زواجي ينهار

[أم.معتصم]

أنا في مشكلة عويصة
أدركة أن زوجي يحب ابنة خالته من قبل زواجنا في الحقيقة هو أخبرني بذلك قبل الزواج و قال أن أهله لم يوافقوا عليها و أنا حسبته قد نسيها مع العلم اني سالته مرارا و تكرارا و أنه قال أنه نسيها ولاكن بعد الزواج وجدته يحتفظ بمذكرات يعبر فيهم عن مدى حبه لها صحيح هي مكتوبة في الماضي لاكن لماذا لم يرمهم عندما أراد الزواج
أنا رميتهم ولم أخبره لأنني لا أريد هدم زواجي لاكن يوم بعد يوب أصبحة أحس كثيرا أنه يحبها مع العلم أنني أهواه وأحاول قدر المستطاع اسعاده لاكنه اصبح يعاملني بقسوة و لا يهتم ابدا لامري وما زاد حياتي مرارة أمه التي لا تكف التحدث عنها
أرجو أن تساعدوني لانني لايمكن ان أحكي مشكلتي لأحد من أهلي

[sali-sali]

المشاركة الأصلية كتبت بواسطة أم.معتصم

أنا في مشكلة عويصة
أدركة أن زوجي يحب ابنة خالته من قبل زواجنا في الحقيقة هو أخبرني بذلك قبل الزواج و قال أن أهله لم يوافقوا عليها و أنا حسبته قد نسيها مع العلم اني سالته مرارا و تكرارا و أنه قال أنه نسيها ولاكن بعد الزواج وجدته يحتفظ بمذكرات يعبر فيهم عن مدى حبه لها صحيح هي مكتوبة في الماضي لاكن لماذا لم يرمهم عندما أراد الزواج
أنا رميتهم ولم أخبره لأنني لا أريد هدم زواجي لاكن يوم بعد يوب أصبحة أحس كثيرا أنه يحبها مع العلم أنني أهواه وأحاول قدر المستطاع اسعاده لاكنه اصبح يعاملني بقسوة و لا يهتم ابدا لامري وما زاد حياتي مرارة أمه التي لا تكف التحدث عنها
أرجو أن تساعدوني لانني لايمكن ان أحكي مشكلتي لأحد من أهلي

السلام عليكم
بدلا من ان تذكريه بها
اهتمي به اكثر
+ حرام عليه هكدا يلعبو ببنات الناس .. ماتحبهاش علاش تجيبها لدارك .. ربي يهديه

حاولي التقرب اليه و اعملي الحاجات الي ترضيه
ربي يفرج عليك

[bellaluna]

كم من فتاة تزوجت بمن لا تحب و كم من شاب تزوج بمن لا يحب..
اصبري لعلّ الله يُحدث بعد ذلك أمرا.

[bfares13]

السلام عليكم ورحمة الله وبركاته

بعض الأفكار التي تراودك ليس لها أساس من الصحة ، احتفاظ زوجك بالمذكرات لا يعني أنه يحبها إلى الدرجة التي تتصورينها كما انها تبقى بنت خالته أي علاقة قرابة ، ولو كان يريدها حقيقة لما استطاع أحد منعه من الزواج منها ولما ارتبط بك أنت.

حاولي تزع تلك الأفكار من مخيلتك

كوني بشوشة وظريفة مع زوجك عامليه باحترام وتقدير وطاعة ، فإن رأى فيك تلك الأوصاف فسيرتاح ويستقر وما أدراك والإستقرار.

[fayza81]

انصحك بالصبر وان تثابري ولا تملي فكانت لي مشكلة يعني ما تشبهها فزوجي تزوجني بلا مايشتيني و مانقولش بلي عاد يحبني ولكن على الاقل يحترمني كزوجة والحمدلله المهم الحكاية وراهي شوي طويلة هي اني كي عقد بيا بعد شهرين تزوجنا في هاذو شهرين كان مزال مع الي يحبها وهذا عرفت بعد زواجي من خلال مساجات الي لقيتهم في تليفونو المهم 3 اشهر الاولى كانت مشاكل وبسببهم اجهضت ابني الاول مالا قعدت عند يما 10 ايام حتى بريت وكنت حاسة بلي كاينة حاجة لانو زوجي ماتصلش بيا فهذي المدة باه يطمن عليا و فعلا كي رجعت لداري و في هذاك النهار هو نسى بورتابلو في الدار و مكانش عارف بلي راني جاية اليوم و تليفون يرن ونلقى اسم فتاة ملا رديت عليها وقاتلي بلي رايحا تديه عليا بكيت وغاضتني نفسي ياسر ولكن قلت راه ربي معايا وتفكرت قصة قريتها في الانترنيت عن زوجة رجعت زوجها ليها بالدعاء كانت تقولو في كل صلاة قبل تكبيرة الحرام اي بعد الاقامة كانت تقول "اللهم ارضى عني واحعل بيني وبين زوجي المودة والرحمة و السكينة و أقنعه و اهله بي"و فعلا صليت عصري ودعيت بيه وكي جا زوجي كلي ماصرى والو وتميت ندعي بذاك الدعاء والحمد الاه الان ربي رزقني بطفيلة و زوجي الي ماكانش يحبني مانقولش يحبني ولكن يعزني و عجوزتي الي كانت تحط العين عليا ماعادتش دلي مشاكل و عاد كل واحد في حالو
واش ننصحك ياختي عليك بهذا الدعاء وصلاة الليل ولو ركعتين كيما انا كنت ندير وصلاة الفجر في وقتها عطاتني رحت البال نوصيك صلاة الفجر في وقتاه صلاة الفجر في وقتها صلاة الفجر في وقتها و انا واثقة من ربي راه زوجك يرجع ليك وعجوزتك تحترمك وتاني شئ كنت يوميا ندوش و نخدم شعري ونكحل عينيا ولبسة الصباح و لبسة عشيا وحدها صح بسيطة المهم نظيفة والعطر و كي عود ماعنديش نكتفي بالماء وكل مرة نفاجؤ بماكلة يحبها مرة ولامرتين في الاسبوع و الهدايا ايضا ماتنسيهاش ولو قابسة شكولا مريخا كما كنت ندير وقبلة صباح الخير ومساءالخير و ساعات يتهرب منها ويكسرلي خاطري بصح نقول ماعليهش من اجل الله
اسمحيلي اذا طولت عليك لاني حسيت بيك و ربي يفرج عليك

[أم.معتصم]

شكرا لك حبيبتي على النصيحة بصح صدقيني راني في 2 سنة متزوجة و درة كتر من واش راك تقولي

[baalache]

انا نقولك الحل ادعيلها باش تتزوج فترتاحين من الشكوك

[fayza81]

انا راني قريب في 3 سنين متزوجة بصح ايماني بالله وثقتي لكبيرة بيه ما خلتنيش نيأس ولانو عارفة بلي الشيطان اهم شئ عندو هو خلق مشاكل بين زوجين ولهدا اصريت و بمعونة ربي انو من خاليهش يقهرني و تعود دموعي تسيل ونا كاتمة و نكون حزينة لان الحزن يعني راني نحيت ادي من ربي
نزيد ناكد لك خلي علاقتك بربي قوية و متينة ورايحة تشوف سعادة الدنيا في راحة البال و سعادة الاخرة في رضا الزوج عليك و ماتنسايش كاين حديث مانيش حافضاتو مليح وهو" المراة اذا صلت خمسها و حصنت فرجها واطاعت زوجها ضمنت الجنة " و حديث تاني" لو امرت ان يسجد مخلوق لمخلوق لامرت الزوجة تسجد لزوجها" راه مكانة زوج واعرة مالا اصبري و اصبري و ربي معاك وراكي ماجورة من عند الله من اجل الحفاظ على بيت الزوجية

[المنتصر1]

المشاركة الأصلية كتبت بواسطة fayza81

انا راني قريب في 3 سنين متزوجة بصح ايماني بالله وثقتي لكبيرة بيه ما خلتنيش نيأس ولانو عارفة بلي الشيطان اهم شئ عندو هو خلق مشاكل بين زوجين ولهدا اصريت و بمعونة ربي انو من خاليهش يقهرني و تعود دموعي تسيل ونا كاتمة و نكون حزينة لان الحزن يعني راني نحيت ادي من ربي
نزيد ناكد لك خلي علاقتك بربي قوية و متينة ورايحة تشوف سعادة الدنيا في راحة البال و سعادة الاخرة في رضا الزوج عليك و ماتنسايش كاين حديث مانيش حافضاتو مليح وهو" المراة اذا صلت خمسها و حصنت فرجها واطاعت زوجها ضمنت الجنة " و حديث تاني" لو امرت ان يسجد مخلوق لمخلوق لامرت الزوجة تسجد لزوجها" راه مكانة زوج واعرة مالا اصبري و اصبري و ربي معاك وراكي ماجورة من عند الله من اجل الحفاظ على بيت الزوجية

تفاجات بوجود زوجة مثلك في هذا الزمن..

اقول للاخت فقط استمعي لهذه النصيحة اما انت فكثر الله من امثالك

[SKYALGERIA]

السلام عليكم نعم أنت محقة فأنت الأن زوجته و لا يحق له الإحتفاظ بمذكرات "غرامية" لأي إمرأة كانت حاولي أن تذكريه بواجباته و حقوقك عليه كزوجة من الكتاب و السنة لعله يتعض . سبحان الله هكذا هو ديننا ؟؟؟ هذه خيانة يا أختي بصراحة .

[fayza81]

لقد جربت هذي النصيحة من قبل يا اخ skyalgeria ملا زعف و قالي" راكي تشوفي فيا نحرق في الجوامع و ماكيش نتي الي تنصحيني و ان راجل نخون و ماتسلنيش "كلام جارح عارفة بصح سمحتلو لانو كان في حالة غضب هذا ربي يعفو مالا كيفاش مانعفوش انا
ننصحك من تجربتي مادريش كما قال الاخ
و رجال ماهمش كيفكيف يعني كاين الي ذكرتيه راه يتعض و لكن نظن زوجك كما زوجي و انت ادرى بيه

[حورية38]

حاولي ان تعرفي الشيء الى مخليه مازال متمسك بيها وحاولي تكونيلو اقرب الناس وخليك من كلام يماه وباباه ووووو راهي تزيد تحطمك
والله ماكانش كيما كلام ربي خلي ايمانك فيه اقوى من كلام الناس
وبلاك انت حسستيه بالمشكل ورجعتيه يفكر فيها ربي يعينك ويعينو وربي يصلح بيناتكم

[abou.fatima]

أكثري من الدعاء لأن القلوب بين اصبعي الرحمن يقلبها كيف شاء

[eBusiness]

الله يهدي ما خلق، أكره ما أكره هذا النوع من الرجال الذي لا يحترم نفسه، شوفي يا أختي أدعي الله له بالهداية وصدقيني إن تمادي في خطيئته فسيدفع الثمن غاليا في الدنيا قبل الاخرة، بنات الناس ما راهومش لعبة يلعب بها أمثاله!

أصبري ولا تعيري الوساويس اهتمامك فهي كفيلة بفقدانك الكثير من قيمتك كأنثى واهتمي بأمرك وأمر زوجك لعله يثوب عن ذنبه

وفقك الله أختي الكريمة

[Maria dadi]

المشاركة الأصلية كتبت بواسطة ebusiness

الله يهدي ما خلق، أكره ما أكره هذا النوع من الرجال الذي لا يحترم نفسه، شوفي يا أختي أدعي الله له بالهداية وصدقيني إن تمادي في خطيئته فسيدفع الثمن غاليا في الدنيا قبل الاخرة، بنات الناس ما راهومش لعبة يلعب بها أمثاله!

أصبري ولا تعيري الوساويس اهتمامك فهي كفيلة بفقدانك الكثير من قيمتك كأنثى واهتمي بأمرك وأمر زوجك لعله يثوب عن ذنبه

وفقك الله أختي الكريمة

سلام
يعني مالقيت واش نقولك اخت الأخ الكريم قال واش كنت رايح انقولك
انا أيضاً اكره هذا النوع من الرجال وهو كيعاد يحبها علاش متزوجهاش وامو كي عادت بنت اختها
عزيزة عليها علاه مزوجتوش بيها
وكي جابك انت عادت عزيزة
اخت ادعي الى الله عز وجل انو يعجل في نصيب هذه البنت
وانت ان يصخر لم زوجك يسر الله أمورك انشاء الله