ماذا افعل؟؟؟

مشكلتي · 2014-04-22, 20:45

انا طفلة نكره الافعال و الاشياء التي تفعلها البنات الان (مشيان حاشاكم) مي يعجبني طفل و لا مي ما نهدرش
انا مقبولة الشكل و متفزقة في الدراسة حبيت واحد ثلاث سنين بلا ما يعرف حتا واحد و ممبعد كا حبتو صحبتي بعدت و نسيت روحي فيه
حبيت من وراه بمدة طويلة واحد اخر و ما قلتش مي فاق بيا المهم حكا معا صاحبو و قالو انا نبادلها نفس الشعور وصلولي الهدرة و انا فرحت مي حبيت نسقسيه ساع قالي اني نتمسخر برك!!!!
تتمسخر برك؟؟؟ هداك النهار بهدلتو حتى شبعت و مانيش حاسة واش قاعدة ندير
المهم غدوا ففت معا روحي و طلبت السماح منه
و من نتم مازدتش حكيت معاه الى الان
عندها عام نتلاقا بيه لا صباح الخير لا والو كلي اعداء ما يهدرش معايا خلاه
و انا تاني ما نهدرش معاه تبانلي نرمي في روحي عليه المهم تبانلي نطيح من روحي
انا حبيت ننساه مي ما قدرتش
نصلي و ندعي باه ننساه مي والو نكره في روحي فيه مي والو
صح انا غلطت فيه مي اني طلبت السماح
المهم قولولي واش ندير ؟؟؟

knives66 · 2014-04-23, 11:32

نورمال يوم وراء يوم وتنسايه

بعدي عليه و ديري روحك ما شفتيهش

هذي قضية وقت برك مكيش راح تنسياه في يوم ليلة

انت به حبتيه قعدتي سنين وبه تنسايه يلزملك سنين

الحزين المبتسم · 2014-04-23, 12:06

الظاهر من كلامك أنك فتاة مازلت تدرسي وكذلك هذا الشاب يعني نقولك مازلتم صغار
من خلال الحديث ميزت أربع شخصيات انت وصاحبتك والشاب وصاحبو ؟؟؟ والموضوع الحب
أقول لك استفيقي أختي من الأحلام أقول لك اهتمي بدارستك .. وهذا العالم الوردي دائما يظهر للفتيات والشباب وهم في دراستهم لكن عند مواجهتهم للواقع تتغير المعطيات

agro44 · 2014-04-23, 12:14

حبيتي واحد ومن ثم انسيتيه وحبيتي واحد اخر ؟؟؟

يا اختي معندكش التعريف الحقيقي للحب

هذاك هو الاعجاب الي زينولك ابليس في قلبك برك

عندوا الصح راهوا غير يتمسخر بيك

ونزيدك

احنا كنا في المتوسط ووهد الطفلة كانت الله يبارك هي الوحيدة المتحجبة ومن عائلة محافظة ومجتهدة
في احد الايام قالت لواحد يقرا معانا اني حاب نرتبط معاك و هو قالنا بحكم احنا صحابوا
وراكي عارفة صحابوا 100 واحد
هو مقبلهاش لانه صغير وميعرفش هذا الحب
وبعد مرور السنين الى الان واحد محبش يتزوج بيها كل واحد خايف يضحكوا عليه صحابوا

تتخيلي من 15 سنة ؟؟

شوهت السمعة نتاعها بكلمة وحدة برك

وانت حذاري من نفش الخطأ ان لم اقل اكبر

amine9mm · 2014-04-23, 18:51

جيل تافه ابتعد عن القران والسنة ويريدون به تحرير فلسطين
شعب غير قابل للتطور

Wunderbare fehlt · 2014-04-23, 19:17

[QUOTE=amine9mm;1056202514]جيل تافه ابتعد عن القران والسنة ويريدون به تحرير فلسطين
شعب غير قابل للتطور [/
med nasi7a mch tnod tetma3kes tofla rahi gatlk a3toni 7al ok
akhah za3ma khawa wkol wahd ytma3ks blakhooor yiii khah efff QUOTE]

first first · 2014-04-23, 20:11

اختي العزيزة

ردا على سؤالك....مادا افعل........................نقولك انه راس الحكمة وعين العقل ان لا تفعلي شيء.
حبسي ماديري والو.
ونهار على نهار تنساي الموسيو هداك............وتنساي التبهديلة لي بهدلتيه...وهو تاني يكبر وينسى
اتهلاي في قرايتك.وعيشي صغرك............................مازالك صغيرة.................منا وانت في حكاية حبني وحبيتو ولاخر ماعلابالوش وانا كنت علابالي ...ومن بعد لاخر عرف...وقالتلو لاخرى...................والله ياختي غير تكسار راس. ...عيشي هانية...وهني لي معاك.
ربي يحفضك... وحاولي النسيان................النسيان لازمو بعض الوقت....كيما عمرتي راسك هادو3 سنين ...فرغيه بشوية بشوية حتى يفرغ وترتاحي.
Bon courqge....وماتقلقيش روحك....التبهديلة لي بهدلتيه ماشي اكبر من التبهديلة لي كنت راحة تبهدلي روحك بيها...خممي على روحك.

amine9mm · 2014-04-23, 22:37

[QUOTE=Wunderbare fehlt;1056202792]

اقتباس:

المشاركة الأصلية كتبت بواسطة amine9mm

جيل تافه ابتعد عن القران والسنة ويريدون به تحرير فلسطين
شعب غير قابل للتطور [/
med nasi7a mch tnod tetma3kes tofla rahi gatlk a3toni 7al ok
akhah za3ma khawa wkol wahd ytma3ks blakhooor yiii khah efff QUOTE]

انصح وماذا انصح حب يحب احببت
كتبنا موصوع عن العلاقات المحرمة 100 مرة وكم نصحنا ولقد تعبنا
يا جماعة يا اهل المشاكل العلاقة قبل الزواج محرمة
اسامة بن زيد صحابي جليل قاد جيش وهو في عمر 17 عشر
عندما كنا امة العزة
ولكن احببته احبني
احبه ولا يجبني
غريب امر هذا الجبل
المسلسلات التركية وماذا فعلت بنا

مريم الصابرة · 2014-04-23, 23:03

السلام عليكم اختي من قصتك الواضح أنك صغيرة السن
شوفي اختي اولا كانو لعب اطفال قال لصحابو ووصلولك الهدرة وبعدها غلط معاك وقالك نتمسخر برك وإنت بهدلتيه كلام غير ناضج او بالاصح تصرف غير ناضج لا منك ولا منو إنت صغيرة ونراعي شعورك حبيتيه وحابة تنسايه فكري في امر واحد هل راكي في سن الزواج اكيد لالا يعني لازم سنوات باه يجي هل هذا اللي يتمسخر راح يحبك لدجرة يتزوجك او تقعدي معاه هكذا راكي تكبري وويلي يبدل فالبنات
اختي اخطيك تنسايه نورمال لأن مقنعة روحك بللي ما تقدريش راكي تتعذبي فكري إنو راكم بعاد بزاف على الزواج او حتى على علاقة سليمة راهو كلعب أطفال معناه مازال صغير في مخو اخطيك هذي نصيحتي شكرا

رتيـل · 2014-04-24, 18:59

وفري هذا الحب لمن يستحق ''زوجك"

و من هنا الى ان يحين ذلك الوقت

لا تشغلي بالك باحد

لان لا احد يستحق ان تعصي الله لاجله

و ان تشغلي فكرك به

و كل شيء سيمر باذن الله

belle foufa · 2014-04-24, 20:58

اقتباس:

المشاركة الأصلية كتبت بواسطة najmsouf

الظاهر من كلامك أنك فتاة مازلت تدرسي وكذلك هذا الشاب يعني نقولك مازلتم صغار
من خلال الحديث ميزت أربع شخصيات انت وصاحبتك والشاب وصاحبو ؟؟؟ والموضوع الحب
أقول لك استفيقي أختي من الأحلام أقول لك اهتمي بدارستك .. وهذا العالم الوردي دائما يظهر للفتيات والشباب وهم في دراستهم لكن عند مواجهتهم للواقع تتغير المعطيات

والله كلامك درر وجواهر

يسمينة البجائية · 2014-04-25, 22:04

عندي ليكم وصاية !!
... ديرو بالكم معايا !!
لا يغركم زين الوجه فالمرايا !!
لي ينفع هو زين القلوب وصفاء النوايا !!
عنداكم تمشيو فهاد الزمن ضحايا !!
يدور الزمان وتندمو وتولِّيو شفايا !!
يضحك عليكم هذا وهذاك وترجعو قصة ورواية !!
الرجلة ماشي هي التدخين !!
كل ساعة تعمّْر الطفَّاية !!
فين غادي يا هاد الدري فين !!
تابع البنات هادي نسرين وهادي مايا !!
حافظ گاع الأغاني وأسماء اللاعبين !!
والعقل ما فيه حتى شي آية !!
ونتي يا البنت يا لي عرِّيتي الرجلين !!
و لبستي صاية !!
باش هذا يقول ليك تبارك الله على الزين !!
خرجتي الطريق وربحتي سخط الوالدين !!
شوهتي بينا ووطيحتي الرَّاية !!
الوالدين وصَّا عليهم الدِّين !!
والله قال راه رضاهم مع رضايا !!
كون رطب مع واليديك وحنين !!
والا نرضو تعامل معاهم بعناية !!
شي نهار يموتو ونصدقو نادمين !!
حتى يفوت الفوت عاد نفهمو الحكاية !!
نكونو اوفياء ونكونو مخلصين !!
ماشي بحال لي يضحك فوجهي ويهضر ورايا !!
و إلا كنتي نت وشي حد مخاصمين !!
خلِّي أسرارو عندك وبلا ما دير بيهم دِعاية !!
القيامة قربات وحنا مازال غافلين !!
كلشي ماشي لديك الدَّار تا حد مايبقا هنايا !!
سامح وصافح راه كلنا راحلين !!
وقرا هاد الوصايا مزيان وإلا مافهمتيش عاود القراية !!

julien2013 · 2014-04-25, 22:52

حشوووووووومة
خطيك من الانجرار وراء ما يسمى بالحب !!!!

وفقك الله

samira135 · 2014-04-26, 12:39

اقتباس:

المهم قولولي واش ندير ؟؟؟

ما ديري وااااااالو فترة وتمر لما تكبري شوية تعودي تضحكي على روحك

○•ميسون•○ · 2014-04-26, 14:17

حاجة مش ساهلة و لكن حاولي تنسايه

لا تحاولي الوصول الى شخص لا يحاول الوصول اليكي