داره حسب ماتحكي بنته كان يتفرج في الافلام الجنسي اسمحولي
هذا طبعه كيما قلتلكم كي نرقد في الليل وهو يبات يتفرج نخاف والله العظيم ماشفت منه حاجة بصح مادامو يحب يشوف ممكن يغرو الشيطان يعني اسبوع انا نسمع حاجة تحركت في نص ليل وقلبي يحبس
وهو يحوس يخلي داره ويجي يعيش عندي
وانا قلبي مش مرتاح وانا جميلة واي حاجة نلبسها نبان فيها
من جهة نحب نلبس لزوجي ومن جهة اخرى هو انسان ناقص دين
فهموني هل هو محتم عليا مع العلم انه راجلي بناله دار قبل مايتزوج يعني ماناش مقصرين معاهم ويمدلهم الدراهم غير حابين عندي
وانا اللي مايخافش ربي نخاف منه
سؤال اخر قدا شكون لازمني الخمار
انا ندير غير قدام سلافي
هل قدام ابوه واعمامه واخواله لازم الخمار ولالا